'கபாலி' விளிம்புநிலை மக்களுக்கு 'வேலி!'

 ‘கபாலி’ விளிம்புநிலை மக்களுக்கு ‘வேலி!’

கபாலி திரைப்படம் குறித்து ஏராளமாக பேசப்பட்டு விட்டது; இன்னும் பேசப்படக்கூடும்; பேசப்படவும் வேண்டும்! நான் நேற்றுதான் (ஆகஸ்ட் 02 இல் செகன்ட் ஷோ) கபாலி காண நேர்ந்தது. உண்மையிலேயே சமீப காலத்தில் அதுவும் ரஜினி நடித்த படங்களிலேயே வர்க்கம்-சமூகம்-முன்னேற்றம்-விடுதலை குறித்த பிரச்சனைகளில் ‘எழுச்சி’ வேண்டுமென்றால், ‘அமைப்பாகப்போராடு’ என்ற செய்தியை இந்த கபாலி ‘கணீர்’ என ஒலித்திருக்கிறது; இது நான் சற்றும் எதிர்பாராதது. ‘வர்த்தக’ நோக்கில் ‘வர்க்கப்’ பிரச்சனையைப் பேசுவதால், வானம் ஒன்றும் ‘பொழிந்து’ விடாது என இடதுசாரி மற்றும் முற்போக்கு வட்டாரங்களிலும்கூட அலசப்படுகிறது. தமிழக அரசியல் சூழலில் சினிமா என்ற ‘அமைப்பு’க்கு ஒரு முக்கிய பாத்திரம் உண்டு என்பதை யாரும் மறுக்க இயலாது.

அப்படி ஒரு ‘தாக்கம்’ சினிமாவுக்கு மக்களிடம் இல்லையெனில், அன்று துவங்கிய ‘பாதை தெரியுது பார்’ முதல் சமீபத்தில் வந்த ‘நினைவுகள் அழிவதில்லை’ வரை எதற்காக அந்த ‘பெரு’ முயற்சிகள் எடுக்கப்பட்டன என்ற கேள்வி எழுவதை நிராகரிக்க முடியுமா? தெரியவில்லை! எனவே தினமணியின் ‘உச்சம்’ தாண்டிய ‘எச்சம்’ நியாயமே என படம் பார்த்தப்பின் யாராலும் முடிவுக்கு வரமுடியும். இந்திய சமூகத்தின் ‘இருப்பை’ கேள்விக்கு உள்ளாக்கும் குறிப்பாக வர்ண-வர்க்க வேறுபாடுகளை கேள்விக்கு உள்ளாக்கும் ‘அவசர அவசிய’த்தை மிக பெரிய ரசிகர் வட்டத்தை வைத்திருக்கும் ரஜினியின் வாயிலாக ‘வாகணம்’ ஏற்றப்படுகிறபோது, ஆளும் சுரண்டல் வர்க்கத்தின்… வர்ணாசிரமத்தின்… வேறுபாடுகளுக்கு ‘பால்’ வார்த்துக்கொண்டு இருக்கும் தினமணி போன்ற ஊடகங்களுக்கும், அதன் சார்ந்த அமைப்புகளுக்கும் ‘எரிச்சலை’ ஏற்படுத்தாமல் இருக்க முடியுமா? முடியவேமுடியாது! அதுதான் தினமணி போன்ற ஊடகங்களின் கோபக் கொப்பலங்கள் கொப்பளிப்பதற்குக் பிரதானக் காரணம் என்பதைப் பார்க்க முடிகிறது.

ரஜினி என்ற பிம்பத்தின் மீது ரஞ்சித் என்ற சிற்றுளி கபாலி என்ற காவியத்தை செதுக்கி இருப்பது அபாராம்; அற்புதம்! அதற்காக அந்த இருவரையும் எவ்வளவு வேண்டுமானாலும் பாராட்டிக் கொண்டே போகலாம். ஆம்! ‘கபாலி’ பேசும் கதாப் பாத்திரத்தின் மேல் கட்டமைக்க வேண்டிய விமர்சனங்கள் ‘கள்ளடிக்கெட்’ மீது பாய்ந்தது ஏன் என்பதற்கான காரணத்தைப் புரிந்துக் கொள்வது மிக எளிதே. ஆம், சமுதாயத்தின் அடிநாதமான வர்க்கம்-வர்ணம் பற்றி இந்தளவுக்கு எந்த திரைப்படமும் பேசியதாக எனக்கு தெரியவில்லை. அதுவும் ரஜினி என்ற பெரும் பிம்பத்தின் மீது அதை ஏற்றியதான்... அதன்மூலம் கோடான கோடி மக்களின் மனதில் வீசப்பட்டு இருக்கும் ‘வித்தாக’யாக கபாலி இருப்பதனால்தான்… ஆளும் வர்க்கத்தின் இத்தகைய ‘வெறுப்புணர்ச்சி’க்கு காரணம் என நினைக்க இடமிருக்கிறது. இந்தளவுக்கு பிரபலம் இல்லாத நடிகர் நடித்திருந்தால் கபாலி நன்றாக ‘உறங்கி’க் கொண்டு இருப்பான் யாரையும் குத்தாமல் குடையாமல்! அல்லவா?

‘கத்தி’ முதல் ‘கபாலி’ வரையான திரைப்படங்கள் மீது ‘மயக்கம்’ வேண்டாமென கூட கருத்து நிலவுகிறது. அது கருத்து; அதுக்கு மதிப்பு அளிக்கபடும்; ஆனால்… அது அப்படிதானா? மனிதனின் வாழ்வில் எவ்வித தாக்கத்தையும் கலை, இலக்கியம், ஊடகம்  போன்றவை ஏற்படுத்தாதா? அப்படியென்றால், அது சார்ந்த அமைப்புகளை நடத்தி வருவதேன்?. ஆம், கலை என்பது இருமுனை கொண்ட கத்தி. அதை பயன்படுத்துவோரின் நோக்கங்களை பொருத்தே அது பயன்படும் என்பதுதான் ‘மார்க்சீயம்’! அல்லவா? அதை மிக அற்புதமாக ரசிஞ்த் கையாண்டு இருக்கிறார்; அதற்கு மிக வலிமையாக ரஜினி கை கொடுத்து இருக்கிறார். இதற்கெல்லாம் உந்துவிசையாக நடிகர் தனுஷ் மனைவியும், ரஜினியின் மகளுமான சௌந்திரியா இருந்திருக்கிறார் என்ற செய்திகள் உலாவுவது இதில் உறுதிப்படுத்தப்பட்டு இருக்கிறது. அதோடு கலைப்புலி தாணு களமிறங்கி கரம் கோர்த்து இருக்கிறார். இவர்கள் எல்லாரும் மிகுந்த பாராட்டுக்குரியவர்களே!

ஆம்! பெண்மையை எவ்வளவு பெருமை படுத்த முடியுமோ (சிறுமை படுத்தாமல் இருப்பதே பெருமை படுத்துவது போன்றது தானே) அவ்வளவு பெருமை படுத்தப்பட்டு இருக்கிறது கபாலியில்!. தன் மகள் தனக்கு ஒரு ராணுவ வீராங்கனைப்போல் செயல்பட வைத்திருப்பது ரஜினி பார்முலாவே கிடையாது. அதுபோல் நிறைய ரஜினி பார்முலா இதில் மீறப்பட்டு இருக்கிறது; அதுபோல் இளம் கதாநாயகர்கள் ரஜினிக்கு உதவுவது; உயிர் கொடுப்பது எல்லாம் எந்த படத்தில் வந்திருக்கிறது?  அதற்கு அவரும் உடன்பட்டு இருக்கிறார்; இதெல்லாம் தற்செயலானதல்ல; திட்டமிட்ட வேலையே; ஆம், அது ‘சமூகசேவை’யும்கூட! 

சினிமா என்று வந்து விட்டாலே அதிலே கற்பனைக்கு பஞ்சமிருக்காது; நிஜ வாழ்க்கையில் செய்ய இயலாத பிரமாண்டம் இருக்கும். அது இல்லையென்றால் அது நாடகம் ஆகிவிடும். நாடகங்களே (சீரியல்) இன்று நிஜமில்லா சினிமா போல் ஆகிவிட்டது. இன்றைக்கு பல திரைப்படங்கள் தோல்வியை தழுவுவதற்கு சீரியலில் நிலவும் பிரமாண்டங்களும், புனைவுகளுமே! ஆகவே ரஜினி போன்றோர் நடிக்கும் படங்களில் புனைவிற்கு சற்றுத் தூக்கலாகத்தான் இருக்கும். கபாலி என்ற பாத்திரம் தனிமனித வீரசாகசம் பேசினாலும், இதிலே நிறைய துணைக் கதாப்பாத்திரங்கள் கதையின் நாயகன்-நாயகிகளாக இருப்பது வியக்கவே வைக்கிறது. இதெல்லாம் ரஜினியின் இன்றைய பார்முலாவே கிடையாது. இது இளம் இயக்குனர் ரஞ்ஜித் பார்முலா போலும்! (இவரின் இதற்கு முந்திய எந்த படமும் நான் பார்க்கவில்லை; அட்டக்கத்தி, மெட்ராஸ் பேசப்பட்டதை ரசித்திருக்கிறேன்! அவ்வளவே!) தமிழ் திரை உலகம் தலைநிமிரும் காலம் போலும் இக்காலமும், இனி வருங்காலமும்! ஆம், கபாலியும்தான்!

கதைக்குள் அது பயணிக்கும் பாதைக்குள் புகுந்து எதையும் நான் பகிரப்போவதில்லை. ஒன்று—படம் வந்து பத்து நாட்கள் ஆகிவிட்டது; இன்னொன்று-- அனைவரும் திரையரங்கம் சென்று கபாலியை காண வேண்டும் என்பது! என்றாலும் ஆண் தான் பெற்றோரை காப்பான்; பெண் காக்க மாட்டாள் என்ற ஆண் ஆதிக்கச் சிந்தனையை, கருத்தைக் கபாலியில் அடித்து நொறுக்கப்பட்டிருப்பதும், கபாலியின் மகள் ‘அப்பா’ என அழைக்கும் அந்த நொடி… என்னை அதிர வைத்து விட்டதும்; எல்லா தீங்குகளுக்கும் இந்த ‘சமூக அமைப்பே’ காரணம் என ஆணி அடித்தாற்போல் நிறுவுவதும் அருமை! ஆனந்தம்! அதைப் பகிராமல் என்னால் இருக்க முடியவில்லை! (மீதியை வெண்திரையில் காண்!)

அதோடு கபாலி படத்தின் முடிவை பார்வையாளர்களே தீர்மாணித்துக் கொள்ளட்டும் என்று கூறப்பட்டிருப்பதால்… கபாலியைச் சுட்டுக் கொல்ல இரு காவலர்கள், ஒருவரிடம் துப்பாக்கி கொடுத்து அனுப்புவது நிச்சியமாக அது, அந்த காவல்துறையின் முடிவாகவோ, அந்த அரசின் முடிவாகவோ இருக்காது; அதாவது, அது அவர்கள் இருவரையும் ‘விலை’க்கு வாங்கிய வேறொரு கேங்க் ‘வேலை’யாக இருக்கும்! 

அனேகமாக, காவலர்களின் அந்த துப்பாக்கியை எடுத்துக் கொண்டு, தன்னை போர்வையால் போர்த்திக் கொண்டு போகும் அந்த நபர் அப்படியே கபாலியைக் கடந்து சென்றுவிடத்தான் வாய்ப்பு அதிகம்! காரணம் அந்த நாட்டின் மூத்தவர், மதிக்கத்தக்கவர் நூற்றாண்டு கொண்டாடும் விழாவில், அந்த ‘பெரும்தலை’யே கபாலிக்கு தனது தள்ளாத வயதில், தன் துணைவியாருடன் எழுந்து நின்று வரவேற்கிறபோது, மக்கள் மனதில் கபாலி நிற்கிறார் என்றர்த்தமே மேலிடுகிறது; ஆதலால் பெரும் கொள்ளை, கொலை செய்யும் ‘கேங்க்’குகளின் ஆதிக்க தேசமாக, சூதுமிக்க தேசமாக அது இருக்கிறபடியால், கபாலி என்கிற மனிதநேயம் மிக்க, சமத்துவக் கொள்கை பேசும் ஒரு ஜீவன் இருக்க கூடாதென கருதி கபாலியைத் தீர்த்து கட்டவும் வாய்ப்பு இருக்கிறது! 

ஆனால்-- கபாலி யின் கடந்த கால சேவையை, பணியை, அவரின் கொள்கைப்பற்றை மனதில் கொண்டு, நான் பார்க்கிறபோது, இதுபோன்ற ‘கேங்க் தலைவர்கள்’ வேண்டுமென மனதுக்குள் பூஜித்து, திரும்பி வந்து துப்பாக்கிக் கொடுத்தவர்களையே தீர்த்துக் கட்ட வேண்டும்; ஏனென்றால் இப்படிப்பட்டவர்கள் தான் நாட்டில் கிரிமினல்கள் வளர்க்கப்படுகிறார்கள் என்பதனால்!? ஆக இந்த இடத்தில் நான் பதிய விரும்புவது… ‘மகிழ்ச்சி!’. அதுபோல் நடிப்பில் யாரும் குறை வைக்காமல் போட்டிப் போட்டு நடித்துள்ளது அதைவிட ‘மகிழ்ச்சி!’. கபாலி விளிம்புநிலை மக்களுக்கு வேலி!

-பி.தங்கவேலு.

----\\\\

வாழ்த்து மழை பொழிந்த... 

தோழமைகளுக்கு நன்றி!

தோழர்களே, 2, 3 நாட்களாக எனது நோக்கியா வின்டோ கைபேசி என்னுடன் தகராறு... அதனால் இப்ப சாம்சங் ஆன்ராய்டு கைபேசி என் மகனின் உதவியால் வாங்கி விட்டேன்!  இனி இது தகராறு செய்யும் வரை... உங்களுடன் தொடர்ந்து உரையாடல் இருக்கும்! ஆம் கடந்த 28.7.16 அன்று எங்களின் 33வது திருமண நாளை முன்னிட்டு மகள் கைக்கடிகாரமும், மகன் கைபேசியும் அன்பாக வாங்கி தந்துள்ளனர்! அவர்களுக்கும், வாழ்த்து மழை பொழிந்த தோழமைகளுக்கும் நன்றி!

----\\\

சுடுகாட்டில் பயமில்லை; 

சுதந்திர தேசத்தில்தான் பயமே..! -சகாயம்!

நான் செய்த ஒரே தவறு... கலெக்டராக நான் இருந்தபோது, கிராம நிர்வாக அலுவலர்களை கிராமங்களுக்கு செல்லுங்கள்; என்றேன்! 

இதுக்கு மேல்தான் அவரின் வீரிய வார்த்தைகளே இருக்கிறது!

ஆம்... என் இடத்தை மாற்ற முடியுமே தவிர என் கொள்கைகளை யாராலும் மாற்ற முடியாது! 

அத்தனை மாவட்ட ஆட்சியரும், அதாவது அனைத்து IAS., IPS அதிகாரிகளும் இது மாதிரி உப்புப்போட்டு சோறு தின்றால்... நாட்டுக்கு எதுக்கு கஷ்டம் வருதூங்கிறன்..!

அல்லது இப்படி ப்பட்ட அதிகாரிகளை எந்த அரசியல் வாதிகள்தான் என்ன புடுங்கிப்புட முடியூங்கிறன்..!?

-----\\\\

நாடகமும் நடிப்பும் 

*இருவரும் (கிளாரி; கில்லாடி) லேடி என்ற ஒரு பொருத்தம் இருப்பதை ஏற்கலாம்! 

*இருவரும் விளிம்புநிலை மக்களுக்கு அவரவர் ஆட்சி பரிபாலணத்தில் ஓரிரு சலுகைகள் வழங்கலாம்! 

*ஆனால் அடிப்படையில் இருவரும் பெண்ணாக இருந்தாலும், உழைப்பாளிகளை சுரண்டும் கொள்கையில் ஒன்னாக இருப்பவர்களே!

*இதைவிட (தமிழக சட்டச்சபையில் நடப்பது) கோமாளித்தனமும், அடிமைபுத்தியும் வேறெதுவுமில்லை!

*நடப்பது நாடகமும் நடிப்பும் கூத்தும்!

----\\\\

புறம்தள்ள முடியாது!

*ஜிஎஸ்டி தமிழகத்திற்கு பாதிப்பு என்கிற தமிழக அரசின் ஆதாரப்பூர்வ வாதத்தை, அறிவிப்பைப் புறம்தள்ள முடியாது! கவனத்தில் கொள்ளத்தான் வேண்டும்! ரூ9 ஆயிரம் சொச்சம் கோடி நட்டம் என்பது சாதாரணமா?  

*மாநில உரிமை பாதிப்பு ஒரு பக்கம் இருந்தாலும், இந்த நட்டம் தமிழக மக்கள் தலையில் ஏற்றவே வாய்ப்பு உள்ளது. உற்பத்தி வரி என்றால் ... அது ஏற்கனவே மக்கள் தலையில் தான் சுமத்தப்பட்டு இருக்கும்! 

*உற்பத்தி வரி தானே குறைகிறது என்று மேலோட்டமாக பார்த்தால்... அது மக்களுக்கு சாதமாக தோன்றும் இந்த ஜிடிபி வரிவிதிப்பு! ஆனால் அது உண்மையா? 

*இன்று 4.8.16 PTTV நேர்படபேசு க்கு!

*(விவாதத்தைப் பார்த்தபோது ஜிஎஸ்டி தமிழகத்திற்குப் பாதிப்புபோல் தான் தெரிகிறது. அதிமுக திமுக வின் நாடகமும் புரிந்தது!  திமுக 'எதிர்ப்பு' தெரிவித்து ஆதரித்ததாம்; அதிமுக 'எதிர்ப்பு' தெரிவித்து வெளிநடப்பு செய்ததாம்!)

----\\\\

அப்பட்டமான சமூகநீதி மீறல்! 

*கோட்டாச்சியரா? வன்கொடுமை ஆட்சியரா? தமிழக அரசின் சமூகநீதி சந்திச் சிரிக்கிறது!

*சந்தேகமே வேண்டாம் இது தீண்டாமையை  ஊக்குவிப்பதே! 

*அப்பட்டமான சமூகநீதி மீறல்! இதை அனுமதிக்கலாகாது!

*வெவ்வேறு நாட்களில் விழா வை வெவ்வேறு சாதிகள் நடத்திக் கொள்ளட்டும் என்பது அரசியல் சாசனம் வழங்கிய உரிமையை மறுப்பதாகும்!

*சமரச முயற்சி, அமைதிக்குழு, சர்வக்கட்சி குழு என எல்லாம் அரசாங்கம் செய்வது தலித் மற்றும் இடைச்சாதி என அழைக்கப்படுவோருக்கு வழங்கப்படும் அநீதியே!

----\\\\

மேற்கு வங்க மக்களைக் காப்போம்! 

மம்தா அரசின் கொலைவெறித் தாக்குதலை முறியடிப்போம்!

7.8.16 காலை சங்ககிரியில் எஸ்கே.சேகர் தலைமையில் சங்ககிரி ஜோதிபாசு நினைவகத்தில் நடைபெற்றது. மாவட்டக்குழு செயலாளர் பி.தங்கவேலு விளக்கி பேசினார். இதில் சங்ககிரி, எடப்பாடி, கொங்கனாபும் இடைக்குழுவை சேர்ந்தோர் பங்கேற்றனர்.

7.8.16 காலை ஆத்தூர் கட்சி அலுவலகத்தில் பிஆர்.மாதேஷ்வரன் தலைமையில் நடைபெற்றது. மாநிலக்குழு உறுப்பினர் கே.ஜோதிலட்சுமி விளக்குரை ஆற்றினார். ஆத்தூர், கெங்கவள்ளி, வாழப்பாடி இடைக்குழுக்கள் பங்கேற்றன.

7.8.16 மாலை சேலம் சிறைத்தியாகிகள் நினைவகத்தில் எம்.முருகேசன் தலைமையில் நடைபெற்றது. இதில் மாநிலக்குழு உறுப்பினர் கே.துரைராஜ் விளக்குரை ஆற்றினார். இதில் சேலம் மாநகரம் கிழக்கு, மேற்கு, வடக்கு, தாலூக்கா, பனமரத்துப்பட்டி, ஓமலூர், ஏற்காடு, மின்னரங்கம் இடைக்குழுக்களும், மத்தியதர அரங்கங்களும் பங்கேற்றன.

#

6.8.16 இல் புதுச்சாம்பள்ளி பி.ராமமூர்த்தி நினைவகத்தில் ஏ.அருணாசலம் தலைமையில் நடந்தது. சிபிஐஎம் சேலம் மாவட்டக்குழுச் செயலாளர் பி.தங்கவேலு விளக்குரை ஆற்றினார். மேட்டூர்-கொளத்தூர், மேச்சேரி, நங்கவள்ளி சிபிஎம் இடைக்குழுக்கள் பங்கேற்றனர்.

----\\\\

ஒன்று 'காவிப்பற்று!' 

இன்னொன்று 'கார்ப்பரேட் பற்று!'  

"பசு வேறு; பசுவைப் பாதுகாப்பது என்ற பெயரால் நடைபெறும் வன்முறை வேறு!" என்கிறார் பிரதமர் மோடியார்! மகிழ்ச்சி! இவரின் இந்த காலம் கடந்த ஞானோதயம் எதனால்? ஏன்? இதற்கு பின்னால் ஒளிந்திருப்பது என்ன?

தலித் மக்கள் கிளர்ச்சி குஜராத் முதல்வரையே மாற்ற வைத்தது; இது செய்தி! இதிலிருந்து திசைத்திருப்பவே பிரதமரின் இந்த நீலிக்கண்ணீர்!  இது ஒருபுறம்!  

இன்னொரு புறம் பட்டேல் சாதியினரின் வன்முறைக்கு பிரதிபலனாக பட்டேல் சாதியினரின் ஒருவருக்கு துணை முதல்வர் பொறுப்பு!  அப்படியென்றால் தலித் பிரிவினரில் ஏன் துணை முதல்வர் பொறுப்பு தரவில்லை என கோரிக்கை வந்துவிட கூடாதென்ற சூழ்ச்சி,  சூது ஆகியவற்றின் வெளிப்பாடே பிரதமரின் இந்த தலித் மீதான பாசம்! 

ஆர்எஸ்எஸ் சேவகர் மோடியார்... 

ஒன்றும் "சைவ"ப்பூனை  அல்ல! 

அடுத்து பிரதானமானது உபி வர இருக்கிற சட்டமன்ற தேர்தலும், ராஜஸ்தானில் நடந்த உள்ளாட்சி தேர்தலில் பாஜக மண்ணைக் கவ்வியதும்! மோடியின் ஒவ்வொரு "மூவ்"க்குப் பின்னாலும் ஒளிந்திருப்பது காவிப்பற்றே தவிர தேசப்பற்றல... தலித் பற்றல்ல... சிறுபான்மை மக்கள் பற்றல்ல... ஒன்று 'காவிப்பற்று!' இன்னொன்று 'கார்ப்பரேட் பற்று!'  

இதை மறந்தோமென்றால் புலி புல்லைத் தின்றக் கதையாகி விடும்! ஆம், பசித்தாலும் புலி புல்லைத் தின்னாது ... அது புலால்தான் தின்னும்! ஆம் பசு தோல் போற்றிய புலியே மோடியும், காவிக்கும்பலும்!  

நான் சொல்வது சரியா "டவ்வுசர்பாய்ஸ்!?"

----\\\\

வாங்கய்யா வாங்க..!

வாங்கய்யா வாங்க..! போனா கெடைக்காது..! பொழுது விடிஞ்சா கெடைக்காது..! என்ன சுட்டுத் தள்ளுங்கய்யா..! என்ன சுட்ட அமிர்ஷா இலவசம்..! அமிர்ஷாவைச் சுட்டா அத்வானி இலவசம்..! அத்வானியைச் சுட்டா ஆர்எஸ்எஸ் இலவசம்..! ஆர்எஸ்எஸ் ஐ சுட்டா... இந்த நாட்டுக்கு பரவசம்..! நம்ம நாட்டுக்கு சுபிட்சம்..! வாங்கய்யா... வாங்க..! (கருத்துபடம்: இன்றைய 9.8.16 ஜனசக்தி)

----\\\\

"சேலத்தின் சோகம் ..!"

சேலத்தின் சோகம்..!

எழில் கொஞ்சும் ஏற்காடு அடிவாரத்தில் சேலம் பிரபல 'சமூக' ஆர்வலரின் வீட்டுக்கு (?!) மன்னிக்க.. பங்களாவிற்கு முன் உள்ள 'கோல்டன் கேட்' மெட்ரிக் பள்ளி முன் தமிழ்நாடு மக்கள் உரிமை கட்சி ஆர்ப்பாட்டம் இன்று 1.8.16 நடத்தியது. அதனால் அப்பகுதி மிகுந்த பரபரப்புக்கு உள்ளானது. 

    பியூஸ் சேத்தியாவுக்கு 'வக்காலத்து' போட்ட இந்த பள்ளியின் செயலாளர் மீனாசேது என்பதுதான் அந்த பரபரப்புக்குக் காரணம் என்றால் நம்புவீர்களா?

      ஆம், அந்த பள்ளி நிர்வாகத்தின் நில ஆக்கிரமிப்புக்குத்தான் 'அய்யா' உதவினார் என்று கூறப்படுகிறது. 'பாம்பில் கால் பாம்பு அறியும்' என்பார்கள். அதுதான் இந்த ஆர்ப்பாட்டம். 

      இவரின் மூக்கின் முன்னிருக்கும் பொதுச் சொத்து அபகரிப்பு இவருக்கு இத்தனை நாள் தெரியாமல் போனதுதான் சேலத்தின் சோகத்திலும் சோகம்!?. 

      'இது நீர்வழி புறம்போக்கு ஆயிற்றே; எப்படி ஆக்கிரமிப்பு செய்து 12 வருடமாக வைத்திருந்தீர்?' என சேலம் தாசில்தார் அம்மா கேட்டதற்கு, "சும்மா கிடந்தது வச்சிருந்தேன்; இப்ப நீங்க கேட்கிறீங்க... வச்சிக்கிங்க...!" ன்னு மீனாசேது சர்வ சாதாரணமாக சொன்னாராம்!  

      இங்கதான் நம்ம மனசுல ஒன்னு வந்து தொலையுது! ஆம், 'ஒருவரைப் பற்றி தெரிந்துக் கொள்ள வேண்டும் என்றால் அவரின் நண்பர் யார் என்று தெரிந்துக் கொண்டால் போதும்' என்கிறது மேலை நாட்டு பழமொழி ஒன்று! 

       இப்பொழுது தெரிகிறதா...? இந்த பியூஸ்சேத்தய்யாவின் சமூகசேவை..!? "ஊருக்குத்தான் உபதேசம் உனக்கில்லடி" என்றாராம் ஒருத்தர் தன் மனைவிடம்..!? 

       அதுசரி தர்மபுரி ஆற்றங்கரையில் அமைந்திருக்கும் 'கூட்டுறவு வனக்காடு'க்கு எப்ப போவீங்க ஆபீஸர்ஸ்..? அதுபோல் கல்வராயன்மலை வனத்தில் போய் எப்ப 'சோதனை இடுவீர்' ஆபீஸர்ஸ்..?

        ஏரி காவலன்டா... வன காவலன்டா... வாழும் 'கபளீரன்டா..' நீர்நிலை நிலத்த; வன நிலத்த வளச்சிப் போடுவேன்டா... 

பாவம் கபாலிடா..!

----\\\\

Dyfi Aiyf தான் நியாயம் கேட்டு களத்தில்..!

கெட்டிக்காரன் புளுகு எட்டு நாட்களுக்கு என்பார்கள். அது பியூஸ் சேத்தியா விவகாரத்தில் உண்மையாகி விட்டது. இன்று செய்தி தாளில் அவரது பேட்டி... 'என்னை தாக்கிய சிறை காப்பாளர், தலைமை வார்டர் களை இடைநீக்கம் செய்ய வேண்டும்' என திருவாய் மலர்ந்துள்ளார்!

இவரின் நடிப்பை நம்பி 62 பிரமுகர்கள் கையெழுத்து இட்டு உள்துறை செயலாளருக்கு கடிதம் வேறு எழுதி உள்ளார்களாம்! சிலரின் உடலில் இருந்து வருவது ரத்தம்; பலரின் உடலில் இருந்து வருவது தக்காளி சட்னியாக தெரிவதுதான் இந்த 'சமூக'த்தின் சோகம்!  

ஆம், அதே சேலத்தில் எஸ்.வெங்கட்ராஜ் இளைஞன் போலீசால் வெட்டவெளியில் அடித்தே கொல்லப்பட்டார்! ஆனால் இவர் பாவம் ஏழை; என்ன செய்வது?! வழக்கம் போல் இடதுசாரி இளைஞர் அமைப்புகளான Dyfi Aiyf தான் நியாயம் கேட்டு களத்தில்..!

[9:59 AM, 7/31/2016] +91 99424 86407: 👌👌👌👌👆🏼

ப்யூஸ் வெள்ளை நிறமாக உள்ளதால் வெள்ளைநிறம் உண்மைய மட்டுமே பேசும்மென நம்பி விட்டதா சேலம்

[10:33 AM, 7/31/2016] +91 94865 96641: 😇
----\\\\
பியூஸ் மனுஷ்/சேத்தியா... 
நல்லவரா?  வல்லவரா?
மனித உரிமைகள் /மாண்புகளை மதிக்கிறேன். சிறைக்குள் பியூஸ் மீது தாக்குதல் நடைபெற்றதாக அறிந்த பின்னர், "கண்டிக்கிறேன் " எனப் பதிவு செய்திருந்தேன். அதை மறு உறுதி செய்கிறேன்.

**
# விரிவான விமர்சனம் தேவை என பியூஸ் ஆதரவாளர்கள், ஊடக நண்பர்கள் சிலர் கேட்டுக் கொண்டதற்கு ஏற்ப இக் குறிப்புரைகளை பதிவு செய்கிறேன். சொன்னபடியே, அவர் ஜாமீனில் வெளிவந்த பிறகுதான் எழுதுகிறேன்.

# "நிறைய வியாபாரம், கொஞ்சம் சண்டை -இதுதான் பியூஸ்" எனவும், "மூங்கில், நிலம், நீர் சார்ந்த சாமர்த்தியமான வியாபாரி (Shrewed Businessman) பியூஸ்" எனவும், கடந்த சில ஆண்டுகளாக பியூஸின் நண்பர்கள், ரசிகர்கள், தோழர்கள் ஆகியோரிடம் சொல்லி வந்ததை விரிவாக முன்வைக்கிறேன்.

# அவரால் பாதிக்கப்பட்ட மக்கள், நண்பர்கள், அவரது முகநூல் Facebook குறிப்புகள், கள ஆய்வுகள் போன்ற ஆதாரங்களிலிருந்தே எழுதியுள்ளேன்.

#பியூஸ் செயல்பாடுகள் மீதான கொள்கை வேறுபாடுகள் தவிர, எனக்கு அவரிடம் தனிப்பட்ட பகை, மோதல், நலன்களோ எதுவும் இல்லை.
***
Chapter 1- பகுதி 1 தருமபுரி
(2010 க்கு பிந்தைய அவரது சமூக  செயல்பாடுகளில் தருமபுரி பற்றிய பகுதியை விரிவாகவும், சேலம் பற்றிய சில முக்கியமான குறிப்புகளை மட்டும் பதிவு செய்கிறேன்)

பாக்கு மட்டையிலிருந்து மூங்கிலுக்கு மாறுதல் :-
தமிழகத்தில் உள்ள வட இந்திய மார்வாரி பான் புரோக்கர் வட்டிக்கடை முதலாளிகள், ரியல் எஸ்டேட் /நில வியாபாரத்தில் ஏராளமான முதலீடுகளை குவித்துள்ளனர். அவர்களில் சிலரோடு பங்குதாரர் ஆகவும், அவர்களின் நலன்களைப் பாதுகாப்பவராகவும் பியூஸ் சேத்தியா உள்ளார். இது பலருக்கும் தெரிந்த செய்திதான் ! துவக்கத்தில் பாக்கு மட்டை பொருட்கள், இயந்திரங்கள் தயாரிப்பு தொழிலில் இருந்த பியூஸ் நிலம் மற்றும் மூங்கில் வியாபாரத்திற்கு மாறிய பின்னர்தான் மிகப்பெரிய சக்தியாக உருவெடுத்தார்.

சேலம் மாவட்ட கல்வராயன் மலைப்பகுதியில்,  கருமந்துறையில் சுமார் பத்தாண்டுகளுக்கு முன்னர்  மார்வாரி சேட்டுகள் பழங்குடியினர் நிலங்கள் உட்பட 70 ஏக்கர் நிலங்களை வாங்கி சுமார் 35,000 மூங்கில் செடிகளை வளர்த்தனர். பியூஸ் ஒரு பங்குதாரர் மட்டுமல்ல, நிர்வாகியும் கூட. ஒரு ஏக்கர் ரூ.3 இலட்சம் எனவும், நல்ல லாபம் கிடைக்கும் எனவும் தொடர்ந்து பியூஸ் விளம்பரம் செய்தார். (பார்க்க : 23.4.2013 தேதிய அவரது முகநூல் பதிவு)

வெற்று வாக்குறுதிகள் !அந்த மூங்கில் பண்ணையில் பல பிரச்சினைகள். மூங்கில் வெட்டி வெளியே கொண்டு வருவதில் வனத்துறையுடன் பிரச்சினை. ஒரு பகுதி நிலங்களை விற்றுவிட்டு தருமபுரியில் கவனம் செலுத்தினார்.

ஜருகு மூங்கில் பண்ணை :-
ஜருகுவில் 8 ஏக்கர் பரப்பளவில் அமைந்துள்ள இப் பண்ணையானது, ரியல் எஸ்டேட் வியாபாரி திலீப் பேட் மற்றும் பியூஸ் சேத்தியாவிற்கு சொந்தமானதாகும். பெரிதும் மூங்கில் வளர்க்கப்படும் இப் பண்ணையில், மூங்கில் பொருட்கள் தயாரிக்கும் பட்டறையும் (Workshop) உண்டு. (படம் இணைக்கப்பட்டுள்ளது) வடகிழக்கு மாநில கைவினைஞர்களைகுறைந்த கூலிக்கு சுரண்ட முயற்சிக்க அவர்கள்  பணியாற்ற முடியாது எனச் சென்றுவிட்டனர்.

உள்ளூர் தலித் தொழிலாளர்கள் பண்ணை வேலை மற்றும் மூங்கில் பொருட்கள் தயாரிப்பு வேலைகளில் பணியாற்றி வருகின்றனர்.
ஆண்களுக்கு மாதக் கூலி ரூ.6,000, பெண்களுக்கு ரூ.4,500 ஆகும். மூன்று மின் இணைப்புகள் உள்ளன. இயந்திரம், மின் மோட்டார்கள் உள்ள இப் பண்ணையின் சமீபத்திய மின் கட்டணம் ரூ.881(749+132) மட்டுமே ஆகும். திலீப் பேட் பெயரில் உள்ள இணைப்பு எண் 019-011-1263 க்கு நீண்ட காலமாக மின்கட்டணம் செலுத்தப்படவேயில்லை. அந்த பூந்தோட்ட இணைப்பில் மின்சாரம் திருடப்படுவதைப் பற்றி த.நா.மின் வாரியம் தான் கவலைப் பட வேண்டும்.

நமது கவலை என்னவெனில், இந்தப் பண்ணையை முன்மாதிரியாக சுட்டிக் காட்டி, ஜருகுவிலிருந்து சுமார் 5 கி.மீ தொலைவில் உள்ள நாகாவதி அணைப் பகுதியின் அருகில் ஏழை விவசாயிகளின் நிலங்கள் அற்ப விலைக்கு வாங்கப்பட்டு அமைந்துள்ள " கூட்டுறவு வனம்" எனப்படுகிற Coop Forest பற்றியதே ! (படங்கள் இணக்கப்பட்டுள்ளது)

கூப் பாரஸ்ட் (Coop forest) :-
பியூஸின் சாதனைகளில் ஒன்றாக புகழப்படுவது இந்த கூட்டுறவு வனம் எனப்படுகிற Coop forest ஆகும். பெண்ணாகரம் வட்டத்தில், நாகாவதி அணை அருகிலுள்ள எர்ரப்பட்டியில் துவங்கி பெண்ணாகரம் நோக்கி சுமார் 600 ஏக்கருக்கு விரிந்து பரந்துள்ளது. மூங்கில் கோம்பை கிராமம் எனப் பெயர்பலகை வைக்கப்பட்டுள்ளது. சட்டப்பூர்மாக 150 ஏக்கர் நிலங்களையும், 40 பங்குதாரர்களையும் கொண்டதாக அறிவிக்கப்பட்டுள்ளது. பங்குதாரர்கள் உள்ளூர் மக்கள் அல்ல ; சேலம் போன்ற வெளியூர் பணக்காரர்கள். அவர்களிடம் ஏக்கருக்கு ரூ.2.25 இலட்சம் வாங்கிக் கொண்டு,நிலம் கொடுத்த  விவசாயிகளுக்கு ஏக்கருக்கு ரூ.25,000 மட்டுமே பியூஸ் வழங்கினார்.வளர்ச்சி நிதி ரூ.2 இலட்சம் என அறிவித்து விட்டு, 5 ஆண்டுகள் கழித்து இலாபத்தில் பங்கு என்றும் அறிவித்தார். எதுவும் நடக்கவில்லை. பலருக்கு பட்டா கூட கிடைக்கவில்லை. நாம் இந்த பணக்காரர்கள், சமூக ஆர்வலர்கள் பற்றி தற்போது கவலைப்படவில்லை.

இதே காலகட்டத்தில், தருமபுரியில் வரவிருந்த சிப்காட் தொழில்வளாகத்திற்கு எதிரானப் போராட்டத்தில் பியூஸ் ஏன் ஈடுபட்டார் என்பது நமது கவலையாக உள்ளது.

அடுத்த கவலையானது, இப் பகுதியில் பியூஸ் முதன் முதலாக வாங்கி மரங்களை நட்டுப் பயிரிட்ட நீரோடை பாய்கிற செழிப்பான  "வெள்ள மலைக்காடு" பகுதியில் நடப்பட்டு உள்ள மூங்கில்களை, மரங்களை படங்கள் எடுத்து, மொத்த வனமும் "பாலைவனம் சோலைவனம் ஆகிவிட்டது " எனப் பிரச்சாரம் கட்டமைத்ததுப் பற்றி தான். இன்றும் கூட கூப் பாரஸ்டில் உள்ள நூற்றுக்கணக்கான ஏக்கர் நிலங்கள் கரடுகளாகத் தான் உள்ளன.

காரப்பரேட் விவசாயம்  :-
ஏழை விவசாயிகள் நிலங்கள் இழந்தார்கள்; புறம்போக்கு நிலங்களையும் இழந்தார்கள்; பியூஸ் தடுப்பணைகளை அமைத்ததால் நீராதாரங்களை இழந்தார்கள்; வெளியேறினார்கள் அல்லது அங்கேயே கூலி வேலைக்கும் சென்றார்கள் என்பதைப் பற்றி தான் நமது கவலையுள்ளது.

இந்த கூப் பாரஸ்டுக்குள் எவ்வளவு ரெவின்யூ நிலம், வனநிலம் வளைத்துப் போடப்பட்டுள்ளது, நில உச்சவரம்பிற்கு மேலாக எவ்வளவு நிலங்கள், யார் யார் பெயரில் உள்ளது என்பது எல்லாம் தமிழக அரசாங்கம் கவலைப்பட வேண்டிய விசயங்களாகும். கூட்டுறவு தத்துவத்தின் சாரமே, பின்தங்கிய பிரிவினர்களை கைதூக்கி விடுவது. அதாவது முன்னேற்றத்திற்கு உதவும் முறையே கூட்டுறவு ஆகும். பியூஸ் அமைத்துள்ளது முதலாளித்துவ பண்ணை ஆகும். (Corporate farming)

இயற்கை சுற்றுலா! (Eco Tourism) :-
அய்யப்பன் வனம் என்ற பெயரில், கூப் பாரஸ்டு பகுதியில் தங்கும் விடுதிகள் அமைக்க,2015 செப்.15 தேதியிலிருந்து ICICI வங்கி கணக்கில் பியூஸ் நிதி வசூலித்தார். (SEED- Socio Economic Environment Development)  a/c number 611901077536 IFSC no. ICIC 006119). மேலும் 2015 அக். 2,3,4 தேதிகளில் நேரடியாகவும் நிதி வசூலித்தார். Summer Camp என்ற பெயரில், தலைக்கு ரூ.2250 என்றடிப்படையில் அறிவிப்புகள் அவரது வெளியாயின. (படம் இணைக்கப்பட்டுள்ளது ). முகாம்களை நடந்தது பற்றி விரிவான தகவல்கள் இல்லை. அவரது SEED முறையாக பதிவு செய்யப்பட்ட அமைப்பாகவோ, அதன் கணக்குகள் தணிக்கைக்கு உட்பட்டதாகவோ தெரியவில்லை.

மா, பலா, தேக்கு எனப் பலவகை மரங்கள் மூலம் பணம் வரும் என்றார், பியூஸ். மூங்கில் மட்டும் தான் வனம் முழுவதும் பரவலாக நடப்பட்டுள்ளது. அடுத்தவர் முதலீட்டில் மூங்கில் பயிரிட்டு, தனக்கான கச்சாப் பொருள் தேவைகளை குறைந்த விலையில் கொள்முதல் செய்து கொள்ளும் சாமர்த்தியமான வியாபாரி பியூஸ் சேத்தியா ஆவார்.

வேண்டுகோள்!
**
பினாயக் சென் போன்ற அறிவாளிகள், பல்வேறு காந்திவாதிகள் சத்தீஸ்கர் ஜார்கண்ட் போன்ற மாநிலங்களில் வனப் பகுதிகளில் தங்கியிருந்து, அப்பகுதியில் உள்ள விவசாயத்தை, பழங்குடிகளின் வாழ்க்கையை முன்னேற்றுவதில் ஈடுபட்டுள்ளனர். பணக்காரர்களுக்கு நிலங்களை வாங்கி கொடுத்து விட்டு மக்களை நிலங்களில் இருந்து வெளியேற்றவில்லை. மக்களுக்காக அர்ப்பணித்துள்ள அவர்களோடு பியூஸ் சேத்தியாவை ஒப்பிட வேண்டாம்!

வனம் Forest என்பது பல்லுயிர்களைக் கொண்டதாகும். மூங்கில் போன்ற எதாவது ஒரு ஒற்றைப் பயிரை மட்டுமே அமைக்கும் நடவடிக்கை முதலாளித்துவ, ஏகாதிபத்திய சிந்தனைப் போக்காகும். கூப் பாரஸ்ட் என்ற கருத்துக் கோப்பே ஏகாதிபத்தியம் உருவாக்கியது தான்!

Chapter 2- சேலம் தெரியாத சேதிகள்
***
(தற்போது சுருக்கமாக சிலக் குறிப்புகள் மட்டுமே)

தண்ணீரைத் தேடி..
சேலம் மாநகரத்திற்கு அருகில், ஏற்காடு மலை அடிவாரத்தில் கன்னங்குறிச்சி அருகில் அமைந்துள்ள மூக்கனேரி இயற்கையாகவே, நீர் நிறைந்த, அழகான, பறவைகள் வந்து செல்கிற ஏரியாகும். 2009 ல் ஒருமுறை நீர் குறைந்தது ; பிளாஸ்டிக் கழிவுகளும் குவிந்தது. இப் பிண்ணனியில் தான், 2010ல், அக்கறை மிக்க சுற்றுச் சூழலியலாளர்கள் கொண்ட  சேலம் மக்கள் குழு Salem Citizens Forum என்ற அமைப்பானது உருவானது ; அரசாங்கத்திடமிருந்து ஏரிப் பராமரிப்பை பெற்றுக் கொண்டது. பியூஸ் அதில் இணைந்து கொண்டார். படிப்படியாக அந்த அமைப்பே அவருடையதாக மாற்றிக் கொண்டார். அதிலிருந்த நல்லவர்கள் பலரும் வெளியேறிவிட்டனர்.

இதுவரையில் ரூ.52 இலட்சம் செலவு செய்துள்ளதாக பியூஸ் கூறுகிறார். சேலம் மக்கள் குழு பதிவு செய்யப்பட்ட அமைப்பும் அல்ல ! ஏரி பிரபலமானதால் ஆதாயம் அடைந்த பியூஸ் உறவினர் மதன்லால் சேட் சுமார் 40 ஏக்கரில் பிளாட்டுகள், வீட்டு மனைகளை அப்பகுதியில்  அமைத்திருந்தார்.அவரது நிலத்தின் மதிப்பு உயர்ந்தது. மதன்லால் சேட் ஒரு பிரபலமான மார்வாரி ரியல் எஸ்டேட் வியாபாரி. ரூ.1 இலட்சம் நன்கொடை வழங்கினார். மீதி பணம் எந்த வகையில் வந்தது ( SEED, ICICI கணக்கிலா அல்லது Piyush sethia, Bank of Maharashtra கணக்கிலா) என்பது தெரியாது. 2015 ல் தான், மாரி ஸ்தலம் Mari Sthalam என்ற டிரஸ்ட்டை பதிவு செய்துள்ளனர். (Axis Bank a/c no. 915020020105876). இதிலும் ஏராளமான வரவு செலவுகள் நடந்து வருகின்றன. முறையான தணிக்கை உள்ளதா எனத் தெரியவில்லை.

சென்னை வெள்ளத்தில்....
சிறப்பாக செயல்பட்டதாக பியூஸ் விருது பெற்ற சென்னை வெள்ளத்தின் போது, 2015 டிசம்பர் 5 ந் தேதி துவங்கி பல நாட்கள் பியூஸ் வெளிநாட்டு நிதி வசூல்களை மேற்கொண்டார். தனது கணக்கிற்கு (Piuush sethia, Bank of Maharashtra, S/B account no.20111114356) மட்டுமே அனுப்பச் சொல்லி பெற்றார். உள்நாட்டு நிதிகளை மட்டும் மாரி ஸ்தலம் கணக்கிற்கு அனுப்பச் சொல்லிவிட்டார். நிதி வரவு செலவு இதுவரையில் வெளியாகவில்லை.

பல்வேறு மட்ட ராஜதந்திர முயற்சிகள் மூலம், வனத்துறையின் 20 டன்கள் மூங்கில்களை கருங்காலி கிராமத்தில் இருந்து பெற முயற்சிப்பதாக அவரால் அறிவிக்கப்பட்டது; பெற்றதாகவும் தெரிகிறது. ஆனால்.....தற்போது சேலம் மரக்கடை பஜாரில் தான் மூங்கில் வாங்கியதாக கூறுகிறார். மற்றொரு புறம் தொழில்நுட்ப ரீதியாக தகுதியில்லாத மூங்கில் படகுகள் Rafts, மூங்கில் வீடுகள் அமைக்க எவ்வளவு செலவிடப்பட்டது , யார் பணம் ? படகுகள் என்ன ஆனது, எங்குள்ளது, கோல்டன் கேட்ஸ் பள்ளியில் குவிக்கப்பட்ட மீதியான நிவாரணப் பொருட்கள் நிலை என்னவென்றெல்லாம் தெரியவில்லை.

பணம்,பணம் அல்லது மூங்கில் -அதுதான் பியூஸ்
12.6.2016 ல், சேலம் மாநகர காவல்துறை ஆணையரை கடுமையாக விமர்சனம் செய்து முகநூலில் எழுதிய பியூஸ், அதற்காக அவருக்கு ஆதரவு தெரிவிக்க, அவரது ஆதரவாளர்களை மூக்கனேரியில் ஒரு மூங்கில் குருத்தை நடச் சொன்னார். அல்லது ரூ.500 நோட்டைக் கவரில் போட்டு அவரது முகவரிக்கு அனுப்பச் சொன்னார்.

இயற்கை ஆர்வலர், சுற்றுச் சூழலியலாளர் என்பதெல்லாம் அவரது முகமூடியே! 2000 ஆண்டுகளின் காலகட்டத்தில் அவர் செய்த கார்ப்பரேட் எதிர்ப்பு நடவடிக்கைகளுக்காக, சில நண்பர்கள் வழங்கியுள்ள "புரட்சியாளர் முகமூடி" பற்றியும், அன்னிய உதவி பெறும் பல்வேறு NGO க்களுடனான அவரது உறவுகள் பற்றியும் தொடர்ந்து எழுதுவேன். பியூஸை போராளியாக்கி, உண்மையான மக்கள் ஊழியர்களை குப்பைத் தொட்டிக்குள் எறிந்துவிட வேண்டாம் என முகநூல், ஊடக நண்பர்களை பணிவுடன் கேட்டுக் கொள்கிறேன்.

(தோழர் சந்திரமோகன் பதிவை தகவலுக்காக பதிவிட்டுள்ளேன். அவரும் அதை ஏற்பார் என நம்புகிறேன்!)

----\\\\
ஜிஎஸ்டி என்பது மறைமுக வரிதான்..!

-சீத்தாராம் யெச்சூரி 

(சிபிஐஎம் பொதுச்செயலாளர்)

2 இரண்டாவது அம்சம், சரக்குகள் மற்றும் சேவைகள் வரி என்பது உண்மையிலேயே ஒரு மறைமுக வரி விதிப்புதான். மறைமுக வரியே ஒரு பிற்போக்குத்தனமான வரிதான்.

இது ஏழைகளை மேலும் கடுமையாகத் தாக்குகிறது.

இந்தியாவில், இன்றையதினம் நேர்முக வரி 37.7 சதவீதமாகும். மீதம் உள்ள 62.3 சதவீதம் மறைமுக வரி ஆகும். அதாவது, மக்கள் மீது சுமைகள் ஏற்றப்பட்டிருக்கிறது என்று அர்த்தம். கடந்த பட்ஜெட்டின்போது நிதி அமைச்சர், “மறைமுக வரிகள் 20 ஆயிரம் கோடி ரூபாய் அளவுக்கு உயர்த்தப்படும் என்றும் அதே சமயத்தில் நேரடி வரிகள் ஆயிரம் கோடி ரூபாய் அளவிற்குக் குறைக்கப்படும்,’’ என்றும் கூறினார். என்ன செய்துகொண்டிருக்கிறீர்கள்? 

பணக்காரர்களை மேலும் வளமானவர்களாக மாற்றுகிறீர்கள். ஏழைகளை மேலும் வறிய நிலைக்குத் தள்ளுகிறீர்கள். 

இந்தப் பின்னணியில் இந்த 37.7 சதவீத நேரடி வரி சேகரிப்பை, தெற்கு ஆசியாவில் உள்ள இதர நாடுகளின் பொருளாதாரத்துடன் ஒப்பிட்டுப் பாருங்கள். இந்தோனேசியாவில் நேரடி வரி வருவாய் 55.8 சதவீதம்.பிரிக்ஸ் (BRICS) நாடுகளில் ஓர் அங்கமாக உள்ள தென் ஆப்பிரிக்காவில் நேரடி வரி வருவாய் 57.5 சதவீதம். ஆனால் நம் நாட்டில் அது 37.7 சதவீதம் மட்டுமே. இவை எல்லாவற்றிற்கும் மேலாக, இப்போது சரக்குகள் மற்றும் சேவைகள் வரி. இதற்கு நீங்கள் உச்சவரம்பு விதிக்க வேண்டும். விதிக்கவில்லை எனில் அது சாமானிய மக்கள் மீது கடும் பாதிப்புகளை ஏற்படுத்திடும். 

இன்று நாட்டின் எதார்த்த நிலை என்ன?கடந்த ஓராண்டில், நம் நாட்டில் உள்ள பெரும் கோடீஸ்வரர்களின் எண்ணிக்கை 100இலிருந்து 150ஆக உயர்ந்திருக்கிறது. உங்கள் கூற்றின்படியே “இந்தியா ஒளிர்கிறது.’’ ஆனால் 2011 பொருளாதார ஆய்வு அறிக்கை என்ன கூறுகிறது?“இந்தியாவில் 90 சதவீதக் குடும்பங்களில், குடும்பத்தலைவர் நிலையில் இருப்பவர் மாதத்திற்கு 10 ஆயிரம் ரூபாய்க்கும் குறைவாகவே வருவாய் ஈட்டி வருகிறார்,’’ என்று கூறியிருக்கிறது. இவ்வாறு இருவிதமான இந்தியர்கள் நாட்டில் இருக்கிறார்கள். 

இந்தப் பின்னணியில் நீங்கள் கொண்டுவரும் சரக்குகள் மற்றும் சேவைகள் வரி விதிப்புச் சட்டம் இவ்விரு வகை இந்தியர்களுக்கும் இடையிலான இடைவெளியே மேலும் அதிகரித்திடவே இட்டுச் செல்லும். எனவே இச்சட்டமுன்வடிவைக் கொண்டுவருகையில் அரசு இதனைக் கவனத்தில் கொள்ள வேண்டும்.

(மேலும் முழுவிபரம் இன்றைய 5.8.16 தீக்கதிரில் காணலாம்)

----\\\\

ஜிஎஸ்டி: 
மார்க்சிஸ்ட்கம்யூனிஸ்ட்கட்சியின் கவலைகள்..!

அரசமைப்புத் திருத்தச் சட்டமுன்வடிவின் மீதான விவாதத்தின்போது, மார்க்சிஸ்ட் கம்யூனிஸ்ட் கட்சி தன் ஆழ்ந்த கவலைகளை நாடாளுமன்றத்தில் தெரிவித்து, சில முக்கியமான பிரச்சனைகள் மீது தன் எதிர்ப்பைத் தெரிவித்து, எச்சரித்துள்ளது.

முதலாவது கவலை, மாநில அரசாங்கங்களைத் தேர்ந்தெடுத்த மக்களின் நலன்களை மேம்படுத்துவதற்காக வருவாயை அதிகரித்திட மாநில அரசுகளுக்கு உள்ள உரிமைகள் குறித்ததாகும். இது எப்படி செய்யப்பட இருக்கிறது என்பது மிகவும் முக்கியமானதாகும். தேர்ந்தெடுக்கப்பட்ட மாநில அரசாங்கங்களின் உரிமைகளையும், நம் அரசமைப்புச்சட்டம் வகுத்துத்தந்துள்ள கூட்டாட்சிக் கட்டமைப்பையும் உயர்த்திப்பிடித்திட, மார்க்சிஸ்ட் கம்யூனிஸ்ட் கட்சி உறுதி பூண்டிருக்கிறது.

இரண்டாவதாக, சரக்கு மற்றும் சேவை வரி சட்டமுன்வடிவுக்கு முன்னதாக மூன்று முக்கிய சட்டமுன்வடிவுகளை மத்திய அரசு கொண்டுவர வேண்டியது அவசியம். அவையாவன: (1) மத்திய சரக்கு - சேவை வரி (2) மாநிலங்களுக்கு இடையிலான சரக்கு சேவை வரி (3) மாநில சரக்கு சேவை வரி. இவைகளும் சம்பந்தப்பட்ட மாநில சட்டமன்றங்களால் நிறைவேற்றப்பட வேண்டும். மூன்றாவதாக, இந்த நடைமுறைகளின்போது, மார்க்சிஸ்ட் கம்யூனிஸ்ட் கட்சியின் முயற்சிகள் என்பவை, சரக்கு- சேவை வரி மக்கள் மீது மேலும் சுமைகளை ஏற்றாத வண்ணம் பார்த்துக்கொள்வதாகும்.

மறைமுக வரி என்பதே சுமைதான்

சரக்கு சேவை வரி என்பது ஒரு மறைமுக வரிதான். மறைமுக வரி அனைத்தும், மக்கள் ஒரு பொருளை வாங்கும்போது அல்லது நுகரும்போது, அதற்கு வரி விதித்து அதன்மூலம் அவர்களுக்கு மேலும் சுமையை அளிப்பதுதான். நேரடி வரிகள் என்பது பணக்காரர்களிடமிருந்து வசூலிக்கப்படும் அதே சமயத்தில், மறைமுக வரிகள் மக்கள் மீது புதிய சுமைகளை திணிப்பதன்மூலம் அரசாங்கம் தன் வருவாய்களைப் பெருக்கிக் கொள்வதாகும். இந்தியாவில் ஏற்கனவே நேரடி வரி படிப்படியாகக் குறைக்கப்பட்டுக் கொண்டும், மறைமுக வரிகள் படிப்படியாக அதிகரிக்கப்பட்டுக் கொண்டும் வருகிறது.

தற்போது, சுமார் மூன்றில் இரு பங்கு வருமானம் மத்திய அரசுக்கு மறைமுக வரிகள் மூலம் வருகிறது.மறைமுக வரிகள் அதிகரிப்பது மற்றும் நேரடி வரிகள் குறைக்கப்படுகிறது என்பதன் பொருள் ஏழை மக்களின் வயிற்றில் அடித்து, பணக்காரர்களைக் கொழுக்கச் செய்வது என்பதேயாகும். முறையான சரிபார்ப்பு மற்றும் பாதுகாப்பு நடவடிக்கைகள் இல்லையெனில், இந்தச் சட்டமுன்வடிவுகள் நாடாளுமன்றத்தில் பரிசீலனைக்குக் கொண்டுவரப்படுமானால், சரக்கு சேவை வரி நாட்டில் ஏற்கனவே மக்களிடையே இருக்கின்ற ஏற்றத் தாழ்வை மேலும் விரிவாக்கி அதிகப்படுத்திடவே இட்டுச் செல்லும்.ஒளிரும் ஒருசில இந்தியருக்கும், வறுமையில் வாடி வதங்கிக்கொண்டிருக்கும் 90 சதவீதத்திற்கும் மேலான மக்கள் கூட்டத்திற்கும் இடையேயான ஏற்றத்தாழ்வு மேலும் அதிகமாகும்.இந்த அடிப்படைப் பிரச்சனைகளை, இதர பிரச்சனைகளுடன் மார்க்சிஸ்ட் கம்யூனிஸ்ட் கட்சி ஆழ்ந்து கவனித்துக் கொண்டிருக்கிறது. 

சரக்கு- சேவை வரி நாடாளுமன்றத்தில் பரிசீலனைக்கு வரும்போது உரிய முறையில் நடவடிக்கை எடுத்திடும். அதே சமயத்தில், நவீன தாராளமயப் பொருளாதாரக் கொள்கைகளை முன்னெடுத்துச்செல்லும் நோக்கத்துடன் மக்களின் வாழ்வாதாரங்கள் மீது புதிய சட்டங்கள் மூலமாக ஏவப்படும் தாக்குதல்களை முறியடித்திட மார்க்சிஸ்ட் கம்யூனிஸ்ட் கட்சி நாடாளுமன்றத்திற்கு வெளியேயும் மக்கள் போராட்டங்களை வலுப்படுத்திடும்.

(மேலும் காண இன்றைய 6.8.16 தீக்கதிரில்!)

----\\\\

பிணைத் தரக்கூடாது!
மேட்டூரை அடுத்து தெலுங்கனூர் ராசா - மோகவள்ளி தம்பதியிரின் 6 வயது சிறுமி அதே ஊரைச் சார்ந்த திருமூர்த்தி (17) என்ற காமுகனால் பாலியல் பலாத்காரம் செய்து படுகொலை செய்யப்பட்டாள்.

அவனுக்கு 5.8.16 அன்று பிணைக்கேட்ட போது, "பிணைத் தரக்கூடாது; பாதிக்கப்பட்ட குடும்பத்திற்கு ரூ10 லட்சம் இழப்பீடு வேண்டும்; குற்றவாளிக்கு அதிகபட்ச தன்டணை வழங்கிட வேண்டும்" போன்ற கோரிக்கைகள் அடங்கிய மனு ஒன்று தர்ஷிணி பெற்றோர் மாவட்ட நீதிபதி யிடம் வழங்கினர்.

உடன் வழக்குரைஞர் வெற்றிவேல், தர்ஷிணி பெற்றோர், அஇஜமாதர்சங்க மாநிலச் செயலாளர் கே.ஜோதிலட்சுமி, மாவட்டச் செயலாளர் கே.ராஜாத்தி, மாவட்டத்தலைவர் ஐ.ஞானசௌந்திரி ஆகியோர் சேலம் நீதிமன்ற வளாகத்தில்..!
----\\\\