இந்துத்துவா

இந்துத்துவா..! 

எதிர்ப்போரை சுட்டுக் கொல்ல 15 ஆயிரம் பேர் கொண்ட

 'இந்து ராணுவ படை!?' 

"வாஜ்பேய் நல்லவர்; பாஜக கெட்டது! மோடி பாவம்; அவர் வளர்ச்சியின் நாயகன்; ஆர்எஸ்எஸ் மோசம்..." என இப்படி அளப்போருக்கு... 

இதோ... ஓர் பகீர் ஆதாரம்!

'சனாதன் சன்ஸ்தா' என்ற இந்துத்துவா அமைப்பைச் சார்ந்த வீரேந்திர தாவ்டே, அல்கோர் மற்றும் 30 பேர் கொண்ட கொலைவெறி கும்பல்தான் 2013இல் நரேந்திர தபோல்கர்; 2015இல் கோவிந்த் பன்சாரே, கல்புர்கி ஆகியோரை திட்டமிட்டு சுட்டு கொன்றுள்ளனர்.

இந்த அமைப்புக்கு 15,000 பேர் கொண்ட ராணுவப்படை உள்ளது என திடுக்கிடும் செய்தி வெளியாகி உள்ளது. 

இந்த 3 அறிவுமேதைகளும் இந்திய தேசத்தின் சமத்துவ-சமூகநீதி க்கு போராடிய சமூக விடுதலை போராளிகள். வேறு வகையில் சொன்னால், சமூக ஒடுக்குமுறை; இந்துத்துவா படிநிலையை எதிர்த்து, மக்களைக் களமிறக்கிய தேசபக்தர்கள்! 

இவர்களைத்தான் ஆர்எஸ்எஸ் ன் ஆயிரம் கைகளில், அல்லது ஆயிரம் முகங்களில் ஒன்றான சனாதன் சன்ஸ்தா... அகண்ட பாரதம் அமைக்க எதிர்ப்போரை போட்டுத் தள்ளுவது என்ற நரவேட்டை யை நடத்தி வருகிறது. அந்த வகையில்தான் மேற்காணும் 3 இடதுசாரி-முற்போக்கு ஆளுமைகளை நரவேட்டையாடி உள்ளனர்! 

ஏ..! 

இந்துத்வா நரவெறி கும்பல்களே... 

உங்களின் நரவெறி ஆட்டத்தைக் கருவறுக்கும் காலம் வெகுதொலைவில் இல்லை; நிச்சயம் உங்கள் கணக்கை இந்திய தேசம் தீர்க்கும்! ஆயிரமாயிரமாக தபோல்கர்கள்... பன்சாரேக்கள்... கல்புர்கிகள் வீறுகொண்டு வருவார்கள்... மாவீரன் பகத்சிங் வழித்தோன்றல்களாய்..!

---\\\

 "அட வேடதாரிகளே..!"

தலித் வீடுகளில் சாப்பிடுக என்ற பாஜக தலைவரின் உத்தரவை தமிழ்நாடு தலைவர் நேற்று சேலத்தில் அமலாகினார்! இனிமேல் வரிசையாக எச்.ராசா, இல.கணேசன் என்று அணிவகுப்பு தலித் வீடுகளை நோக்கி இருக்குமென எதிர்ப்பார்ப்போமாக!

இதிலிருந்து இவர்கள் ஒரு உண்மையை ஒத்துக் கொண்டதற்கு நன்றி அறிதலை உரித்தாக்குவோம்! அதாவது இதுவரை அவர்கள் தலித் வீடுகளில் கை நனைக்காமல் காரியமாற்றி வந்தனர் என்பதுதான்!  

ஆமாம்... மருத்துவர் தமிழிசை அவர்களே... விருந்து பலமா? பீப் பிரியாணி கிடைத்தா? அதுதான்... மாட்டுக்கறி உணவு பரிமாறப்பட்டதானுக் கேட்டேன்! அட வேடதாரிகளே..! பிள்ளையையும் கிள்ளி விடுவது; தொட்டிலையும் ஆட்டிவிடுவது என்பது இதுதானோ? பாஜகவே உன் பசப்புக்கு இந்த பாரினில் எல்லையே இல்லையா?

[08:36, 17/6/2016] SAP: அவன் ஒரு பாஜக

----\\\\

முதல்வரின் டெல்லி பயணம்

#ஈவிகேஎஸ் சொல்வது சரியே! முதல்வரின் டெல்லி பயணம் அவரின் சுயநலன் சார்ந்ததே! அவர் ஒருபோதும் தமிழக மக்கள் நலனுக்காக டெல்லி சென்றவர் கிடையாது; இந்த பயணமும் அப்படித்தான்!

#அவரின் சுபாவமே, அவரின் காலில் அனைவரையும் விழ வைப்பதுதான்! அவர் இன்னொருவரை தேடி செல்கிறார் என்றால்... 

அது... அது... அவரின் வருமானத்திற்கு அதிகமான சொத்து சேர்ப்புத் தீர்பை, தனக்கு சாதகமாக வரவழைப்பதெப்படி? என்பதை "ஆய்வு" செய்வதுதான்! 

#அவர்கள் (மோடி, ஜெட்லி, பிரசாத் என) இதற்குமுன் வந்தனர்; சென்றனர்! ஒரு மாறுதலாக தற்போது இவர் செல்கிறார்!அவ்வளவுதான்!

#எல்லாவற்றைக்கும் கடிதம்தான் எழுதுவார்! "இதற்கு" கடிதம் எழுத முடியுமா? 

#ஆனால் மக்கள் கண்களில் மண்ணைத் தூவ, பேரறிவாளன் உள்ளிட்டு 7 தமிழர் விடுதலை, மீனவர் பிரச்சனை, முல்லைபெரியாறு, காவிரி என பட்டியல் நீளும்! 

#அவ்வளவு ஏன் அன்னிய, இந்திய முதலாளிகளின் "உலக மாநாடு" மூலம் வரவேண்டிய மூலதனம் 4லட்சம் கோடியை கிடைத்திட உதவிடுங்கள் என்று சொன்னேன் என்றுகூட கூறுவார்! 

#மாட்டுக்கறி பிரச்சனை முதல் வீட்டுக்கு ரூ15லட்சம் தருவது வரை பேச சொல்லுங்கள் பார்க்கலாம்!  பாவம் தமிழக மக்கள்!

----\\\\

கேஸ்சை பூசி மெழுக!

#யாருக்கு தெரியும்? முதல்வர்தான் பகற வேண்டும்! 

#அந்த முதல் அல்லது முப்பதாவது கோரிக்கை என்ன? என்பதைத்தான் தமிழக மக்கள் தெரிந்து கொள்ள ஆவலாக இருக்கிறார்கள்! 

#தமிழ்நாட்டு கடைகோடி குடிமகன்கள் கூட பேசிக் கொள்கிறார்கள்-- 

அம்மா போனதே கேஸ்சை பூசி மெழுகத்தான் என்று!

#14.6.16 PTTV நேர்படபேசு க்கு!

----\\\\

விலையில்லா தக்காளி ஜுஸ்! 

நாளை முதல் தமிழத்தின் அனைத்து அம்மா உணவகத்திலும், அம்மா குடியகத்திலும் விலையில்லா தக்காளி ஜுஸ் வழங்கிடுவதென தற்சமயம் நடந்துவரும் அம்மா அமைச்சரவையில் முடிவெடுத்து வருவதாக நமது தலைமை செயலக செய்தியாழினி தெரிவிக்கிறார்!

----\\\\

பணமும், சாதியும்! 

உள்ளாட்சி தேர்தல் குறித்து கருணாநிதி கருத்து நியாயமானதே! ஏற்கப்பட வேண்டியதே! ஆனால் வெளிமாநில அதிகாரிகள் மட்டும் நியாயமாக நடப்பார்களா? அதற்கு என்ன உத்தரவாதம்? அதிலும் பணமும், சாதியும் புகுந்து விளையாடும்; அதை கட்டுப்படுத்த என்ன வழி? திமுக இவற்றில் விதிவிலக்காக இருக்குமா?

இன்று 15.6.16 PTTV நேர்பட பேசு க்கு

----\\\\

ஒரு கூத்து..!

இன்று..! 

16.6.16 PTTV காலை புதுப்புது அர்த்தங்கள் நிகழ்ச்சியில் ஒரு கூத்து... கூத்து நாயகன் சமூக ஆர்வலர் (எது வேண்டுமானாலும் வைத்துக் கொள்ளுங்கள்) சுமன் சி ராமன். 

இடதுசாரிகள் நல்லவர்கள்தானாம்!; ஆனால் இடதுசாரி சித்தாந்தம் சரியில்லையாம்; காலவதியாகி விட்டதாம்! (இது மாதிரி ஆயிரத்திற்கும் ஏன் லட்சத்திற்கும் மேலானவர்கள் சொல்லிவிட்டார்கள்) 

இது-- கூத்தல்ல;  சித்தாந்தம் இல்லாததாம் திமுகவும், அதிமுகவும்; அதனால்தான் ஒன்று ஆட்சிக்கு வந்ததாம்; இன்னொன்று பலமுள்ள  எதிர்கட்சி யானதாம்! 

சுவர் இல்லாமல் கூட சித்திரம் இருக்கலாம்;  ஆனால் சித்தாந்தம் இல்லாமல் ஒரு அமைப்பு இருக்க முடியுமா? அதையும் மீறி அவைகள் ஆட்சியை பிடிக்க முடியுமா? முடியுமாம் ராமன் சொல்கிறார்... 

ஆம், சிறந்த நிர்வாகம் (குட் கவர்னஸி) ஒரு சித்தாந்தமாம்..! தலையை பிச்சிக் கொண்டது நான் மட்டுமல்ல... நெறியாளர் ஜென்ராமும், கூட இருந்த இன்னொருவரும் தான்! நீங்களும் வாய்ப்பிருந்தால் பார்த்து உங்களது தலையையும் பிச்சிக் கொள்ளுங்கள்! 

என் தமிழகமே..!

----\\\\

மூடநம்பிக்கை! 

அதே அரசு; அதே ஆளுனர்; அதே உரை! ஆம், வழக்கமான உரையே! நம்பிக்கை தரும் என்பதெல்லாம் மூடநம்பிக்கை! ஆம்! அதே கள்ளு; அதே மொந்தை! 

இன்று 16.6.16 PTTV நேர்படபேசுக்கு!

----\\\

மாறாதய்யா ...

அலுவல் ஆய்வு குழுக் கூட்டத்தில் இருந்து திமுக வெளிநடப்பு -செய்தி. வெளிநடப்பு என்ற நாற்றுநடவு ஆரம்பம்! 

*மாறாதய்யா மாறாது; 

மனமும் குணமும் மாறாது!*

----\\\

யார் பொறுப்பு?

#விண்ணை முட்டும் விலைவாசிகளுக்கு 2 அரசுகளும், வர்த்தகர்களும், பதுக்கல்பேர்வழிகளும் பொறுப்பு!

#அதோடு இதை எதிர்த்து வலுவாக மக்களைத் திரட்டி போராடாத பெரிய பெரிய ஆளும், ஆண்ட கட்சிகளும் பொறுப்பு! 

#மக்களின் விழிப்புணர்வின்மையும் பொறுப்பு! 

#எல்லாம் விதி பயனென, ஆளும் கட்சிகளின் சதியை எதிர்த்து வீதியில் கிளர்ந்தெழலாத மக்களும் பொறுப்பு! 

#போராடும் இடதுசாரிகள் உள்ளிட்டு சிறிய சிறிய மாற்று கொள்கை கொண்ட கட்சிகளை ஆதரிக்காத அறிவுஜீவிகள் உள்ளிட்டு மத்திய தர வாழ்க்கையில் மிதந்து போகும் மனநிலையும் பொறுப்பு! 

இப்படி ஆயிரம் பொறுப்பாளிகள் இந்த பூவுலகில் உலா வருகிறார்கள்!

----\\\\

போகாத ஊருக்கு வழிதடமா? 

*இன்று ஒரு தகவல்... 

கிராமத்தில் ஒரு பழமொழி சொல்வார்கள்... அதாவது, கல்யாண வீடுன்னா பொண்ணு மாப்பிள்ளையா இருக்கணும்; எழவு வீடுன்னா பொணமா இருக்கணும்! 

*அது மாதிரி... தமிழக திமுக அதிமுக அரசியல் போய்கிட்டு இருக்குது. முதல் அமைச்சர்ன்னா இவங்களுக்கு குளுகுளுன்னு இருக்குது சட்டசபைக்கு போறத்துக்கு! இல்லீன்னா ஆயிரம் குற்றம் சொல்லிவிடுகிறார்கள். மூத்த தலைவர், மூத்த தலைவரின்னு சொன்னாங்க... மூத்த தலைவரு மாதிரி நடந்துக்குன்னுமில்ல! 

எதிர்கட்சி தலைவருக்கு முதல் வரிசையின்னா... கொடுத்தாச்சி! அப்புறம் மூத்த தலைவருக்கும் முதல் வரிசையில்லீன்னா... இது போகாத ஊருக்கு வழிதடமா? அவரு அமர மாதிரி ஏற்பாடு வேணுமின்னாங்க... கொடுத்தாச்சி... போய் உட்கார வேண்டியதுதானே! மூத்த தலைவரு முன்மாதிரியா இருக்குணுமில்ல! 

அப்படீன்னா, எதிர்கட்சி தலைவராகி முன்னால உட்கார வேண்டியதுதானே! நாட்டுல ஒரு சட்டத் திருத்தம் உடனே கொண்டாந்தா பரவால்ல. ஆமா, "இனி தமிழ்நாட்டுக்கு ரெண்டு முதல் அமைச்சரு... யாரு ஜெய்ச்சாலும், யார் தோத்தாலும்... 'கலைஞரும்', 'அம்மா'வும் சாகுவரை முதல்வரு... இவுங்க சாகும்போது, யாரை கைக்காட்டுகிறார்களோ அவங்க முதல்வரு... அவங்க கைக்காட்டுன்னா... அவங்க முதல்வருன்னு.." 

*வாழ்க ஜனநாயகம்! 

வாழ்க மன்னர்-மன்னி ஆட்சி! த்தூத்தேரி..! 

இதுக்கு வேற ஒரு விவாதம்; இதையும் நாம பார்த்து தொலையணும்!

----\\\\

முரண்பாடு? 

ஆளுவதற்கு அவர்கள்...

அவர்களோட கொள்கை, கோட்பாடு, நடைமுறை 

போன்றவற்றை எதிர்த்திடுவதற்கு இவர்கள்..! 

ஏனிந்த முரண்பாடு? 

NLC யில் CITU வெற்றி..! 

அதுவும் ஒரு சில நாட்களில்..!

----\\\\

பாதையின் கற்களை...

பாதையின் கற்களை... இந்தியாவை பொறுத்த அளவில் உலகமயத்தை எதிர்த்தாலும், கம்யூனிஸ்ட்டுகளால் நாட்டின் வளர்ச்சிக்கான ஒரு திட்டவட்டமான மாற்று உத்தியை உருவாக்க முடியவில்லை. 

திட்டவட்டமான மாற்றுத் திட்டதெதோடு தாம் எதிர்நோக்கியிருக்கும் பாதையின் கற்களை கம்யூனிஸ்ட்கள் பார்க்கும்போது சூழல்கள் மாறும்!

(பேரா பிரபாத் பட்நாயக். இந்து தமிழ் 19.6.16.)

----\\\\

ஒரே குட்டையில்...

#அதெல்லாம் ஒன்றும் கிடையாது; மக்கள் ஏமாற்றும் நாடகம்! அதிமுக திமுக "இரவினில் ஆட்டம் பகலில் தூக்கம்" என்பது போலத்தான்! சட்டச்சபைக்குள் அனல் பறப்பதைப் போல் இருக்கும்; ஆனால் இருக்காது!

#கருணாநிதிக்கும், ஜெயலலிதாவிற்கும்... வேறு விதமாக சொன்னால்... திமுகவிற்கும், அதிமுகவிற்கும் என்ன வித்தியாசம்? ஒரே ஒரு வித்தியாசம்தான்! ஒரு கொடியில் 2 நிறம்; இன்னொரு கொடியில் 3 நிறம்; அவ்வளவே! அதே போலத்தான் அவர்கள் அணியும் வேட்டி மற்றும் புடவை கரையின் நிறத்திலும்! 

#ஒரு வாதத்திற்காக வைத்துக் கொண்டாலும், கச்சுத்தீவை கருணாநிதி விட்டு கொடுத்திருந்தாலும், 1977 இல் துவங்கப்பட்ட அஇஅதிமுக இன்னும் ஏன் மீட்கவில்லை? இப்பொழுதாவது இத்தனை ஆண்டுக்குள் மீட்போம் என்று சொல்லி, அதிமுக மீட்க்குமா? 

#கீரியையும், பாம்பையும் சண்டை போட செய்யும் வித்தைத்தான்... கச்சுத்தீவு பிரச்சனை முதல் டீசல், பெட்ரோல் விலை உயர்வு பிரச்சனை வரை... இவர்களின் நாடகம் சொல்லி மாளாது! 

ஆம், திமுகவும் அதிமுகவும் ஒரே குட்டையில் ஊறிய மட்டைகளே!

#இவர்களின் கொள்கை, நடைமுறை போன்றவற்றில் வேறுபாடுகள் கண்டு பிடிப்பவர்களுக்கு பாரத ரத்ணா விருது (நோபல்பரிசு பெறும் தகுதியும் உண்டு; என்றாலும் உள்நாட்டு விருதையே சிபாரிசு செய்வோம்) தரலாம்!

----\\\\

அமளி துமளிக்கு... 

#அமளி துமளிக்கு இன்னொரு பெயர் திமுக அதிமுக இப்படிப்பட்ட அதிமுக திமுகவுக்கு மாற்றாக, மக்கள் பிரச்சனைகளை பேசி தீர்க்க  அல்லது தீர்வுக்கு வழிகாணத் தான்--

தேமுதிக மநகூ தமாகா வை ஆதரிக்க மக்களை வேண்டினர்! ஆனால்...?! 

#திமுக அதிமுக வும்-- 

இந்திய தேசத்தை விற்று, யோகா செய்வோரின் போக்கை எதிர்த்து இப்படி அமளி துமளி வந்திருந்தால் பரவாயில்லை; வரவேற்கலாம்! ஆனால்...?! 

#சட்டச்சபை சண்டைச்சபையாகத்தான் இனி இருக்கும்; 

அது-- உப்பு சப்பற்ற பிரச்சனையாகத்தான்  இருக்கும்!

#எரிகிறக் கொள்ளியில் எந்தக் கொள்ளி நல்லக்கொள்ளி..? 

விவாதத்தைத் திசைத்திருப்புவதில் இரண்டுமே கரைக்கண்ட கட்சிகளே!

#திமுகவும் அதிமுகவும் நாணயத்தின் இரு பக்கங்கள்... மக்களின் முக்கியப் பிரச்சனைகளைத் திசைத்திருப்புவதில்!

---\\\

"கண்டனம் முழங்குவோம்! "

 "கண்டனம் முழங்குவோம்!"

அய்யகோ...! 

இந்த ஆர்எஸ்எஸ் கொலைவெறி அடக்க வேண்டாமா? 

இன்று 5.6.16 அரியானாவில் ஒரு தலித் இளைஞரை வெட்டிய வெறிச் செயலைப் பாரீர்!

ஆர்எஸ்எஸ் என்ற இந்துத்துவா வெறி... இஸ்ஸாம், கிருத்துவ, தலித் மற்றும் கம்யூனிஸ்ட் உயிரை குறிவைத்து குடிக்கும் கொலைவெறியை வேரறுப்போம்! மாண்புமிகு மனித உயிர்களை காப்போம்! 

ஆம், இரண்டொரு நாட்களுக்கு முன் ராஜஸ்தானில் முஸ்லீம் சகோதரனை கொலைவெறியாட்டம் செய்தனர். 

கேரளத்தில் வெற்றி ஊர்வலத்தில் புகுந்து மார்க்சிஸ்ட் தோழரை வெட்டி உயிரை குடித்தனர். 

இந்திய மக்களின் பொது எதிரியை ஆர்எஸ்எஸ் என்ற மனித உயிரை குடிக்கும் பாசிச சக்தியை வீழ்த்துவோம்!

தற்சமயம்கூட காஷ்மீரில் ஆட்சியை முஸ்லீம் அமைப்புடன் சேர்ந்து பகிர்ந்து கொண்டு பொதுசிவில் சட்டம் பேசும் பாஜகவின் இந்த மனிதவேட்டை சாண்டவத்திற்கு கடிவாளம் இடுவோம்! 

தினம், தினம் பாஜகவின், ஆர்எஸ்எஸ்சின் மதவெறி, கொலைவெறி அரசியலுக்கு வெஞ்சாமரம் வீசும் மத்திய மோடி அரசை அகற்றிடுவோம்! கண்டனம் முழங்குவோம்!

#அரியானா தலித் படுகொலைக்கு ஆதாரம்: Bakya Bakya, Mohamed Ismail's, Siva Kumar ஆகியோரின் FB பதிவிலிருந்து..!

#ராஜஸ்த்தான் கொலைவெறியாட்டத்திற்கு அந்த இமேஜ் இல் ஆங்கிலத்தில் பதிவு இருக்கு..!

----\\\

அருமை! 

தொழிற்சங்கத்தின் மீதான குறைபாட்டைத் தவிர்த்து, தோழர் அச்சு பற்றிய ஒரு சர்சை தவிர்த்து பார்த்தால், இன்றைய 6.6.16 தினமணி தலையங்கம் அருமை! பாருங்கள்!

---\\\

எந்த பயனுமில்லை!

பாஜக வோடு யார் சேர்ந்தாலும் தமிழகத்திற்கு எந்த பயனுமில்லை! ஆனால் பாஜகவுக்கு பயனுண்டு! ஒன்றிரண்டு சீட்டு கிடைக்கும்! அதன்மூலம் தமிழகத்தில் மதவாதம் மேலும் தலைவிரித்தாடும்! 

திமுக அதிமுக ஆகிய கட்சிகள் பாஜகவுடன் சேராமல் இருந்தாலே, தமிழகத்திற்கு பயனும், பலனுமுண்டு! சிறுபான்பாமை மற்றும் தலித் மக்களுக்கு மற்றும் உழைப்பாளிகளுக்கு அதுவே நிம்மதி!

----\\\

புதிய சட்டம் தேவை!

ஆணவக் கொலைகளைத் தடுக்கக் கட்டாயம் புதிய சட்டம் தேவை. நடைமுறையில் உள்ள சட்டம் போதுமானதாக இல்லாததால் தான் ஆணவக் கொலை அனுதினமும் நடந்து வருகிறது. 

*நாகரீக சமுதாயத்தில் நடக்கும் ஆணவக் கொலைகள் மீண்டும் காட்டுமிராண்டித்தனத்தை நோக்கிய பணயமே!

*ஆணவக் கொலைகளை தடுத்தாக வேண்டும்; சாதி ஆதிக்க சக்திகளுக்கு சாவு மணி அடித்தே ஆக வேண்டும்!

----\\\\

"சொல்லவே இல்ல!"

கறுப்பு பணத்தை மீட்டு, வீட்டுக்கு ரூ15 லட்சம் தருவேன் என்றவர், கறுப்பு சிலைகளை மீட்டு இருக்கிறார்! நல்லா இருக்குது ஆட்சி! இதுதான் சொல்லாததும் செய்தேன் என்பதா? வீட்டுக்கொரு கருங்கல் சிலை தருவேன் என்று மோடி சொல்லவே இல்ல!

---\\\\

அடிமை என்றே அர்த்தம்!
ராணுவக்கூட்டாளி என்றாலே அடிமை என்றே அர்த்தம்! இதுதான் அமெரிக்காவின் பாலபாடம்! 

*மோடி பயணத்தால், அமெரிக்காவிடம் இந்தியா 100% அடிமையானது! வேறென்ன சொல்ல? இதில் ஆச்சரியப்படவோ, அதிர்ச்சியடையவோ ஒன்றுமில்லை! இனம் இனத்தோடுதான் சேரும்!

*அமெரிக்காவின் அடிமை நாடாக 1991 இல் மன்மோகன்சிங், சிதம்பரம் போன்ற நிதி அமைச்சர்களால் தொடங்கி, மன்மோகன்சிங் என்ற பிரதமரால் வளர்ந்து, இன்று மோடி என்ற பிரதமரால் ஏறக்குறைய முடிவுக்கு வந்துள்ளது அடிமை அத்தியாயம்! ஆனாலும் என்ன... "இந்தியாவை சகிப்புத்தன்மை இல்லாத நாடாக மாற்றி, பாஜக மோடி அரசு ஆட்சி செய்கிறது; இது இந்தியாவின் பன்முகத் தன்மை மற்றும் பொருளாதார முன்னேற்றம் போன்றவற்றை பாதிக்கும்" என அவ்வப்போது தனது திருவாய் மலர்ந்துக் கொண்டுமிருக்கும் அமெரிக்க என்ற ஏகாதிபத்திய வல்லூறு!

*எதை மக்கள் எதிர்க்கிறார்களோ... அதை ஆணவத்துடன் செய்வதே முதலாளியத்துவமும், ஏகாதிபத்தியமும்! அப்படித்தான் இந்த ஆறு அணுஉலைகள் அமைப்பதற்கான அமெரிக்காவுடனான ஒப்பந்தமும்! 

*ஆம், இந்தியா இந்துத்துவா பாசிச தன்மை கொண்ட முதலாளித்துவ நாடு! அமெரிக்கா ஏகதேசத்தையும் (அண்டத்தையே) ஆட்டிப்படைக்க எத்தனிக்கும் ஏகாதிபத்திய நாடு!

----\\\\

"என்ன கொடும சார் இது!"
"உலக ஜனநாயகத்தின் கோயில் அமெரிக்கா..!"
-நம்மூர் ஜனநாயக சிற்பி மோடியின் அருள்வாக்கு! 

"என்ன கொடும சார் இது!"

----\\\\

*ராஜீவ் வழக்கா? ராஜீவ் படுகொலை வழக்கா? 

*கால்நூற்றாண்டு கடந்தும் 'கரை' சேராததற்கு காரணம்... திமுக அதிமுக கட்சிகளும், அதன் தமிழக ஓட்டு வங்கிக்கு ஏற்றவாறு எடுத்த 'பச்சோந்தி' நிலைபாடும்!

ஆம், தங்களின் தமிழக அரசியல் ஆதாயத்திற்கு, காங்கிரஸ்சுடன் சேர்ந்தும், சேராமலும் ஏமாற்றி வரும் திமுக அதிமுக கட்சிகளே! காங்கிரஸ்சும் நாட்டின் பிரச்சனையாக பார்க்காமல், அது ராஜீவ் குடும்ப பிரச்சனையாக பாவித்து, அது எதிரெதிர் நிலைபாடுகளை எடுத்ததும் முக்கிய காரணம்! 

நீதி பரிபாலணம், அரசியல் குடுவைக்குள் ஒளிந்து கொண்டதும் காரணமாக கருதவும் இடமிருக்கிறது! ஒரு கொலைக்கு இன்னொரு கொலை தீர்வல்ல!

*25 ஆண்டுகளாக மாநிலத்திலும், மத்தியிலும் ஆண்ட கட்சிகளே இதற்கு பொறுப்பு! ஆட்சியில் அமராத கட்சிகள் எப்படி பொறுப்பாக முடியும்? நீதி மன்றத்தின் ஜவ்விலுப்பும் இதற்கு பொறுப்பு!

----\\\

ஒரு புடலங்காய்யும் கிடையாது! 
*சமஸ்கிரதம் திணிப்பே! மொழிப்பற்றும் கிடையாது; ஒரு புடலங்காய்யும் கிடையாது!

*ஒன்றை கலாச்சாரத்தை வலிய புகுத்தும் இந்துத்துவா வெறி! கருணாநிதியின் அச்சம் ஏற்கக்கூடியதே!

பாஜக வின் முகமூடி கொஞ்சம் கொஞ்சமாக கிழிந்து வந்ததைத் தாண்டி மோடி அரசு தற்போது புகுந்து விளையாடுகிறது! சமஸ்கிரத திணிப்பு உள்ளிட்டு நாட்டின் பன்முக கலாச்சாரத்தைக் காவிக்கொடியால் பறக்கவிடுகிறது பாஜக! *கருணாநிதி இதை எதிர்த்து, உக்ரமான போராட்டத்தில் தமிழக மக்களை இறக்கி விட வேண்டும்! செய்வாரா? அல்லது அறிக்கையோடு இருந்து விடுவாரா?

----\\\

மாநாடு சிறக்க, வென்றிட வாழ்த்துக்கள்!

*தொழிலாளிகளின் விடிவெள்ளியாம்...

சிஐடியூ வின் சேலம் மாவட்ட 11 வது மாவட்ட மாநாடு! 

*2016 ஜுலை 2,3 தேதிகளில் சேலம் 5 ரோடு குஜராத்தி திருமண மண்டபத்தில் நடைபெற உள்ளது. *25 க்கும் மேற்பட்ட சிஐடியூ வின் இணைப்பு சங்கங்களை சேர்ந்த 25,000 க்கும் மேற்பட்ட  தொழிலாளர்களின் 500 க்கும் மேற்பட்ட  பிரதிநிதிகள் கூடுகிறார்கள். 

*கடந்த கால அனுபவங்களை விவாதித்து, எதிர்கால வியூபங்களை வகுக்க இருக்கிறார்கள்! 

மத்திய மாநில அரசுகளின் தொழிலாளர் விரோத, மக்கள் விரோத கொள்கைகளுக்கு முடிவுகட்டிட, மாவட்டத்தின் தொழில் வளர்ச்சிகளை மேம்படுத்திட நடைபெறும் இம்மாநாடு சிறக்க, தீர்மாணங்கள் வென்றிட வாழ்த்துக்கள்!

----\\\\

எங்கே தமிழகத்தை உலுக்குகிறது?
#மீனவர் கைது; எழுவர் விடுதலை எங்கே தமிழகத்தை உலுக்குகிறது?ஊடகங்களை வேண்டுமானால் உலுக்கலாம்!

#அப்படி உலுக்கி இருந்தால் அதிமுக தோல்வி அடைந்திருக்க வேண்டும்! சீமானும், வேல்முருகனும் ஆட்சியை பிடித்திருக்க வேண்டும்! 

#மத்திய மாநில அரசுகள் எதை சொன்னாலும் செய்யாது! தேர்தல் நெருங்கினால், செய்வதுபோல் கொஞ்சம் பாவலா செய்யும்! அவ்வளவுதான்! 

#தமிழக பாஜக தலைவர்கள் கூற்றை வைத்து பார்த்தால், இவ்விரு பிரச்சனைகளும் அவர்களுக்கு 'செவிடர் காதில் ஊதும் சங்குதான்!' #அதிமுக இனி அசைய அய்தாண்டு ஆகும். அதுவரை கடிதம் எழுதி, எழுதி பேனா மையும், பேப்பரும்தான் தீர்ந்து போகும்! 

#சீமான் தோல்வியில் இருந்து வெளியே தலை காட்ட இந்த இரு பிரச்சனைகளும் கைகொடுக்கும்!  

#சுயநல அரசியல் கட்சிகள் ஆட்சியில் இருக்கும் வரை இரண்டும் தீரா பிரச்சனைகளே!

----\\\\

மகிழ்ச்சியான ஒரு நிகழ்ச்சி..!

மக்கள் நலக் கூட்டணி மங்கி விடக்கூடாது; மனச்சோர்வை நீக்கி மக்கள் பிரச்சனையில், மாற்று சிந்தனையுடன் வீறு கொண்டு எழ வேண்டும்; இது தோல்வியே அல்ல..! என இன்று 12.6.16 PTTV புதுப்புது அர்த்தங்கள் நிகழ்ச்சி எதார்த்தமாக அமைந்தது! மகிழ்ச்சி!

நெறியாளர் ஜென்ராம், பதிப்பாளர் பத்ரி, சிபிஐ லெனின் ஆகியோருக்கு நன்றி! 

ஆம், இன்று... நான், மக்கள் நலக் கூட்டணியில் போட்டியிட்ட எடப்பாடி தொகுதி மக்களுக்கு... வாக்களித்தவர்களுக்கு... உழைத்தவர்களுக்கு... நன்றி சொல்ல புறப்படும்போது இப்படியொரு டானிக்..! இது எதிர்ப்பார்க்காத ஒன்று! மகிழ்ச்சியான ஒரு நிகழ்ச்சி..!

[08:39, 12/6/2016] கிருஷ்ணசாமி திண்டுக்கல்: தங்கவேல் தோழருக்கு என் பணிவான வேண்டுகோள் உள்ளாட்சி தேர்தலுக்கு 4 மாதம் உள்ளது. கிராமங்களுக்கு பூத் வாரி சென்று மக்கள் தேவையை கண்டறிந்து அந்தந்த பகுதியில் போராட்டம் 2அல்லது 3 கட்டமாக நத்துங்கள். குறிப்பாக தண்ணீர் தெருவிளக்கு சுகாதாரம் 100 நாள் வேலை ரேசன் கடை நில அளவை பட்டா உட்பிரிவு சான்று என மக்களின் அன்றாட தேவையை கண்டு அதற்காக மட்டும் போராட்டம் நடத்தினால் வெற்றி நிச்சயம் ஆலோசனை சரியா தவறா தெரியவில்லை மனதில் பட்டதை கூறினேன்.

[08:55, 12/6/2016] +91 94865 96641: 🙆🙏🙆

[09:05, 12/6/2016] கிருஷ்ணசாமி திண்டுக்கல்: தங்கவேல் தோழர் உங்கள் படம் எனக்கு புரியலை

[09:48, 12/6/2016] +91 94865 96641: தங்கள் ஆலோசனை சரி! நன்றி! என்பதற்கான என புரிதலை அந்த படம்! சரிங்களா?

[09:49, 12/6/2016] கிருஷ்ணசாமி திண்டுக்கல்: நன்றி

----\\\

ஓங்கட்டும் மக்கள் நலக் கூட்டணி!

#பிரதான அரசியல் பணியின் நிறைவு இன்று 12.6.16 நிறைவேற்றிய மகிழ்ச்சி தருணமிது! 

#ஆம், நடந்து முடிந்த சட்டமன்ற தேர்தலில், தேமுதிக, தமாகா, மக்கள் நலக் கூட்டணியின் சிபிஎம் வேட்பாளராக போட்டியிட்ட நான், இவ்வணிக்கு வாக்களித்தோர், உழைத்திட்டோர் யாவருக்கும் நன்றி அறிவிப்பு கூட்டம் எடப்பாடி சிபிஎம் அலுவலகத்தில் நடத்தப்பட்டது! வந்தவர் மகிழ்வுடன் சென்றனர். புதிய தொடர்புகள், நட்புகள் வட்டாரத்தில் இதொரு நெகிழ்வான நிகழ்வே! இனி, இதை அடுத்த கட்டத்திற்கு எடுத்து செல்ல வேண்டிய பொறுப்புடனே இக்கூட்டம் நடந்தேறியது!

#இரு பெரும் மாநில முதலாளித்துவ நலன் பேணும் கட்சிகளுடனும், சாதி ஆதிக்க சக்திகளுடன் மோதி, 5437 வாக்குகள் பெற்றது திருப்புமுனையே!
"இந்த அணி நீடிக்கும்பட்சத்தில், நிச்சயம் எதிர்காலம் நம் வசமே என வந்து சென்றோரும், வராமல் வாழ்த்து மழை பொழிந்தோரும் வெளிப்படுத்தும் மன ஓட்டமாக இருந்தது" மகிழ்வின் உச்சமே!
#விளிம்புநிலை மக்களுக்கான விடுதலை போராட்டத்தின் ஆரம்பமே இத்தேர்தல் போராட்டமாக இருந்தது! ஆம், முடிவல்ல, இது ஆரம்பமே! மக்களின் வாழ்க்கை பாடுகள் குறையாது; கூடும்! அதிலே தன்னலம் கருதாதது சங்கமிக்கிறபோது, நாம் புறக்கணிக்கிற சக்தியாக மாறுவோம் என்பது மட்டும் உறுதியிலும் உறுதியே! #ஓங்கட்டும் மக்கள் நலக் கூட்டணி! வீழட்டும் ஊழல்வாத, தாராள பொருளாதாரவாத, சாதிய-மதவாத பிணியான... அதிமுக திமுக பாஜக இ.காங்கிரஸ் பாமக அணி!

----\\\\

நன்றி அறிவிப்பு!

எடப்பாடி சட்டமன்ற தொகுதியில், நடந்து முடிந்த தேர்தலில், தேமுதிக-மநகூ-தமாக சார்பில் போட்டியிட்ட  சிபிஎம் வேட்பாளர் தோழர் பி.தங்கவேலு க்கு சுத்தியல் அரிவாள் நட்சத்திரம் சின்னத்திற்கு வாக்களித்தவர்களுக்கு நன்றி அறிவிப்பு பேரவைக்கூட்டம் 12.06.2016 ஞாயிறு காலை 11 மணிக்கு எடப்பாடி சிபிஎம் ஆபீசுசில் சிபிஎம் வட்டச்செயலாளர் கே.லோகநாதன் தலைமையில் நடந்தது.

விசிக மேற்கு மாவட்டச் செயலாளர் அய்யாவு, சிபிஐ  ஒன்றியக்குழு உறுப்பினர் சுப்ரமணி, சிபிஎம் ஒன்றிய செலாளர்கள் எஸ்பி.தங்கவேல், எஸ்.மோகன், சிபிஎம் மாவட்டக்குழு செயலாளர் பி.தங்கவேலு, மாநிலக் குழு உறுப்பினர் கே.ஜோதிலட்சுமி ஆகியோர் உரையாற்றினர்.

விசிக நகர செயலாளர் தனசாமி, சிபிஎம் மாவட்ட செயற்குழு உறுப்பினர்கள் விகே.வெங்கடாசலம், ஆர்.குழந்தைவேல், எம்.சேதுமாதவன், பி.ராமமூர்த்தி, எம்.குணசேகரன், ஏ.ராமமூர்த்தி மாவட்டக்குழு உறுப்பினர்கள் ஜி.கணபதி, ஜெயலட்சுமி, பி.அரியாக்கவுண்டர் மாநகர மேற்கு செயலாளர் எம்.கனகராஜ், எடப்பாடி, கொங்கனாபுரம், நங்கவள்ளி சிபிஎம் ஒன்றியக்குழு உறுப்பினர்கள் மு.பெரியண்ணன், மூர்த்தி, வீரச்சாமி, நடராசன், கீதா, செல்வராஜ், சேகரி, கதிர்வேல் உள்ளிட்டு ஏராளமானோர் பங்கேற்றனர்.

----\\\\
அய்யோ... அய்யோ..!

அமெரிக்காவில் கேளிக்கை விடுதில் துப்பாக்கி சூடு! 50 பேர் சாவு! இது கண்டனத்திற்குரியதே! ஆனால், உலக தலைவர்கள் கண்டித்திருப்பதாகவும், அதில் ஒபாமா, மோடி உள்ளிட்டோர் இருப்பதும்தான் வேடிக்கை! ஆம், வினை விதைத்தால், தினையா முளைக்கும்? அய்யோ... அய்யோ..!

[09:55, 13/6/2016] Ganesh Samykannu: 👌👌
----\\\\

மேற்கு வங்கத்தில்...

*மேற்கு வங்கத்தில் மார்க்சிஸ்ட்கள் மீது, 

மம்தா கட்சி ரவுடிகள்... கொலைவெறியாட்டம்!

சேலத்தில் சிபிஎம் கண்டன ஆர்ப்பாட்டம்!

#

*மார்க்சிஸ்ட் கட்சியினரின் வீடுகள், அலுவலகங்கள் குண்டு வீசி தகர்ப்பு; 

தீ வைப்பு!

*பெண்கள், குழந்தைகள் நூற்றுக்கு மேலானோர் உயிருக்கு ஆபத்தான நிலையில் மருத்துவனையில் அனுமதி!

*ஜனநாயகத்தையும், மனித உரிமைகளையும் குழித்தோண்டிப் புதைக்கும் காட்டுமிராண்டி மம்தா அரசு!

#

இன்று 4.6.16 சனி காலை 11 மணிக்கு சேலம் தலைமை தபால் நிலையம்  முன் நடந்தது.

தலைமை: தோழர் பி.தங்கவேலு  மாவட்டக்குழுச் செயலாளர் துவக்கி வைத்தல்: தோழர் பி.ராமமூர்த்தி மாவட்ட செயற்குழு... நிறைவு உரை: தோழர் கே.ஜோதிலட்சுமி மாநிலக்குழு...

மாவட்ட செயற்குழு உறுப்பினர்கள் தோழர்கள் எம்.சேதுமாதவன், ஆர்.குழந்தைவேல், விகே.வெங்கடாசலம், டி.உதயக்குமார், ஏ.ராமமூர்த்தி, எம்.குணசேகரன், மாவட்டக்குழு உறுப்பினர்கள் ஜி.கண்ணன், கேசி.கோபிக்குமார், என்.பிரவீண்குமார், ஆர்.வைரமணி, பி.அன்பு, வி.பழனிமுத்து, பி.சந்திரன், பி.அரியாக்கவுண்டர், எம்.ரத்தினவேல் மற்றும் சேலம் மாநகர மேற்கு செயலாளர் எம்.கனகராஜ், மாநகர வடக்கு செயலாளர் எம்.முருகேசன் உள்ளிட்டு 300 க்கும் மேற்பட்டோர் கண்டனம் முழங்கினர்...

----\\\\

எடப்பாடி..! 

ஏழைகளின் வாழ்க்கையைப் பாடி...

தேமுதிக மக்கள் நலக் கூட்டணி தமாகா கூட்டணியால் சாதனை படைப்பது உறுதி! 

கோடிகளை வீழ்த்திட... உழைப்பாளிகளின் நம்பிக்கை நட்சத்திரமாம்... "அரிவாள் சுத்தியல் நட்சத்திரம்" களம் இறங்குகிறது! களமாடுவோம்! வெற்றிக்கனியை பறிப்போம்! மே19 வெற்றி மாலை சூடுவோம்! 

அதிமுக திமுக வை வீழ்த்தி மக்கள் நலக் கூட்டணி ஆட்சியை தமிழகத்தில் அமைப்போம்! வரலாறு படைப்போம்! ஆம், சேலம் மாவட்டம் தேமுதிக மக்கள் நலக் கூட்டணி தமாகா கோட்டை ஆக்குவோம்!

கோடி கைகளுக்கு முன் கோடிகள் மண்டியிட்டே தீரும்! வெல்வோம்!

#

----\\\\

இருமுனைதான்! 

ஒன்று- "நாங்கள் தான் என்றும் ஆளனும்" என்கிற அதிமுக+திமுக! இன்னொன்று அதிமுக திமுக வை வீழ்த்த களம் இறங்கி உள்ள- "தேமுதிக+மக்கள் நலக் கூட்டணி+தமாகா மெகா கூட்டணி!"

தொண்டர்கள் விருப்பம் குழந்தை உள்ளம் போன்று! அதற்கு அனுபவம் குறைவு! எந்த தலைமையும் தொண்டர்களை காவு கொடுக்க விரும்பாது! சில சுயநலமிகள் விஷமத்தனம் செய்யலாம்! அவ்வளவே!

----\\\\

"அரிவாள் சுத்தியல் நட்சத்திரம்"

எடப்பாடி சட்டப்பேரவை தொகுதியில் ஆதரிப்பீர்... "அரிவாள் சுத்தியல் நட்சத்திரம்" சின்னத்தை..! அடியேனின் அன்பு வேண்டுகோள்!

எமது முகநூல் தோழர்களே, நண்பர்களே! எடப்பாடி தொகுதி வாக்காளர்களே! வணக்கம்! 

வரலாற்று திருப்புமுனையாக அமையப் போகும்- மே 16இல் நடைபெற உள்ள தேர்தலில், அடியேனும் தேமுதிக தமாகா மக்கள் நலக் கூட்டணியின் வேட்பாளர்களில் ஒருவனாக களத்தில் குதிக்கப் போகிறேன் உங்களில் ஒருவனாக! 

ஆம், அரை நூற்றாண்டாக தமிழகத்தை சூறையாடிய அதிமுக திமுக கட்சிகளை இனியும், ஆட்சி கட்டிலில் அமரா வண்ணம் அமையப் போகிற இந்த தேர்தலில், களம் இறங்க ஓர் அரிய வாய்ப்பை நல்கிய மார்க்சிஸ்ட் கம்யூனிஸ்ட் கட்சிக்கு என்ற இதயம் கனிந்த நன்றியை உரித்தாக்குகிறேன்! 

தேமுதிக தமாகா மக்கள் நலக் கூட்டணி சார்பில் வெற்றிக் கனியை ஈட்டிட... அனைவரும் ஆசீர்வதித்து, ஆதரவு நல்குவீர்! 

எடப்பாடி தொகுதியில் கோடிகளை வென்று, உழைப்பாளிகளை வாழவைக்கும் மாற்று கொள்கைகளை நிலைநாட்டிட ஆதரிப்பீர்... "அரிவாள் சுத்தியல் நட்சத்திரம்" சின்னத்தை என இருகரம் கூப்பி, உங்கள் பொற்பாதங்களைத் தொட்டு வணங்கி, கேட்டுக் கொள்கிறேன்!  

கோடிகளை வீழ்த்திட, முழுநேரமும்- கடந்த 38 ஆண்டுகளாக உழைப்பாளிகளின் வாழ்வு மேம்பட, போராடி வரும் 

இந்த ஏழை எளியோனை உங்கள் கரங்களில் ஏந்துவீர்! 

தேர்தல் முடியும் வரை தங்களோடு உரையாடுவதில் இருந்து சற்றே விடுப்பளிப்பீர்! நன்றி!

-----\\\\

நிதி நெருக்கடியையும் மீறி

துணிவுடன் களம் காணும் சிபிஐ, சிபிஐ (எம்) வேட்பாளர்கள்...

நிதி நெருக்கடியையும் வலுவான எதிராளிகளையும் பொருட்படுத்தாமல், சிபிஐ, சிபிஐ (எம்) வேட்பாளர்கள், சேலம் மாவட்டத்தின் வீரபாண்டி மற்றும் எடப்பாடி தொகுதிகளில் துணிவோடு களம் காண்கிறார்கள். மார்க்சிஸ்ட் கம்யூனிஸ்ட் கட்சியின் சேலம் மாவட்ட செயலாளர் P. தங்கவேல், எடப்பாடி தொகுதியில், நெடுஞ்சாலை மற்றும் சிறு துறைமுகத் துறையின் அமைச்சர் ‘எடப்பாடி’ பழனிச்சாமியை எதிர்த்து போட்டியிடுகிறார். இந்திய கம்யூனிஸ்ட் கட்சியின் சேலம் மாவட்ட செயலாளர் A. மோகன், திமுகவின் முன்னாள் அமைச்சர் ‘வீரபாண்டி’ S. ஆறுமுகம் அவர்களின் மகன் ‘வீரபாண்டி’ A. ராஜேந்திரனை எதிர்த்து வீரபாண்டி தொகுதியில் போட்டியிடுகிறார்.

சேலம் மாவட்டத்தின் பல்வேறு பகுதிளில் இருந்து இவ்விரு தொகுதிகளிலும் குவிந்துள்ள இடதுசாரி கட்சி தொண்டர்களின் குறையாக நிதிதான் இருக்கிறது. அன்றாட செலவுகளான உணவு, பெட்ரோல் ஆகியவற்றுக்கே நிதி தட்டுபாடு இருக்கும் போது பெரிய கட்சிகளின் இணையாக பகட்டு விளம்பரங்களை பற்றி நினைக்க முடியாது.

இடதுசாரி கட்சி தொண்டர்கள், தங்கும் செலவு, உணவு, இரு சக்கர வாகனத்திற்கான பெட்ரோல் போன்ற செலவுகளை, தங்களது சொந்த பணத்தில் இருந்துதான் செலவு செய்கிறார்கள். “ கட்சி தோழர்கள் எந்த முனுமுனுப்பும் இல்லாமல் காலையில் இருந்து இரவு வரை முழு ஈடுபாட்டோடு செயல்படுகிறார்கள்” என்கிறார் திரு. தங்கவேல்.

கட்சி தோழர்கள் தாமாகவே முன்வந்து நிதியளிக்கிறார்கள். அன்றாட கூலி வாங்கும் தோழர்கள் கூட இதற்கு விதிவிலக்கல்ல என்கிறார், எடப்பாடியில் பிரச்சாரத்தில் ஈடுபட்டிருக்கும் மார்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினர் R.வேங்கடபதி. 10 குவாரி தொழிலாளர்கள் ரூ.2000/- கொடுத்திருக்கிறார்கள். மேட்டூர் கல் குவாரி தொழிலாளர்கள் 100 பேர், தலா ரூ. 100/- தந்திருக்கிறார்கள் என பெருமையோடு பேசுகிறார். 

நாட்டில் நிலவக்கூடிய அரசியல் பிரச்சனைகளை தோலுரித்து காட்டும் வீதி நாடகங்கள்தான் இடதுசாரி தேர்தல் பிரச்சாரத்தின் மைய ஈர்ப்பாக அமையும். ஆனால் நிதி நெருக்கடியின் காரணமாக கடைசி இரண்டு நாட்கள் மட்டுமே கலைக் குழுக்களின் நிகழ்ச்சிகள் நடைபெறும் என இந்திய கம்யூனிஸ்ட் கட்சியின் தகவல்கள் தெரிவிக்கின்றன. 

வேட்பு மனு தாக்கலின் போது இருவரும் சமர்ப்பித்துள்ள சொத்து கணக்குகளின் விபரங்களை வைத்து, இரண்டு வேட்பாளர்களின் பொருளாதார நிலையை அறிந்து கொள்ளலாம். 

திரு. மோகன் அவர்களிடம் ரூ. 2000/- மட்டுமே கையிருப்பாக உள்ளது. வங்கி கணக்கில் வெறும் ரூ. 500/- மட்டுமே கையிருப்பாக உள்ளது. அவரது பெயரிலோ, அவரது மனைவி மற்றும் மூன்று மகன்களின் பெயரிலோ எந்த சொத்தும் இல்லை. 48 வயது மோகன் வெள்ளி பட்டறையில் தின கூலியாக, சில ஆண்டுகளுக்கு முன்பு வரை வேலை செய்தார். இப்போது முழு நேர கட்சி ஊழியரான மோகனுக்கு மாத அலெவன்சாக ரூ. 4000/- கட்சியில் இருந்து கொடுக்கப்படுகிறது.

திரு. தங்கவேல் அளித்துள்ள சொத்து விபரங்களின் படி, அவரின் பண கையிருப்பு வெறும் ரூ. 100/-, வங்கி கையிருப்பு ரூ. 5299/- மட்டும். அந்த வங்கி கையிருப்பும் கேஸ் சிலிண்டருக்கான மானியமாக வந்த தொகை என்கிறார் திரு. தங்கவேல்.

 இருவருக்கும் எந்த வாகனமும் இல்லை. நன்றி : தி இந்து – ஆங்கி

----\\\

"ஆயிரமாயிரம் நன்றி!"

2016 மே 16 இல் நடந்து முடிந்த தமிழக சட்டபேரவைத் தேர்தலில்... கண் துஞ்சாது ஓய்வறியாது உழைத்த தேமுதிக மக்கள் நலக் கூட்டணி தமாகா தலைவர்களுக்கும், செயல்வீரர்களுக்கும், எனதருமை தோழர்களுக்கும்...

கரண்சி நோட்டுக்கு மனசை கரையவிடாமல், எடப்பாடி தொகுதியில் சுத்தியல் அரிவாள் நட்சத்திரம் சின்னத்திற்கு வாக்குகளைப் பதித்த வாக்காளர்களுக்கும்...

என் நெஞ்சம் நிறைந்த நன்றி! 

என்னை வேட்பாளராக்கி,

என் சட்டைப் பையில் இருந்து ஒரு பைசாகூட செலவிடாமல் அனைத்தையும் செய்து, தாய்போல் அனுதினமும் பராமரித்து, அரவணைத்த மார்க்சிஸ்ட் கம்யூனிஸ்ட் கட்சிக்கும்.... தோழர்களுக்கும்.... 

ஆயிரமாயிரம் 

நன்றி! நன்றி! நன்றி!

----\\\\

மூடநம்பிக்கை வேர்விட்டுள்ள சமூகத்தில் அறிவியல் பூர்வமான நம்பிக்கையை விதைப்பதும் வளர்ப்பதும் காப்பதும் அவ்வளவு சுலபமல்ல ; நூறு முறை தோற்க நேரிடலாம் ; ஆயினும் குறுக்கு வழியில்லை.

----\\\\

 "தர்மத்தின் வாழ்வுதனை சூது கவ்வும்; 

தர்மம் மறுபடியும் வெல்லும்!" 

2016 மே 16இல் நடந்த தமிழக சட்டமன்ற தேர்தலில் எடப்பாடி தொகுதியில் போட்டியிட்ட மார்க்சிஸ்ட் கம்யூனிஸ்ட் கட்சி வேட்பாளராக சுத்தியல் அரிவாள் நட்சத்திரம்சின்னத்தில் போட்டியிட்டேன். 

எனக்கு, தபால் வாக்கு 25 உள்ளிட்டு 309 வாக்குச்சாவடிகளில் இரண்டைத் தவிர 307  வாக்குச்சாவடியிலும் 5,437 வாக்குகளை வழங்கிய வாக்காளர்களுக்கும், அதற்காக உழைத்த தேமுதிக, தமாகா, மக்கள் நலக் கூட்டணி (விசிக, மதிமுக, சிபிஐ, சிபிஎம்) தலைவர்களுக்கும், செயல்வீரர்களுக்கும் என் சார்பிலும், சிபிஎம் சேலம் மாவட்டக்குழு சார்பிலும் நன்றி! நன்றி! 

களமிறங்கி ஆதரவு திரட்டிய சிபிஎம் சார்பான வர்க்க-வெகுஜன அமைப்புகளுக்கும் (சிஐடியூ, டிஒய்எப்ஐ, மாதர் சங்கம், ஓய்வூதியர் சங்கம், இன்சூரன்ஸ் ஊழியர் சங்கம், தவிச, விதொச, மத்தியதர அரங்கங்கள் உள்ளிட்டு அனைத்திற்கும்) 

நன்றி! நன்றி!  

மொத்தத்தில்... 

"ஜனநாயகம் வென்றிட வேண்டும்; பணநாயகம் வீழ்ந்திட வேண்டும்" என உழைத்த அனைவருக்கும் நன்றி! நன்றி!

'மக்கள் ஜனநாயக புரட்சி' க்கானப் பாதையில் இத்தேர்தல் ஓர் அனுபவ படிக்கட்டுகளே! 

உழைப்பாளி வர்க்க நலன் சார்ந்த போராட்டங்களை ஒருங்கிணைந்து முன்னெப்பொழுதையும் விட மிகுந்த வீரியத்துடன் வலிமையுடன் தொய்வின்றி தொடர்வோம்! 

ஆயிரம்முறை வீழ்வோம்! ஆனாலும் வெல்வோம்!

----\\\\

விகிதாசார தேர்தல்முறை!

தேவை விகிதாசார தேர்தல்முறை! அதுதான் ஜனநாயகம்! சட்டசபை ஜனநாயகம் என்று ஒன்று உள்ளதா? அதுவும் அதிமுக திமுகவிடமா? அத்தைக்கு மீசை முளைக்கட்டும்... அப்பொழுது சித்தப்பா என்றழைக்கலாம்!

இன்று 20.5.16 PTTV நேர்படபேசுக்கு!

----\\\\

"தியாகி ரவீந்திரன் புகழ் ஓங்குக!"

இன்று 23.5.16 காலை தி இந்து தமிழ், தினமணி, காலைக்கதிர் ஆகிய 3 நடுநிலை நாளேடுகளை படித்தேன். இந்த மூன்றும் முக்கி முக்கி செய்தி வெளியிட்டு இருக்கின்றன. 

அதாவது கேரளாவில் மார்க்சிஸ்ட் வெற்றி ஊர்வலத்தின்போது, பாஜக தொண்டர் ஒருவரை வெட்டி கொன்று விட்டதாகவும், அதற்கு எதிர்ப்பு தெரிவித்தே டெல்லி சிபிஎம் ஆபீசு முன் ஆர்ப்பாட்டம் செய்ததாகவும், குடியரசு தலைவரிடம் புகார் கொடுத்துள்ளதாகவும் "நடுநிலை"யாக வாந்தி எடுத்துள்ளன. அனேகமாக மற்ற 'நடுநிலை' ஏடுகளும் இப்படித்தான் செய்தியை உற்பத்தி செய்து மக்களிடம் திணித்திருக்கும். 

ஆனால் 53 வயது மார்க்சிஸ்ட் தோழர் ரவீந்திரன் எப்படி மாண்டார்? தன்னைத்தானே குத்தி கொலை செய்து கொண்டாரா? இதெல்லாம் நடுநிலை ஊடக புலிகளுக்குத் தெரியாதா? தெரியும். அவரை பாஜக ஆர்எஸ்எஸ் காலிகள்தான் கொலை செய்தார்கள் என்று! இதற்கு டெல்லி பாஜக அலுவலம் முன் "ஆர்ப்பாட்டம்" என்கிற பெயரில் அராஜகம் செய்தால், ஒருவேளை தோழர் ரவீந்திரனை கொலை செய்த காவி காலிகளை அடையாளம் காட்டுவார்களா? 

வரலாறு காணாத வெற்றியை சகித்துக் கொள்ள  முடியாத   காவிக் கூட்டத்தின் "கொட்டம்" அடக்கப்படும் தூரம் வெகுதொலைவில் இல்லை என்பதை செங்கொடி மைந்தன் ரவீந்திரன் உயிர் தியாகத்தின் பேரால் சபதமேற்போம்! தியாகி ரவீந்திரன் புகழ் ஓங்குக! அன்னாரின் குடும்பத்தாருக்கு ஆறுதலை பகிர்வோம்!

----\\\

போதுமான நிதியில்லை; 

சவால்கள் மிக்கதே!

---\\\

நியும் நானும் ஒன்னு; ஜனங்க வாயில் மண்ணு!   

உலகமகா நடிப்பு சாமி இது!  

இன்று 24.5.16 PTTV நேர்படபேசுக்கு!

----\\\

"தலித்மீதானஅறுவறுப்பு அரசியல்?!"

இன்று 25.5.16 PTTV புதுப்புது அர்த்தங்களில்... நெறியாளர் கார்த்திகேயன், சுபவீ., ஆளூர் ஷாநவாஸ்... 

தலித் வெறுப்பு அரசியல் பாமக கக்குகிறது என்பதில் இருவேறு கருத்துக்கு இடமில்லை. அதில் சுபவீ ஷாநவாஸ் இருவரும் ஒத்து போகிறார்கள். ஓகே. 

அதேசமயத்தில் இப்படிப்பட்ட வெறுப்பு அரசியல் மேற்கு மண்டலத்தில் கொங்கு, தெற்கு மண்டலத்தில் தேவர் என பட்டியல் நீளுவதை சுட்டிடாமல் போனது குறையே! 

மேலும் திமுக அதிமுக விடம் அந்தளவுக்கு இல்லையென்றாலும், இருக்கிறது என்ற ஷாநவாஸ் வாதத்தை, முழு பூசணியை இலை சோற்றில் மறைக்க முயற்சித்ததோடு, தேமுதிக விடம் அது இல்லையா? என்று சுபவீ  கேட்டது பரிதாப அரசியல். 

மேலும் அப்படிப்பட்ட வெறுப்பு அரசியலுக்கு அப்பாற்பட்டவர்கள் கம்யூனிஸ்ட்கள் என்பது பதிவாகாமல் போனது ஏன் என்ற கேள்வி நம்மை குடைகிறது!

----\\\

வாய்பே இல்லை

அனைத்து தரப்பு குரலும் சட்டமன்றத்தில் ஒலிக்க வாய்பே இல்லை. குறிப்பாக உழைப்பாளிகள், விளிம்புநிலை மக்கள் குரல் ஒலிக்கப் போவதில்லை!   

இந்திய - அன்னிய - தமிழக முதலாளிகளின் குரல் மட்டுமே ஒலிக்கும் இனி தமிழக சட்டமன்றத்தில்! ஏனென்றால் திமுக அதிமுக பாமக பாஜக தேர்தல் பரப்புரை வடிவங்கள் முதல் இவர்களின் செய்பாடுகளை அனைத்தையும் தீர்மாணித்தவர்கள்... தீர்மாணிப்பவர்கள் இம் முதலாளிகளே!

-----\\\\

'திமுகவை அழிக்க நினைத்தவர்கள் 

அழிந்து விட்டனர்'. -கருணாநிதி. 

அதிமுக-- திமுக வை வளர்க்க வந்ததா?  அல்லது திமுகவும், அதிமுகவும் ஒன்று என்கிறாரா?  தேமுதிக தமாகா மக்கள் நலக் கூட்டணி  திமுகவை மட்டும் எதிர்க்க வில்லை; அதிமுக வையும் எதிர்த்தது. அதை எதிர்க்கொண்டு ஆட்சிக்கு வந்த அதிமுககூட இவ்வாறு கருத்து கூற வில்லை. 

ஜனநாயகத்தில் தேர்தல் போட்டியும், வெற்றியும் தோல்வியும் இயற்கை! 

என்னமோ ஆளும் கட்சி மேலான கட்சி தான்தான் (திமுக) என்ற மமதையில் கருணாநிதி தற்போதும் வக்ரத்தைக் கக்குகிறார். வக்கிரமே உன் பெயர்தான் கருணாநிதியா? 

அதுசரி, திமுகவை எதிர்க்கட்சிகள் ஏன் அழிக்கப் போகிறார்கள்... அந்த வேலையை அவரது குடும்ப உறுப்பினர்களுமே செய்து கொள்வார்கள்; அதை போக போக தமிழகம் பார்க்கத்தான் போகிறது. 

இந்த வயதிலும் முதல்வருக்கும், எதிர்க்கட்சி தலைவருக்கும் ஆசைபடாதவரா இவர்?   (தேர்தலுக்கு முன் முதல்வர், தேர்தலுக்கு பின் எதிர்கட்சி எதிர்கட்சி தலைவர் குறித்த இவரின் அறிக்கை பேராசையின் உச்சம்)  

இவரின் இந்த (வக்ர)கருத்தில் இருந்தே அதிமுக, திமுக இரண்டும் ஒன்றென்று அறியாதவர்கள் இனியாவது அறிவார்களா?உணருவார்களா?

----\\\\

"மோடிஆட்சியின்சாதனைகளே... சர்சைகள்தான்!" 

அயல் நாட்டு பயணம் தொட்டு அய்ந்து பிள்ளை பெற்று ஆர்எஸ்எஸ்க்கு இரண்டு பேரை தாரை வார்ப்பது வரை... 

மாட்டுக்கறி துவங்கி பாக்கிஸ்தானுக்கு போய்விடுக என்பது வரை... 

இடதுசாரி தேசபக்த அறிஞர்கள்  கல்புரிக்கி, கோவிந்த் பன்சாரி, தலோல்கர் துவங்கி, மாட்டுகறி வைத்திருந்தான் என உபி யில்  தாத்திரி முகமது அக்லாக்  கொலைவெறியை அரங்கேற்றியது வரை... 

உயர்கல்வி தலித் மாணவன் ரோகித் படுகொலை முதல் கன்னையா கொலைமுயற்சி வரை... 

கல்வி அமைச்சரின் போலி சான்று முதல் சமஸ்கிரதம் திணிப்பு வரை... 

ஜல்லிகட்டு முதல் இலங்கை ஈழ தமிழர்க்கு பட்டைநாமம் வரை...  

முழுக்க முழுக்க ஏமாற்றங்களும், நாடகங்களும் கொலைவெறிகளும், தலித் மற்றும் சிறுபான்மை மக்கள் மற்றும் இடதுசாரி முற்போக்கு தேசபக்தர்கள் மீது தொடுக்கப்பட்ட தாக்குதல்களும் அரங்கேற்றிய சர்சைகளே கோலோச்சிய சாதனைகள் கொண்டதே மோடியின் ஈராண்டு ஆட்சி!

இன்று 26.5.16 PTTV நேர்படபேசுக்கு!

----\\\\

சென்றிருக்கிறது...

மக்கள் நலக் கூட்டணி மக்களிடம் செல்லாமல் இல்லை. சென்றிருக்கிறது. உதாரணமாக நான் பணியாற்றிய தொகுதியில் உள்ள 309 வாக்குச்சாவடிகளில் 307 வாக்குச்சாவடியில் சுத்தியல் அரிவாள் நட்சத்திரம் சின்னத்தில் வாக்கு விழுந்திருக்கிறது. 

ஆனால் இது ஜெயிக்கும். இந்த அணி ஆட்சி அமைக்கும் என்ற நம்பிக்கையை உருக்காமல் போன குறைதான் முக்கியம். அது ஒரு தொகுதியில் மட்டும் உருவாக்கி விடுவதில்லை. இது ஒட்டு மொத்த தமிழகம் அளவில் உருவாக்க வேண்டிய ஆகப்பெரும் பணியை இனி இந்த மநகூ அணி உருவாக்கினால், மாற்று வெற்றி பெறும். அதற்கான செயல்த்திட்டமே தற்போதைய தேவை.  இதில் இந்த அணி பெற்றால், அது தேர்தலில் வெற்றி பெறும் என்பது திண்ணம்!

----\\\\

மக்களுக்கு பயன் தரும்! 

*வழக்கறிஞர்களிடம் தாக்கத்தை ஏற்படுத்துதோ இல்லையோ மக்களுக்கு பயன் தரும்! 

*போராட்டம் என்கிற பெயரில் நடக்கும் ரவுடிசம் ஒழியும்! 

*போலீஸ்சும் பொதுமக்களுக்கும் நிம்மதி! 

*சட்டத்திருத்தம் நரிக்கு நாட்டமை கொடுத்த மாதிரி அமைந்துவிடக் கூடாது! 

*அடிப்படை உரிமைகள் பாதிக்காமல் இருத்தல் முக்கியம்!

27.5.16 PTTV நேர்படபேசுக்கு!

----\\\\

 "அம்மா பெரிச்சா? ஆட்டுக்குட்டி பெருச்சா?"

  

முதல் 5 கையெழுத்தில் ஒரு கையெழுத்து  புட்டுக்கிச்சி..!

ஜெயலலிதா முதல்வர் பதவி ஏற்றதும் போட்ட ஒரு கையெழுத்து ரூ5780 கோடி விவசாயிகளின் பயிர் கடன் தள்ளுபடி. அது தற்போது அந்தரத்தில் தொங்குகிறது. 

கூட்டுறவு வங்கிகள் ரூ2000 வரை தான் தள்ளுபடி செய்ய முடியும்; அதுவும் கஷ்டம்தான்; இருந்தாலும் 'அம்மா'வுக்காக முயற்சி செய்கிறோம்; மீதி ரூ3780 கோடி கோவிந்தா... கோவிந்தா...! அம்மாவோ இன்னும் ஆழ்ந்த உறக்கத்தில்! 

அதுசரி, அம்மா பெரிச்சா? ஆட்டுக்குட்டி(சொசைட்டி) பெருச்சா?  இன்னும் 4 கையெழுத்து 'கெதி' என்னாகுமோ! தெரிஞ்சவங்க சொல்லுங்கன்னே... சொல்லுங்க..!

----\\\\

*தேர்தலை ரத்து செய்தது மிகச்சரி!

*தேர்தலை ரத்து செய்தது மிகச்சரி! மறுத்தேர்தலே தீர்வு. தேர்தல் கமிசன் தன்னாட்சி நிறுவனம் என்பதை நிரூபித்துவிட்டது. 

*நீதிமன்றம், ஆளுனர், ஆளும் கட்சி, எதிர்க்கட்சி என ஆளாளுக்கு மிரட்டுவதற்கு சரியான பதிலடி தந்துள்ளது  தேர்தல் கமிசன். சபாஷ்!

(எப்பவும் PTTV பேஸ்புக் கில் எனது கருத்தைத் தெரிவித்துவிட்டு, அது இரவு 9 மணி நேர்படபேசு வில் பதிவேற்றம் ஆகி இருக்கிறதா? என்று பார்த்துவிட்டுத்தான், என் fb மற்றும் வேறுசில வலைதளத்தில் post செய்வேன். இன்று கரண்ட் கட். அதனால் நிகழ்ச்சி பார்ப்பதும் கட்.)

இன்று 28.5.16 நேர்பட பேசுக்கு..! (இதில் ஒரு பகுதி பதிவாகியதாக தோழர்கள் பதிவில் பார்தேன்)

-----\\\\

முத்தமிழ் வித்தகர் எது பேசினாலும்... 

"முத்தமிழ் வித்தகர் 

எது பேசினாலும்... ஏதாவது பொடி, கிடி இருக்கும்!"

ஆயிரத்து தொல்லாயிரத்து எழுபத்தொன்றில் திமுக 184 சீட் பெற்றதும் சாதனையாம்; இப்ப 89 சீட்டு பெற்றதும் சாதனையாம்! 89 பெருசா? 184 பெருசா? 

இவர் முதல் முதலாக எம்எல்ஏ ஆகும்போது எவ்வளவு செலவு செய்தாரு; இப்ப எவ்வளவு செய்தாரு; இதுல எது சாதனையின்னு கொஞ்சம் யாரது கேட்டு சொல்லுங்க சாமி! 

இம்ம்... அடுத்த தேர்தலில் தோற்று போனக்கூட, 199999... தோற்றதும் சாதனை; இப்ப தோற்றதும் சாதனை ன்னு சொல்லுவாரு..! ஏனா... இவர் முத்தமிழ் வித்தகர்! 

இவர் எது பேசினாலும் ஏதாவது பொடி, கிடி, தடி, வெடி, அடி.... இருக்கும். ஆமாம் அதிமுகவுக்கும் திமுகவுக்கும் 12 தான் வித்தியாசமாம்! இது வித்தகரின் அறிய கண்ணுறுத்தும் கண்டு பிடிப்பு! என்னாகுமோ தமிழகம் பார்ப்போம்! மக்கள் அதிமுக மலருமா?

----\\\\

"நல்ல உலறல்! 

ஊருக்கும் உபதேசம்!"

தமிழருவி மணியனின் இன்று 29.5.16 PTTV அக்னி பரிட்சையில், அவர் கூறுகிறார்-- அவர் உடைத்தால் மண் குடமாம்... இடதுசாரிகள் உடைத்தால்... அது பொன்குடமாம்! 

அவர் காங்கிரஸ்சை வீழ்த்த மதவாத பாஜக மோடியை ஆதரித்தால், அது தேசத்திற்கும், தமிழனுக்கும் நலமாம்; அப்பொழுது தேமுதிக விஜய்காந்த் குடும்ப பிடியில் இருப்பதாக தெரியவில்லையாம்! ஆனால் அதையே கம்யூனிஸ்ட்கள் செய்தால், ஆம்... அதிமுக திமுக வை வீழ்த்த, தேமுதிக வுடன் கைகோர்த்தால்... அது சந்தர்பவாதமாம்! என்னே கண்டுபிடிப்பு! 

அப்புறம்- ஏன் மக்கள் நலக் கூட்டணியில் (அவரது வாதப்படி) ஆதரவு பெருகிய  சூழலில் அதில் இருந்து ஆளுக்கும் முன் ஓட்டம் பிடித்தார்? (என்று நெறியாளர் கார்த்திகைச் செல்வன் கேள்வியை ஏன் முன் வைக்க வில்லை?) 

அதுசரி- ஸ்ரீரங்கத்திலும், ஆர்கே நகரிலும் இடதுசாரிகளை மக்கள் ஏன் தேர்வு செய்யவில்லை? மணியன் அவர்கள் அதை வசதியாக மறந்து விட்டார் போலும். அந்த 2 தொகுதியிலும் இடதுசாரிகளை தேர்வு செய்திருந்தால் எதற்கு இவர் கூறும் நபர்களை தேடி போகிறார்கள்? 

ஆம், காமாலைக் கண்களுக்கு காண்பதெல்லாம் மஞ்சள்போல், தேர்தல் போர்முனையை விட்டு புறமுதுகு காட்டி ஓடி ஒளியும் இவரிடம் வேறெதை எதிர்ப்பார்க்க முடியும்!? நல்ல உலறல்! ஊருக்கும் உபதேசம்!

----\\\\

நினைவுநாள் நிகழ்ச்சி..!

மார்க்சிஸ்ட் கம்யூனிஸ்ட் கட்சியின் சேலம் மாவட்டக்குழு உறுப்பினரும், சிறந்த எழுத்தாளரும், சிறந்த மொழிபெயர்பாளருமான மறைந்த அசோகன் முத்துசாமியின் 4 ஆண்டு நினைவுநாள் நிகழ்ச்சி..!

இன்று 29.5.16 மாலை சேலம் சிறைத் தியாகிகள் நினைவகத்தில், தமுஎகச மாவட்டத் தலைவர் இலாவி தலைமையில் நடந்தது. எழுத்தாளர் தாரைப்பிதா, நிறைமதி, மதுரபாரதி, சேக்... எழுத்தாளர் சகஸ் 'ஊடகங்களின் அரசியல்' உரை... யோடு நினைவேந்தல்..!

----\\\

சபாஷ்!

இன்று 30.5.16 PTTV புதுப்புது அர்த்தங்களில் எழுத்தாளர் முத்துகிருஷ்ணன்(?) இடதுசாரிக்கும், தலித் அரசியல் விடுதலைக்கும், மதவாத பாஜக அட்டகாசங்களையும் மடைதிறந்த வெள்ளம் போல்... சரவெடியாக... நம்பிக்கை துளிர்! சபாஷ்!  பத்திரிக்கையாளர் வெங்கடேஷ் கூட, மறுக்க முடியாத அளவுக்கு ஆணி அடித்தார் போல் முத்து முத்தாக ... முத்துகிருஷ்ணன். நெறியாளர் கார்த்திகேயனும் நன்றாகவே நூலெடுத்து கொடுத்தார்! நன்றி!

Ganesh Samykannu: பின்னாளில் இவரை வைத்தே நமக்கு எதிராகப் பேச வைப்பார்கள்... கூட்டிக் கழிச்சுப் பாத்தா, நமக்கு பூஜ்யம்...

94865 96641: அதற்காக ...? எல்லாவற்றையும் அவநம்பிக்கையாக பார்த்தால் எப்படி? இன்றைக்கு நமக்கும், நம் அணிக்கும் நம்பிக்கை கீற்று..!

Ganesh Samykannu: அவநம்பிக்கையல்ல... ஊடகத்தின் உத்தியை சுட்டிக்காட்டினேன்...

94865 96641: அதற்காக ...? எல்லாவற்றையும் அவநம்பிக்கையாக பார்த்தால் எப்படி? இன்றைக்கு நமக்கும், நம் அணிக்கும் தேவை நம்பிக்கை கீற்று..!

Ganesh Samykannu: புதுமையான உத்திகளோடு மக்களிடம் செல்வோம்...

94865 96641: இந்த ஓட்டை படகை வைத்துத்தான் ஆற்றைக் கடக்க வேண்டும்!

Ganesh Samykannu: நம்மிடம் உள்ள மனிதவளம் வேறு யாரிடம் உள்ளது..??

Ganesh Samykannu: படகில் ஓட்டை இல்லை... லாவகமாக ஓட்ட வேண்டும்...

94865 96641: புதுமையான உத்திகளை மக்களிடம் கொண்டு சேர்ப்பதில் இந்த ஊடங்களின் உதவி தேவை இல்லையா? நமது நொண்டி ஊடகங்களே போதுமா? நன்றி!

Ganesh Samykannu: தேவையில்லை என்று சொல்லவில்லையே... இது மட்டும் போதாது. மக்களிடம் செல்வதற்கான புதிய உத்திகளே காலத்தின் தேவை... 🙏

SAR: மிகச் சிறப்பாக வலிமையான தளத்தில் முத்துக்கிருஷ்ணன் பதிவு செய்தார்.இடதுசாரிகள் மட்டுமே மக்கள் பிரச்சனைகளை பேசுவதை அழுத்தமாகக் கூறினார்

Ganesh Samykannu: 👏👏

----\\\\

ராகுல் சொல்வது முற்றிலும் மெய்!

பன்னாட்டு இந்நாட்டு (கார்ப்பரேட்) முதலாளிகளின் ஊடகங்களுக்கு அள்ளிக்கொடுத்த ஈராண்டு சா(வே)தனை விளம்பரத் தொகையை, பட்டினியில் பரிதவிக்கும் விவசாயிக்கு தலா ஒரு லட்சம் வீதம் அய்யா மோடி கிள்ளி கொடுத்திருந்தால் (உதவி செய்திருந்தால் கூட)  ஆயிரம் விவசாயிகளை, அவர்தம் குடும்பங்களை தற்கொலையில் இருந்து பாதுகாத்திருக்கலாம். அப்படி செய்திருந்தால்  விவசாயிகளை காப்பது மெய் எனலாம். 

ரூ9000 கோடியோடு  அயல் நாட்டில் தலைமறைவான மல்லைய்யாவை பிடிக்காததில் இருந்தே... மோடி அவர்களின் செயல்பாடு இந்நாட்டு, பன்னாட்டு முதலாளிகள் நலனுக்கு உழைப்பது என்பதே மெய்! 

இதுமாதிரி ஆயிரம் மல்லய்யாகக்களின் அற்புதமான சேவகனே அய்யா மோடி! ஆம், ஆர்எஸ்எஸ் சேவகன் என்பதும் உண்மையே!

ஆக விவசாயி நலன் காக்கும் மோடி அரசு என்பதெல்லாம் வெறும் கண்துடைப்பே!

----\\\\

யாருக்கு என்ன லாபம்?

காங்கிரஸ் திமுக கூட்டணியை உடைப்பதால் யாருக்கு என்ன லாபம்? அதிமுகவுக்கு சதி செய்ய அவசியம் என்ன? புரளியை கிளப்புவதே கருணாநிதியின் வேலை போலும்! 

திமுக காங்கிரஸ் உடைக்க சதி செய்வது திமுகவுக்குள் இருப்பவர்களா? அல்லது அதிமுகவா? என்பதையும் சேர்த்தே கருணாநிதி சொல்லி இருக்கலாமே!

----\\\

"தூக்கம் போச்சு..!" 

திமுக காங்கிரஸ் கூட்டணியை உளவுதுறை உடைக்கிறதென கருணாநிதியின் அறிக்கையை ஆராய புறப்பட்ட இன்றைய 31.5.16 PTTV நேர்படபேசு வில்... 

காங்கிரஸ் பீட்டர் விவாதப்போக்கில், அதிமுக வுக்கு, எதிரணி உடைபட வேண்டிய தேவை இருக்கு என்றார். 

அப்படி என்றால் கருணாநிதி சொல்வது சரியா? பீட்டர் சொல்வது சரியா? அதிமுகவின் தேவையை உளவு துறை செய்ய வேண்டியதன் அவசியம் என்பதற்கு அழுத்தமான ஆதாரம் இல்லையே! 

பாஜகவின் மோடி அரசின் உளவுதுறையை பயன் படுத்தும் அளவுக்கு அதிமுக பலமிக்கது என பீட்டரின் வாதமா? பாவம் பீட்டரும், கருணாநிதியும்! 

உங்கள் கூட்டணியை ஏழேழு ஜென்மத்திற்கும் உடையாமல் பார்த்துக் கொள்ளும் வல்லமை உங்களிடம் இல்லை என்ற ஒப்புதல் வாக்குமூலமே இது அல்லவா? 

அதுசரி பாம்பில் கால் பாம்பு அறியும் என்பதுபோல், மக்கள் தேமுதிக வை உருவாக்கிய கருணாநிதிக்கு, வலுவான எதிர்கட்சியாக வந்தும்கூட தூக்கம் போச்சு என்றே தெரிகிறது!  பாவம் திமுக காங்கிரஸ் கூட்டணி!

----\\\\

*வரி மேல் வரி...

*வரி மேல் வரி முதலாளிகள் வளர்ச்சிக்கு உதவும்; ஏழை எளியோர் இடுப்பை உடைக்கும்!

*டீசல், பெட்ரோல் விலை உயரும்போது தான் நள்ளிரவில் சுதந்திரம் பெற்றதே தெரிகிறது! ஆம், அந்த சுதந்திரம் யாருக்கு என்பதும் சேர்த்தேதான் தெரிகிறது! 

*மக்கள் மீதான வரி மேல் வரி, விலை உயர்வு- மோடி அரசை நிறுவிய கார்ப்பரேட் முதலாளிகள் உயர்வுக்கு!

*மோடி அரசுக்கும், அவர் கட்சிக்கும் கோடிசுகம்!

----\\\

"புரட்சிகர பயணம் தொடரட்டும்..!"

ஏறக்குறைய 25 ஆண்டுகளுக்கு முன்பு விருதுநகரில் இருந்து புறப்பட்ட... 

ஆம்- பழிவாங்கும் நடவடிக்கையாக சேலம் மாவட்டத்திற்கு பயணமான தோழர் எஸ்.செல்லசாமியின் பணி 31.5.16இல் நிறைவு பெற்றது. 

அரசு ஊழியர்களை அணித்திரட்டுவதில், அயராது உழைத்தவரின் பயணம் சேலம் மாவட்டத்தில், சாதாரண ஊழியனாக துவங்கி, மாவட்டச் செயலாளர் அளவுக்கு அவரை உயர்த்தியதோடு, அரசு ஊழியர் வாழ்க்கைத் தரம் உயர்ந்திட அவரின் பணி அளப்பரியது. 

ஆம், தானுண்டு தன் பணி உண்டு என்றில்லாமல், சமத்துவ சமுதாயத்திற்கும், விளிம்புநிலை மக்கள் விடுதலைக்கும் பாடுபட்டவரை வாழ்த்தி... மார்க்சிஸ்ட் கம்யூனிஸ்ட் சேலம் மாவட்டக்குழு செயலாளர் பி.தங்கவேலு, மாவட்டச் செயற்குழு உறுப்பினர்கள் ஆர்.வெங்கடபதி, பி.ராமமூர்த்தி, எம்.குணசேகரன் உள்ளிட்டோர்... தங்களின் புரட்சிகர பயணம் தொடரட்டும்..!

----\\\\

*நேர்மையான தேர்தல் நடத்த...

*நேர்மையான தேர்தல் நடத்த, தேர்தல் ஆணைத்திற்கு போதுமான அதிகாரம் வேண்டும் என்பது சரி. 

*தகுதி நீக்கம் அதிகாரம் உயர்நீதி மன்றம் சொல்வதுபோல் தேர்தல் ஆணையத்திற்கு தேவையே! 

*மத்திய அரசு இதற்குரிய சட்டத்திருத்தம் அல்லது தேர்தல் சீர்திருத்தம் கொடுக்க வேண்டும் 

*விகிதாசார தேர்தல் முறை அவசியமே!

----\\\\

"யாருக்கு இலவசம்? ஏனிந்த பரவசம்?"

குனிய குனிய குட்டுவனும் முட்டாள்! குட்டக் குட்ட குனிபவனும் முட்டாள்!

நூறு யூனிட் மின்சாரம் யாருக்கு பயன்? 

ஜீரோ வாட்ஸ் பல்ப் லைட் வைத்திருக்கும் வீட்டுக்கு பயன்; அல்லது அம்மாவின் கிரைண்டர், மிக்ஸி, ஃபேன் இருந்தும் ஓடாமல் இடுப்பு ஒடிந்து கிடக்கும் வீடுகளுக்கு பயன்! 

2 டியூப் லைட் மற்றும் "அம்மா" கொடுத்தவைகள் (கிரைண்டர், மிக்ஸி, ஃபேன்) ஓடினால் போதும் 200 யூனிட் கண்ணை மூடிக் கொண்டு தாண்டும்! அப்படியால்... 

யார் இங்கே முட்டாள்..?

பழைய கணக்கு:

1-100 யூனிட் ரூ1 வீதம் ரூ100.

101-200 யூனிட் ரூ2 வீதம் ரூ200.

மொத்தம் ரூ300.

தற்போது கணக்கு:

1-100 சும்மா...!?

101-200 ரூ3.25 வீதம் ரூ325.

இப்படியே இன்னு ஏறிக்கிட்டு போகுது! 

சாதாரணமாக எந்த வீட்டிலும் 200-300 யூனிட் குறையாது! 

எங்கே இலவசம்? 

யாருக்கு இலவசம்? 

எதற்கு இந்த பரவசம்? 

யார் முட்டாள்? 

"மக்களா?" 

மக்களால் ஆட்சியில் அமர்ந்த "அம்மாவா?"

----\\\\

 'பேச்சு'க்கு  'அச்சு'... 

*இருவரின் இந்த 'பேச்சு'க்கு  'அச்சு' தமிழக வாக்காளர்களே! 

*ஜனநாயகத்தில் மக்களே எஜமான்! 

*அதிமுக  அடக்கி வாசிப்பதற்கு, திமுக பலமே! 

ஆரோக்கியமாக நடப்பதும், நடக்காததும் 'அம்மா' கையில்..! சம்பரதாயப் பேச்சா? வெற்று பேச்சா? என்பது போக போக தெரியும். 

*முதல்வர், எதிர்கட்சி தலைவர் இருவரின் பேச்சு காதில் 'தேனாக' பாய்கிறது! பார்க்கலாம்!

இன்று 3.6.16 PTTV நேர்படபேசு க்கு!

----\\\\

அரசியலன்றி வேறென்ன? 

அரசியலன்றி வேறென்ன? பாஜக வுக்கும் அதிமுகவுக்கும், திமுகவுக்கும் இருக்கும் உறவை நாடே அறியும். தமிழக மக்கள் நன்கு அறிவர். 

ஒருவேளை கருணாநிதிக்கு வாழ்த்து சொல்லியிருந்தால்... ஊடக கருத்து க(தி)ணிப்பை வைத்து... என்ன செய்திருப்பார்? 

தமிழகத்தில் பிரதான கட்சிகள் தனியாக நிற்கும்போது, அதிமுக ஏற்கனவே 42% மக்களவை தேர்தலில் வாக்கு வாங்கியதை வைத்துக்கூட வாழ்த்து சொல்லி இருக்கலாம்! 

பாஜகவுக்கோ, மோடிக்கோ வாக்காலத்து அல்ல இது! பாஜக தீண்ட தகாத கட்சியல்ல; ரைட் மேன்; ராங் பார்ட்டி என வாஜ்பாயை வாயார புகழ்ந்து அன்று மத்திய ஆட்சியில் மாறி மாறி பாஜகவுடனும், காங்கிரஸ்சுடனும் கைகோர்த்த கொள்கை குன்றுதான் கருணாநிதியும், திமுகவும். நாளைக்கே திமுக பாஜகவுக்கு ஆதரவு கரம் நீட்டும்!

எப்படியாது, எதையாவது சொல்லி, பாஜக வுடன் உறவுக்கான ஓலமே இது!

---\\\

கலாச்சாரத்தின் அடிப்படை! 

தரக்குறைவாக பேசுவது திராவிட கலாச்சாரத்தின் அடிப்படை! 

எதற்கு பேச வேண்டும்; பிறகு மன்னிப்பு கேட்க வேண்டும்? வெட்டிபுட்டு கட்டிப்புடிச்சி அழுவது வீண்!

தனிநபர் விமர்சனம் தமிழகத்தில் இன்று நேற்றல்ல; 50ஆண்டுகளாகவே! 

தரம் இருந்தால்தானே தாழ்ந்து போவதற்கு!?

போதையில் இருப்பவர் யேசினால்- ஒதுங்கி  போவதும்,  வயதானவரை யேசினால்- பச்சாதாபம் கொள்வதும் சமூகத்தின் பலவீனம்! 

கம்யூனிஸ்ட்கள் எங்காவது யாரையாவது இவ்வாறு பேசி இருக்கிறார்களா? நமக்கு தேவை கம்யூனிச கலாசாரமே! அதாவது சமத்துவக் கலாசாரம்!

---\\\

இதுநாள் வரை- 

இதுநாள் வரை- இடதுசாரி கட்சிகளை தவிர மற்ற வளரும் கட்சிகள் சீட்டுக்காகவே பெரிய கட்சிகளுடன் கூட்டு சேருகின்றன!

இந்த தேர்தலில் தான்- முதல் முறையாக வளரும் ஜனநாயக கட்சிகளும் (விசிக, மதிமுக), இடதுசாரி கட்சிகளும் (சிபிஎம், சிபிஐ) கொள்கை அடிப்படை மக்கள் நலக் கூட்டணி உருவாகி உள்ளது!

ஆம்! சிறிய கட்சிகளை திமுக அதிமுக கருவேப்பிலையாகத்தான் பயன்படுத்துகின்றன!

இன்று 7.4.16 news 7 ?கேள்வி நேரம்!

---\\\

 "நன்றி..! ராமுக்கும் ஞாநிக்கும்..!"

#

* பாவம் மனுஷ்..! திருமா தெளிவாக சொன்னார்- 'கூட்டணி' என்றால், திமுகவை ஆதரிக்க தயக்கமில்லை என ஆயிரம் தடவை சொல்லியும், திமுக ஏற்காததால் தான் "மக்கள் நலக் கூட்டணி" உருவாகி, அடிப்படை வர்க்கங்களான தலித்துகளும், மார்க்சிஸ்ட்களும் கைகோர்க்கிற நிலை தமிழகத்தில் உருவானது! அதற்காக திமுகவுக்கு நன்றி கூறுவோம்! 

* 'இடதுசாரிகள் அதிமுகவையோ, திமுகவையோ ஆதரித்தால் கொள்கை சார்ந்தது; அதை எதிர்த்தால் ஆதாயம் சார்ந்ததா?' என ஜென்ராம், ஞாநி கேள்விக்கு மனுஷ் பதில் தராமல் போய் விட்டார்! ஆம், இடதுசாரிகள் ஆதாய அரசியல் செய்பவர்களே! 'உழைப்பாளி மக்களுக்கு என்ன ஆதாயம்' என்று பார்க்கும் சுயநலம் அன்றும் இன்றும் என்றும் இருக்கும்!  திமுக அதிமுக வைபோல் உழைப்பாளிகளை சுரண்டும் கும்பலுக்கும் (அதோடு தனக்கும், தன்னை சார்ந்தோருக்கும்) என்ன ஆதாயம்  அரசியல் ஒருபோதும் இருக்காது!

வேறு வார்த்தையில் சொன்னால், 'சுட்டு' போட்டாலும்  அரசியல் காய் களை நகர்த்தாது; அதற்காக சாதிய மதவாத அமைப்புகளோடும் சமரசம்- திமுக அதிமுக வைபோல் செய்யாது! 

* இதற்கு அழகாக ஜென்ராமும், ஞானியும் சொன்னார்கள்- 'தமிழகத்தில் காங்கிரஸ், பாஜக ஆதரவு நிலையை பொறுத்தே இடதுசாரிகள் நிலை இருந்தது என்று ஜென்ராமும், மேற்கு வங்கத்தில் பாஜக வளர்ச்சியைக் கட்டுப்படுத்தவே தற்போது இடதுசாரிகளின் நிலை இருக்கிறது என்று ஞாநி யும் ஆணி அடித்தார் போல் மனுஷ் க்கு பதிலடி கொடுத்தது அருமை!

* அதைவிட ஒரு செக் 'டாப்'- ஆதாயம் என்பது எது? பணமா? பெற்றது யார்? சிபிஐயா? சிபிஎம்மா? யார்?யார்? யார்? என கேள்வி கனைகள் உயரவே  'என்னை கார்னர் பன்னாதீங்க' என திணறியது பரிதாபம்! ஆம், மனுஷ் சின் வேடம் களைந்தது! அம்பலம் ஆனது!மனுஷ்சின் நாடகமும்தான்! 

* ஆயிரம் நன்றிகள் ராமுக்கும் ஞாநிக்கும்!

----\\\\

நடத்தினால் நன்று! 

நியாயமான தேர்தல் தமிழகத்தில் நடந்தால், நடத்தினால் நன்று! 

பணபட்டுவாடாவைத் தடுப்பது தேர்தல் கமிசனுக்கு சவால் மிக்கது! 

பணபட்டுவாடாவைத் துணிவுடன் தடுத்தால், 'மக்கள் நல அரசு' அமைவது உறுதியிலும் உறுதி!

#this time 4 mnk dmdk

----\\\

 "எதிர்கால நம்பிக்கை நட்சத்திரமாக..!"

#

முன்னாள் தலைமை தேர்தல் கமிஷனர் கோபால்சாமி... "தமிழகத்தில் வாக்காளர்களுக்கு பணம் கொடுப்பது உள்ளிட்டு, தேர்தல் விதிமுறைகளை காலில் போட்டு மிதிக்கப்படுவதற்கு, திமுக அதிமுக ஆகிய இரு கட்சிகளுமே காரணம்; இங்குபோல் நாட்டில் வேறெங்கும் இல்லை; திருமங்கலம் பார்முலா என கூறப்படுவதே இதற்கு காரணம்!" என இன்று 8.4.16 புதிய தலைமுறை தொலைக்காட்சி  விவாதத்தில் நெத்தியடி கொடுத்தார்! 

திமுக கண்ணதாசனும், அதிமுக சமரசமும் 'திருடனுக்கு தேள் கொட்டியதைப்போல் ஒருவரை ஒருவர் பார்த்துக் கொண்டனர்! 'உங்க சண்டையில் எங்கிட்ட வாங்குன ஆயிரம் ரூபாய மறந்திடாதிங்கப்பா' என்பதுபோல் பாமக பாலு  யோக்கிய சிகாமணி தனக்குத்தானே புகழாரம் சூட்டிக் கொண்டார்! பாமக பென்னாகரம் இடைத்தேர்தல் பவுன் கொடுத்ததும்,  கொடுக்க முடியாமல் தவித்ததும் பென்னாகரம் வாக்காளர்கள் அறிவார்கள்! 

மார்க்சிஸ்ட் பாக்யம் 'திருடனாய் பார்த்து திருந்தால் விட்டால் திருட்டை ஒழிக்க முடியாது' என்பதுபோல் துவங்கினாலும், தேர்தல் கமிஷனர் லக்கானி கருத்துக்குப் பின், '30% இளம் வாக்காளர்கள் பணபட்டுவாடாவை தடுக்க வேண்டுமென' நறுக்கு தரித்தாற்போல் கூறினார். நெறியாளர் தியாகச்செம்மல் '30% இளைஞர்களை கட்சிகள் வாக்காளர்களாக பார்த்தாலும், தேர்தல் கமிஷனர் எதிர்கால நம்பிக்கை நட்சத்திரமாக பார்க்கிறார்' என முடித்தது சிறப்பு!

#this time 4 mnk dmdk

----\\\\

"இதுதான்  நாகரிகமா?" 

"இதுதான்  நாகரிகமா? தேர்தல் கமிஷனும், காவல்துறையும் இருக்கிறதா?" 

ஜனநாயக ரீதியாக ஆர்ப்பாட்டம் கூட அனுமதி மறுத்து, வழக்கு போடும் போலீஸ், போராட்டத்திற்கு  தேர்தல் கமிஷனில் (ஆர்ஓ விடம்) அனுமதி வாங்க வேண்டுமென உரும்புகிறது காவல்துறை!  

தற்போது வைகோ,  உருவபொம்மையை எரிப்பதும், செருப்பால் அடிப்பதும் போன்ற 'தேசபக்த' பணியை, 'மிக நாகரிகமான' முறையில் வெறிகொண்டு,  திமுக தமிழகம் முழுவதும்...  அரங்கேற்றி... செயலாற்றி... வருகிறதே என்ன செய்து கொண்டிருக்கிறது காவல் துறையும், தமிழக அரசும்? 

எல்லாவற்றிக்கும் மேலாக 'வானளாவ அதிகாரம்' படைத்திருக்கும் தேர்தல் கமிஷன் கைக்கட்டி... வாய்பொத்தி... வேடிக்கை பார்க்கிறதே நியாயமா?

#this time 4 mnk dmdk

----\\\

"நெருடலே!"

#

காங்கிரஸ் அதிருப்தி ஜோதிமணி, தேமுதிக அதிருப்தி சந்திரக்குமார் போன்றோருக்கு ஊடகங்கள் ஏன் இவ்வளவு முக்கியத்துவம் கொடுக்க வேண்டும்? குறிப்பாக புதிய தலைமுறை டிவியில் இன்று 9.4.16 ஜோதிமணி குறித்து, புதுப்புது அர்த்தங்கள் நிகழ்ச்சியில்... சந்திரக்குமாரிடம் அக்னிபரிட்சை நிகழ்ச்சியில்... 

அலசல் நெருடலே!

#thistimeformnkdmdk

-----\\\\\

வெற்றிக்கனியைப் பறிப்போம்!

#

தேமுதிக மக்கள் நலக்கூட்டணியுடன் தமாகா இணைந்தது! தேமுதிக 104; மதிமுக 29; தமாகா 26; சிபிஎம் 25; சிபிஐ 25; விசிக 25 என அதிகாரப்பூர்வ பங்கீடு சற்று முன் அறிவிப்பு! வெற்றி கூட்டணி அமைந்தது! வெற்றிக் கனியை பறிக்க களபணியை ஆற்றுவோம் கண் துஞ்சாது!

#this time 4 mnk

-----\\\\

"கூட்டணி கனவு நனவானது! 

இதுபோல்- கூட்டணி ஆட்சி கனவும் நனவாகும்!" 

 -திருமா 

#this time 4 mnk

----\\\\

அம்மா தாயே... 

"முதலில் மதுபானக் கடைகள் திறந்திருக்கும் நேரம் குறைக்கப்படும்; கடைகளின் எண்ணிக்கை குறைக்கப்படும்; பின்னர் பார்கள் மூடப்படும்!"

அம்மா தாயே... இதத்தான அன்னிக்கு கேட்டோம்! என்னா வெங்காயத்திற்கு சசிபெருமாள் உயிரை குடிச்சே! எங்க உயிரை வதச்சே! சொல்லு தாயி..! சொல்லு..! 

இந்த வேடதாரியை வீட்டுக்கு அனுப்பிவிட்டு, தேமுதிக-மக்கள் நலக் கூட்டணியை ஆட்சியில் அமர்த்தினால் மட்டுமே தமிழகம் தலை நிமிர்ந்து, தல்லாட்டம் இல்லாமல் நடைபோடும்!

#this time 4 mnk

----\\\\

"ஓட்டு போட்டாச்சி..!" 

தேமுதிக-மக்கள் நலக் கூட்டணி ஜெயிச்சாச்சி..!

#

ஆம், 

தமாகா... 

தேமுதிக-மக்கள் நலக் கூட்டணியில் இணைந்தது... வெற்றியை கட்டியம் கூறிய வரலாற்று நிகழ்வு..! அல்லவா?! அந்நாளில் ஓட்டு போட்டாச்சி; யாருக்கு போட்டேன் என்பதையும் பாத்தாச்சி..! தேமுதிக மக்கள் நலக் கூட்டணி ஜெயிச்சாச்சி..! 

இதுமாதிரி... 

தமிழகத்தில் 25 சட்டமன்ற தொகுதிகளில் ஓட்டுப் போடும் இயந்திரங்கள் வைக்கப் படுகிறது! 

நேற்று 9.4.16 அன்று... 

சேலம் வடக்கு தொகுதியில்... 

ஓட்டு போடும் செய்முறை பயிற்சியில், சிபிஎம் சேலம் மாவட்டக்குழுச் செயலாளர் பி.தங்கவேலு மற்றும் தோழர்களும்... பொதுமக்களும்... சேலம் ராகிருஷ்ணாபார்க்..!

#this time 4 mnk

----\\\

"வரலாறு படைப்போம்!"  

#

இன்று  11.4.16 இரண்டு முக்கிய நாளேடுகளில் தினமணி, இந்து தமிழ் வந்துள்ள மக்கள் கருத்து... தேமுதிக தமாக மக்கள் நலக் கூட்டணியின் வெற்றியை, அந்த அணிதான் ஆட்சியை கைப்பற்றப் போகிறது என்பதை பறைச்சாற்றுகிறது! 

ஆம், மாமண்டூர் மட்டுமல்ல; ஒட்டு மொத்த தமிழகமும் ஏகோபித்த ஆதரவு தருகிறது என்பதற்கு இதோ... 

அதாவது... 

தேமுதிக-மக்கள் நலக் கூட்டணியில், தமாகா இணைந்ததற்கு தினமணி ஆதரவு 92%; இந்து தமிழ் 65%. இதைவிட வேறென்ன வேண்டும்..? அதிமுகவை வீழ்த்தவும், திமுக வை ஆட்சியில் அமராமல் தடுக்கவும்! 

முன்னேறுவோம்! 

வரலாறு படைப்போம்! 

'தனிகட்சி ஆட்சி'யை தகர்போம்! 'கூட்டாட்சி'யை நிறுவுவோம்!

#this time 4 mnk

----\\\\

ஈர்ப்பது-தேர்தல் அறிக்கை...

வாக்காளர்களை ஈர்ப்பது-தேர்தல் அறிக்கை, பரப்புரை இவற்றோடு- கட்சியின் செல்வாக்கும்!

அதிமுக திமுக தேர்தல் அறிக்கைகள் மக்களை ஏமாற்றவே! 

அதிமுக திமுக ஆட்சியில் இருந்தபோது, தற்போது சொல்வதை ஏன் செய்யவில்லை?

தேமுதிக தமாகா மக்கள் நலக் கூட்டணி தேர்தல் களத்தில் புதியவை; இந்த அணியை நம்பி வாக்களிக்கலாம்!

#this time 4 mnk

----\\\\ 

உண்மை..! உண்மை..! 

"நான் சொன்னதையும் செய்தேன் சொல்லாததையும் செய்தேன்!". -ஜெயலலிதா. 

உண்மை..! உண்மை..! 

நீங்கள்  உரிய நேரத்தில் ஏரிகளை திறக்காமல், தீடீரென திறந்து இரவோடு இரவாக சென்னை, செங்கல்பட்டு மக்களை வெள்ளத்தில் மூழ்கடித்து சாதனை புரிந்தது... நீங்கள் சொல்லாததுதான் ஒத்துக்கிறோம்! 

மது வேண்டாம் என்று போராடிய, பாடிய வர்களை தேச துரோக வழக்கு போட்டு சிறையில் போட்டது.... மது ஒழிப்பு போராளி, காந்தியவாதி சசிபெருமாள் உயிரை எடுத்தது... ஏறக்குறைய ஒன்னரை லட்சம் தமிழச்சிகளின் தாலியை அறுத்துவிட்டு, தாலிக்கு தங்கம் கொடுத்தது... நீங்கள் சொல்லாததுதான் ஒத்துக்கிறோம்!  

சாராய உற்பத்தியாளர்களை அவர்கள் திமுக காரர்களாக இருந்தாலும் காப்பேன் என விடாபிடியாக செயல்பட்டதும் நீங்கள் சொல்லாததுதான் ஒத்துக்கிறோம்! 

லஞ்ச ஊழலுக்கு உடன்பட மறுத்தால் அரசு ஊழியர் முத்துகுமாரசாமி போல் 'தற்கொலை'க்கு அனைவரையும் தள்ளுவோம்... என்றதும் நீங்கள் சொல்லாததுதான் ஒத்துக்கிறோம்! 

தற்போது செய்துவரும் பரப்புரை நிகழ்ச்சி  உள்ளிட்டு கட்சியில் உள்ளவர்கள் அனைவரையும் உதிர்ந்த முடியைப்போல், அடிமைகளாக நடத்தும், உலக சர்வாதிகாரிகள் பட்டியலில் முதலிடத்தில் வந்துக்காட்டுவேன் என ஹிட்லர், முசோளனி களையே மிஞ்சி நிற்பது...  நீங்கள் சொல்லாததுதான் ஒத்துக்கிறோம்!

#this time 4 mnk

----\\\\

'செல்வம்' 

அவர்- கொடுத்தார்! 

இவர்- குவித்தார்!

'செல்வம்' 

#this time 4 mnk

----\\\\

என்ன பொருள்? 

பீட்டர் அல்போன்ஸ் சந்திரக்குமார் வகையறா க்கு அன்றும் இன்றும் சுயநலமே! மீண்டும் காங்கிரஸ் இல் சேருவதற்கு என்ன பொருள்? 

தேர்தல் நேரத்தில் கட்சிகள் பிரிவதும், சேர்வதும் சுயநலமே! கொள்கையல்ல என்பதை தற்போது நாடு கண்டு கொண்டுத்தான் இருக்கிறது!

கொள்கை நிலைபாட்டில் இணைந்திருப்பது மக்கள் நலக் கூட்டணி+தேமுதிக+ தமாகா அணி மட்டுமே! 

அதிமுக திமுக கூட்டுக் கொள்கையை வீழ்த்திடும் கொள்கை கொண்ட வலுவான மெகா கூட்டணி! 

அதிமுக திமுக ஆதிக்கம் தமிழகத்தில் வீழ்த்தப்பட்டாலே இங்கு ஜனநாயகம் தழைக்கும்!

அதிமுக திமுக இரண்டையும் வீழ்த்துவது கொள்கையா? இவற்றில் ஒன்றுக்கு  மறுபடியும் மறுபடியும் உயிர்  கொடுப்பது கொள்கையா?

இன்று 12.4.16 PTTV நேர்படபேசு!

---\\\

த்தூ...த்தூ..!

தேமுதிக ன்னு ஒன்னு திமுக கூட்டணியில் இல்லை என்றால் திமுக இந்த முறை ஆட்சியை பிடிக்க முடியாதென கருணாநிதியின்  முடிவோ? மூடநம்பிக்கையோ? எதுக்கு இந்த ஈனப்பொழப்பு..? 

த்தூ...த்தூ..! 

#this time 4 mnk4:41

----\\\\

"தமிழகத்தைவிடுவிப்போம் கொள்ளையர்களிடமிருந்து!" 

அ(னைத்து) தி(ருட்டு) முன்னேற்றக் கழகம் (அதிமுக)... 

தி(ருட்டு) முன்னேற்றக் கழகம் அல்லது தி(ல்லுமுல்லு) முன்னேற்றக் கழகம் (திமுக) ... 

அன்று- அந்த கொள்ளையர்களை எதிர்த்து போராடி விடுதலை பெற்றோம்! 

இன்று- இந்த கொள்ளையர்களை எதிர்த்து போராடி தமிழகத்தை விடுவித்தாக வேண்டும்! 

தேமுதி+மக்கள் நலக் கூட்டணி+தமாகா கூட்டணியின் 

முதல்வர் வேட்பாளர் கேப்டன் விஜய்காந்த்..!

#this time 4 mnk

----\\\\

இருமுனை போட்டி!

அதிமுக # தேமுதிக+மக்கள் நலக் கூட்டணி+தமாக கூட்டணிக்கு இடையே இருமுனை போட்டி! இது தேர்தல் நெருங்க நெருங்க தெரியும்! 

அதிமுக திமுக அகற்றப்பட வேண்டியவைகளே! அந்த இடத்தை தேமுதிக மநகூ தமாகா தான் பூர்த்தி செய்ய முடியும்!

உப்பைத் தின்ற ஜெயலலிதாவும், கருணாநிதியும் தான் தண்ணீர் குடிக்க (கடும் விமர்சனங்களை சந்திக்க) வேண்டும்! அவர்கள் தானே ஆட்சியில் இருந்தவர்கள்..? கட்சிகள்..?

-----\\\\

சாதி, மதம் தலைதூக்காது

சில சமயங்களில் சில தொகுதிகளில் கடந்த காலங்களில் சாதி, மதம் தனது செல்வாக்கைச் செலுத்தி உள்ளதை மறுக்க இயலாது! ஆனால் இந்த தேர்தலில் சாதி, மதம் தலைதூக்காது! 

பெரும்பாலான மக்கள் எப்பொழுதுமே அரசியலாக பார்த்து தான் வாக்களிக்கின்றனர் பொதுத் தேர்தல்களில்! இளம் வாக்காளர்கள் மாற்றத்தையே விரும்புகிறார்கள். 

அதிமுக திமுக வுக்கு மாற்றாக தேமுதிக + மக்கள் நலக் கூட்டணி + தமாகா கூட்டணியையே நம்புகிறார்கள். தமிழகம் இந்த தேர்தலில் வரலாறு படைக்கும்!

இன்று 13.4.16 news 7 ?கேள்வி நேரம்!

-----\\\\