சாத்தியமே!

சாத்தியமே! சர்வதேச விசாரனையே இலங்கை தமிழர்களுக்கு நியாயம் வழங்கும்! இலங்கை விசாரனை அது திருடர் கையில் சாவி கொடுத்த மாதிரியே! அதேசமயத்தில் அமெரிக்க ஏகாதிபத்தியம் ஆதிக்கம் இல்லாமல் இருக்கவேண்டும். 

இன்று 16.9.15 PTTV மக்கள் மேடையில் இதன் ஒருபகுதி பதிவேற்றம் 

செய்யப்பட்டுள்ளது

----\\\\

சர்வதேச விசாரனையே இலங்கை தமிழர்களுக்கு நியாயம் வழங்கும்! இலங்கை விசாரனை அது திருடர் கையில் சாவி கொடுத்த மாதிரியே! அதேசமயத்தில் அமெரிக்க ஏகாதிபத்தியம் ஆதிக்கம் இல்லாமல் இருக்கவேண்டும். 

இதற்கு இந்திய அரசு தனது அழுத்தத்தை எதார்த்தமாக தரவேண்டும்! பிள்ளையையும் கிள்ளி விடுவது தொட்டிலையும் ஆட்டிவிடுவது என்ற இரண்டை நிலையை எடுக்காமல் இருப்பதே, தமிழக தீர்மாணத்திற்கு தரும் மரியாதை ஆகும்!

இன்று 16.9.15 PTTV நேர்படபேசுக்கு

----\\\\\

நேர்மை..! திறமை..!

நேர்மையற்ற, திறமையற்ற அதிகாரிகளை இடம் மாற்றம் செய்ய அதிகாரம் படைத்த அமைச்சர்கள், பிரதமர் ஆகியோரை யார் இடமாற்றம் செய்வது? 

இவர்கள்  நேர்மையாக, திறமையாக செயல்பட்டாலே போதும், அதிகாரிகளுக்கு நேர்மையும், திறமையும் தானாக வந்துவிடும்! 

60 வருடம் வரை அரசாங்க ஊழியராக இருப்பவரை, 5 ஆண்டு ஆட்சி அதிகாரத்தில் அமர்ந்த முதலாளித்துவ அரசியல்வாதிகள், அடுத்த 5 ஆண்டு மீண்டும் ஆட்சிக்கு வந்திடும் உத்தரவாதம் இல்லாத நிலையில்... 

கிடைந்த 5 வருடத்தில் எவ்வளவு முடியுமோ அவ்வளவு சுருட்டிவிட வேண்டும் என்று அலையும் அந்த அமைச்சர், பிரதமர் ஆகியோரின் நேர்மையற்ற, திறமையற்ற நிர்வாகமே அரசு ஊழியர்கள் பலரை நேர்மையற்றவர்களாக, திறமைற்றவர்களாக ஆக்கிவிடுகிறது! 

இவர்கள்  (அரசியல்வாதிகள்) திருந்த வேண்டும்; அல்லது மக்கள் அவர்களை திருத்த வேண்டும்; 

நேர்மையான, திறமையானவர்களை (இடதுசாரிகளை) தேர்வு செய்ய வேண்டும்! 

அதை விடுத்து தலையணையை மாற்றினால், தலைவலி விட்டுவிடும் என்பதுபோல் இருக்கிறது அதிகாரிகளை இடம் மாற்றுவதும், நீக்குவதும்! 

அதுமட்டுமல்ல, இட ஒதுக்கீட்டால் வந்தவர்கள்தான் அவ்வாறு இருக்கிறார்கள் அதை எடுத்து விடுவோம் என்பதற்கான சதியும் இதில் ஒளிந்திருக்கிறது! இதுமாதிரி பந்தாடுவதற்கு ஜனநாயகத்தில் இடமில்லை; இது ஒரு சர்வாதிகாரத்தின் வெளிப்பாடு! 

மதவாத பாஜக ஆட்சியில் இதைத்தவிர வேறெதை அதாவது சனநாயகத்தையா எதிர்பார்க்க முடியும்? 

இன்று 17.9.15 PTTV மக்கள் மேடையில் இதன் ஒருபகுதி தற்போது பதிவேற்றம் செய்யப்பட்டுள்ளது.

-----\\\\

திமுக, அதிமுக வுக்கு சரியான மாற்று!

திமுக கூட்டணியை என்னை தவிர வேறு யாராலும் உடைக்க முடியாது; கூடாது என்கிறார் கருணாநிதி! 

ஆம்! இன்றைக்கும் அவருக்கு இருக்கும் முதல்வர் ஆசையும், கூட்டணி ஆட்சிக்கு இடமில்லை என்கிற இறுமாப்பும்தான் கூட்டணி உடைப்புக்குக் காரணம்!  

அல்லது அதிமுக, திமுக இடையே இருக்கும் ரகசிய எழுதப்படாத உடன்பாடு! அதாவது தமிழக ஆட்சிக்கட்டிலில் நம் இரு கட்சிகள் (திமுக, அதிமுக) அமர வேண்டும்; மற்ற கட்சிகள் அக்கட்டிலைச் சுமக்க வேண்டும் என்பதே அது! 

மக்கள் நலக்கூட்டியக்கம் நிச்சயம் விரிவுபடும்; அதுவே எதிர்கால தமிழகத்தின் நிழற்படம்; மக்களின் நிழற்கூடம்! இதை யாராலும் தடுக்க முடியாது என்பது மட்டுமல்ல, இதுதான் திமுக, அதிமுக வுக்கு சரியான மாற்று!

இன்று 17.9.15 PTTV நேர்படபேசுவில் இதன் ஒருபகுதி பதிவேற்றம் செய்யப்பட்டுள்ளது தற்போது

-----\\\\

திமுகவின் தந்திரமல்ல; தரித்திரமிது!

மடைமாறுமல்ல; பச்சோந்தியாக மாறும் சில மதிமுக நிர்வாகிகள் என்பதே சரி! 

அடுத்து... திமுகவின் தந்திரமல்ல; தரித்திரமிது! பல்லைக்குத்தி ரத்தம் குடிக்கும் சதி! 

உண்மையிலேயே திமுக தந்திரம் என்றால், அது உடைக்க வேண்டியது அதிமுகவைதான்! அதற்கு யோக்கியதை இல்லை! 

மதிமுக அப்படியே திமுகவில் கரைந்தாலும் திமுக பாடு இந்த தேர்தலில்... "டன்டனக்கா... டன்டனக்காத்தான்!"

இன்று 18.9.15 PTTV மக்கள் மேடைக்கு!

----\\\\\

அரசாங்க பணிதான்! மதவாதிகளின் பணியல்ல! 

இறைச்சிக்குத் தடைவிதிக்க மறுத்துவிட்ட உயர்நீதிமன்ற உத்திரவு சரியானது! வரவேற்கத்தக்கது! 

நீதிமன்றத்தின் மாண்பு இன்னும் சாகவில்லை என்பதே இத்தீர்ப்பு! 

இன்று இறைச்சியைத் தொடர்ந்து, இறைவனுக்கு இசையமைத்த விவகாரம் வந்துவிட்டது! 

மதவாதிகள் மக்களை மதம் சார்ந்த சிக்கலில் சிக்கவைப்பதே அவர்களின் தலையாயப்பணியாக கொண்டுள்ளார்கள்; 

இவர்களுக்கு கார்ப்பரேட் சுரண்டல்களை பற்றி கவலையில்லை போலும்!உணவைத் தீர்மாணிப்பது அரசாங்கத்தின் பணிதான்! இது மதவாதிகளின் பணியல்ல! 

இந்த நாடு மதசார்ப்பற்ற ஜனநாயக குடியரசு; ஜீவகாருண்யம் பேசுவதற்கு மதவாத அரசல்ல! 

ஓ..! இதற்குதான் முதல் குடியரசுதின விளம்பரத்தில்  "மதசார்பற்ற, சோசலிச ஜனநாயகக் குடியரசு" என்ற வார்த்தைகள் விட்டுவிட்டதோ மோடி அரசு?!

இன்று 18.9.15 PTTV நேர்பட பேசுவில் இதன் ஒருபகுதி பதிவேற்றம் செய்யப்பட்டுள்ளது.

----\\\\

டுவிட்டர் நாயகனின் டூவீலர்..!

டுவிட்டர் நாயகனின் டூவீலர் வழங்கல்! 

ராமர்ஜென்ம பூமியில் இன்னும் சைக்கிள் ரிக் ஷா ஓட்டும் தரித்திர ராமர்கள்! காங்கிரஸ் மீது மட்டும் பழிப்போட்டு தப்பிக்க முடியாது டுவிட்டர் நாயகரே! 

உங்க கட்சியும்தான் உபி ஐ ஆண்டது!

-----\\\\