" 'தற்கொலை'யில் நில அபகரிப்பு சட்டமா?

அல்லது  மீண்டும் மூர்க்கத்துடன் வருமா?"

இன்று 31.8.15 PTTV புதுப்புது அர்த்தங்கள் நிகழ்ச்சியின் சுருக்கம் காலை 9 மணிக்கு பார்க்க நேர்ந்தது. மீண்டும் நெறியாளர் ஜென்ராம்... இவருடன் பத்திரிக்கையார்கள் மணி, சுந்தர் ஆகியோர்...

"நில அபகரிப்பு சட்டம் திரும்ப பெறப் பட்டது; பட்டேல் சாதி எழுச்சி!" ஆகியவையே விவாதம்... ஜென்ராம் வழக்கம்போல் சூப்பராக கிடுக்கிப்பிடி போட்டு, விவாதத்தைச் சூடாக்கினார்.

விவசாயிகள் நலனுக்கு என்றுகூறிய அச்சட்டம் வாபஸ்கூட பெறாமல் தானாக "தற்கொலை" போட விட்டது ஏன்? என்றதற்கு... பத்திரிக்கையாளர்கள் மணியும், சுந்தரும் இரு கோணத்தில் அம்பலப்படுத்தி, ஜென்ராம் விவாதத்திற்கு "ருசி"யை கூட்டியதுதான் திருப்பம்.

"நான்காவது முறையாக அவசரச் சட்டத்திற்கு குடியரசு தலைவர் 'ரப்பர் ஸ்டாம்ப்' குத்த மறுக்கக்கூடும்; பிகார் தேர்தல்; மக்களவையில்தற்போது பெரும்பான்மை பெறுவது எளிதல்ல என்று உணர்ந்ததால், தற்காலிகமாக பின் வாங்குகிறார்கள்; 'புலி பதுங்குவது பாய்ந்திடவே..! பயந்தல்ல; இவர்கள் ஒன்றும் ஜனநாயக வாதிகள் அல்ல; அவசரச்சட்டம் என்பதே ஜனநாயக விரோதச்செயல்" என்ற அர்த்தத்தில் மணியார் பெரும்போடு போட்டது 'நச்!'

"9 'முக்கிய' அம்சத்தில் 8 'முக்கிய' அம்சங்களைத் திரும்ப பெற்ற நிலையில், பல்லு புடுங்கிய பாம்பு இருந்தால் என்ன..! இல்லாவிட்டால் என்ன..! என்றும், இந்த நிலையில் அது நிறைவேறினால்.. அது காங்கிரஸ், இடதுசாரிகளுக்கும், எதிர்கட்சிகளுக்கும்தான் ஆதாயம் என்றும் 'விளங்கி' கொண்டதால், அதை 'விலக்கி'க் கொண்டார்கள்!" என்று மணி  ஒரு பெரும்போடுப்போட்டார்!

சுந்தர் கூற்று விசித்திரமாக இருந்தது; அதாவது... "விவசாயிகள், மக்கள் எதிர்ப்புக்கு செவிசாய்த்து விட்டுவிட்டாராம் மோடி!" (சுந்தரின் விவாதம் திருத்தம் இல்லாத மோடி அரசு முன் மொழிந்தச் சட்டத்திற்கு ஆதரவு மாதிரி இருந்தது)

கடைசிவரை "விவசாயிகள் நலனுக்கு இந்த சட்டமின்னு 18 மாதமாக மூச்சுமுட்ட பேசிவிட்டு, தற்பொழுது இந்த சட்டத்தைத் "தற்கொலை" க்கு விட்டுவிட்டது.."விவசாயிகளுக்கு விரோதம் அல்லவா?" என்ற கேள்விக்கு 'பதில்' கிடைக்கவே இல்லை; ஆனால், "சட்டத்தைத் திருத்தம் செய்து, நீர்த்து போக செய்தது பன்னாட்டு முதலாளிகளுக்குப் பிடிக்கவில்லை" என்பதை சூசகமாக சொன்னார் சுந்தர் அவரையும் அறியாமலே!

பட்டேல் சாதி போராட்டத்தின்மூலம் தனது 'தாக்கத்தை' அல்லது 'தூக்கத்தை'க் கெடுத்தது யார்என்று மோடி கண்டுபிடித்து விட்டதாக 'முடிச்சை அவிழ்காமல் 'அவில்' கொடுத்து, 'மில்லச்சொல்லி' முடிந்தது நிகழ்ச்சி! தோழர் ஜென்ராமை மீண்டும் நிகழ்ச்சியில் பார்த்ததில் மகிழ்ச்சி!

நல்ல தலைப்பு! அர்த்தமுள்ள விவாதம்!

நல்ல தலைப்பு! அர்த்தமுள்ள விவாதம்! 

அதிமுக, திமுக வுக்கு மாற்று அணியாக கம்யூனிஸ்ட்கள், விடுதலை சிறுத்தைகள், மதிமுக, மனித நேய மக்கள் கட்சி உருவாக்கி உள்ள "மக்கள் நலன் காக்கும் கூட்டியக்கம்" உறுதியாக பரிணமிக்கும்! 

இது காலத்தின் தேவையும், கட்டாயமும் ஆகும்! நிச்சயம் தமிழக மக்கள் ஆதரிப்பார்கள்! 

மற்ற மற்ற ஜனநாயக  மதசார்பற்ற சமூகநீதிக்கும், சமத்துவத்திற்கும் குரல் கொடுக்கும் கட்சிகளும், அமைப்புகளும், சிறு சிறு குழுக்களும்,  இது சார்ந்த அறிவார்ந்த பெருமக்களும் இதற்குள் இடம் பெற வேண்டும்! 

மக்கள் எப்பொழுதும் மாற்றத்தை விரும்பக்கூடியவர்களே! 

இதற்கு புதிய தலைமுறை போன்ற காட்சி மற்றும் அச்சு ஊடகங்களும் ஆதரித்திடல் அவசியமே!

இன்று 28.8.15 PTTV நேர்படபேசுவில் இதன் ஒருபகுதி பதிவேற்றம் செய்யப்பட்டுள்ளது. நன்றி.

===\\\\

இட ஒதுக்கீடு அவசியம்!

எல்லாருக்கும் (எல்லா ஜாதிக்கும்) எல்லா தேவைகளும் பூர்த்திச் செய்யப்படுவது உறுதிப்படுத்தப்படும் வரை (சட்டரீதியாக) ... இட ஒதுக்கீடு அவசியம்!

குறிப்பாக அடுக்கப்பட்ட மூட்டைகளில் அடிமூட்டைகளாக கிடக்கும் பழங்குடி மற்றும் தாழ்ப்பட்ட, பிற்படுத்தப்பட்ட மக்களுக்கு (ஜாதிக்கு) இட ஒதுக்கீடு என்பது அவசியம் தேவையே! 

இதற்கு எதிரான போராட்டத்தை ஒருபோதும் ஏற்க இயலாது! 

இந்த ஜாதி அடித்தளத்திற்கு ஆதாரமாக இருக்கும் ...

"இந்துத்வா" தகர்க்கப்படும் நாளும், பொருளாதார சுரண்டல் ஒழிக்கப்படும் நாளும் "ஒரு புள்ளி"யில் இணைந்து, வெடிக்கும் சமூக புரட்சியே (மக்கள் ஜனநாயக  புரட்சியே) இதற்கான நிரந்தரத்தீர்வு!

இன்று  27.8.15 PTTV மக்கள் மேடைக்கு..!

====\\\\

சிரிப்பதா? சீறிப்பாய்வதா?

குமாரசாமி தீர்ப்புக்கு பிறகு தமிழக மக்கள் நீதிமன்றத்தின் மீது வைத்திருந்த நம்பிக்கையை இழந்து வருகின்றனர். 

காங்கிரஸ் அலுவலகத்தில் எப்பவோ நடந்த ஒன்றுக்கு, இப்பொழுது கொடுத்த ஒரு புகார்மீது இவ்வளவு வேகத்தில் நீதிமன்றம் செயல்படுவது குறித்து சிரிப்பதா? சீறிப்பாய்வதா? என்று தெரியவில்லை! 

ஆனால் ஒன்று தெரிகிறது இதில் ஆளும் கட்சியின் "கை" 'கை' கட்சிக்கு எதிராக இருப்பது! எல்லாம் அரசியல் மயம்! 

நான் அடிப்போல் அடிக்கிறேன் நீ அழுவதுபோல் அழு என்கிற மாதிரிதான் அம்மா உத்தரவு இருக்கிறது! 

இதை சட்டசபை கூட்டத்தொடர் முடியும்வரை அதிமுக தலைமைவிடாது; ஊதிக் கொண்டேதான் இருக்கும்! காங்கிரஸ்க்கும் தினம், தினம் மீடியா கவரேஜ் கிடைத்துக்கொண்டே இருக்கும் அல்லவா? 

அகிலமே போற்றிடும் வகையில், இடதுசாரிகள் உள்ளிட்டு தேசபக்த சக்திகள் செப்டம்பர் 02ல் மத்திய, மாநில அரசுகளின் மக்கள் விரோதச் செயல்பாட்டை மாற்றிக்கொண்டு, 15 கோரிக்கைகள் அமலாக்கக் கோரும் அகில இந்திய வேலைநிறுத்தம்... 

சுமார் 20 கோடி தொழிலாளர்கள் பங்கேற்கும் உழைக்கும் மக்கள் போராட்டம்... 

அதன் வீச்சு மக்களை சென்றடையக் கூடாது என்பதில், ஆளும் வர்க்கம் தமிழகத்தில் கையாளும் சூழ்ச்சியின் ஒரு சூது தான், இந்த உப்பு, சப்பற்ற அதிமுக காங்கிரஸ் நடத்தும் இந்த கூத்து!

இன்று 27.8.15 PTTV நேர்படபேசுக்கு..!

அங்கே காவிபடை..!

இங்கே மஞ்சள்படை..!

,,,,?????,,,,  !!!!! ,,,,, ?????? ,,,, 

காங்கிரஸ்க்கும், பிஜேபிக்கும் மதம் சார்ந்த பிரச்சனையில் என்ன பெரிய வித்தியாசம் இருக்கிறது? நரசிம்மராவ் காலத்திற்கு பிறகு! அவர்தானே பாபர் மசூதியை இடிக்கச் சொல்லி பிரதமராக இருந்து வேடிக்கைப் பார்த்தார்! 

திராவிட கட்சிகள் தமிழகத்தில் சாதி பிரச்சனையில் (தலித் தலித் அல்லாதவர்) ஊசலாடுவதைப்போல் மதம்சார்ந்த பிரச்சனையில் அன்று முதல் இன்றுவரை ஆடிக்கொண்டுதான் இருக்கிறது! என்னா... பிஜேபி மாதிரி ரக்கைக்கட்டிக் கொண்டு ஆடுவதில்லை! அவ்வளவுதான்! 

பிரபல தமிழ் ஊடகங்கள் இந்த வெறியாட்டத்தை பகுரஞ்தள் (ஆர்எஸ்எஸ் ன் குரங்குபடை இது) என்றுகூட சொல்ல தயாராக இல்லையே!  இங்கே ஒரு சேசசமுத்திரம்... கோகுள்ராஜ்... இளவரசன்... அங்கே ஒரு மங்களூரு...! வேறென்ன சொல்ல..? 

====\\\\

பனமரத்துல புல்லு புடுங்கிகிட்டு இருகிறோம்..! 

பனமரத்துல புல்லு புடுங்கிகிட்டு இருகிறோம்..! 

தெரியல..! 

கோகுல்ராஜ் கொலையாளி யுவராஜை புடிக்க சொல்லாதவங்க..! இளவரசன் கொலையைக் கண்டிக்காதவங்க..! எழுத்தாளர் பெருமாள்முருகன கொன்றவங்க..! 

இப்பிடி பட்டவங்க இவங்க..! சேசசமுத்திரம் பிளான் போட்டு கொடுத்தவங்களே இவங்கத்தான்... எல்லாம் மநுதர்ம மர்மந்தான்! வேறென்ன? 

இவர்கள் (ஆர்எஸ்எஸ் ன் குரங்குப்படை, பஜ்ரங்தள்) மங்களூரில் இந்து பெண்ணை முஸ்லீம் பையன் காதலித்ததால், கட்டிப்போட்டு உதைக்கிறார்கள்! அங்கே காவிப்படை! இங்கே மஞ்சள்படை!

இதற்கெல்லாம் சாவுமணி அடிக்கும் காலம் விரைவில் வரத்தான் போகுது!

===\\\

முதல்வரின் மகாராணி தோரணை..!

தற்போது தமிழக சட்டசபை கூச்சல், குழப்பத்திற்கு மூவர் பொறுப்பு! 

மறைந்த முன்னாள் முதல் அமைச்சர் எம்ஜிஆர்...  ஓய்வு பெற்ற கர்னாடக உயர்நீதி மன்ற நி(நீ)திபதி குமாரசாமி... 

மதுஒழிப்பு போராளி சசிபெருமாள்... ஆகியோரே ஆவர். 

இன்றைய முதல்வரின் மகாராணி தோரணை அதைத்தான் வெளிப்படுத்துகிறது!   

அப்படி இல்லை என்றால், இரங்கல் கூட்டத்தையே இந்திரலோக கூட்டமாக நடத்த அனுமதிப்பாரா? 

இப்படிப்பட்டவரை தமிழக அரசியல் அறிமுகம் செய்த எம்ஜிஆர்... இதற்கு பொறுப்பு இல்லையா? 

ஓட்டை கால்குலேட்டரை வைத்து, விடுதலை செய்த குமாரசாமி பொறுப்பு இல்லையா? 

தமிழக அரசையே தன் இறப்பால், கதி கலங்க வைத்த சசிபெருமாளும் பொறுப்பு! 

அதாவது தான் (முதல் அமைச்சர்) எள்ளளவும் பின்வாங்க விரும்பாத மதுவிலக்கு பிரச்சனையில்... 

இனி..! 

ஏதாவது பின் வாங்க நேர்ந்தால், அதற்கு சசிபெருமாள் சாவும், அதனால் தமிழகம் எழுந்ததும், அதனால் தமிழக அரசுக்கு ஏற்பட்ட நோவுமே கூச்சலுக்கும் குழப்பத்திற்கும் காரணம்!

இன்று 25.8.15 PTTV மக்கள் மேடைக்கு..!

,,,,,    ,,,,,,

110 விதியின் கீழ் 1110 அறிவிப்புகள்கூட வரும்! இதில்  ஆச்சரியப்படுவதற்கு ஒன்றுமில்லை! 

எதிர்கட்சிகள் வெளிநடப்புக்கு 110கீழ் விதி உருவாக்கிக் கொடுத்தால், இன்னும் சந்தோசப்படுவார் முதல்வர்! 

பலதடவை சொல்லியாகிவிட்டது..."110 மூலம் 111" மட்டுமே கிடைக்கும் மக்களுக்கு  என்று! அதுதான் நடந்து வருகிறது!  

இன்று 25.8.15 PTTV நேர்பட பேசுக்கு!

தொலைக்காட்சி வரலாற்றில... 

தனிமுத்திரை பதித்து வருகிறீர்! வாழ்த்துக்கள்!

PTTV 5ஆம் ஆண்டில் அடியெடுத்து வைப்பதில் ஆனந்தம்! அடியேனின் வாழ்த்துக்கள்! தொலைக்காட்சி வரலாற்றில் தனிமுத்திரை பதித்து வருகிறீர்!

நான் தற்செயலாக 2

நாட்களுக்கு முன் தோழர் ஜென்ராம் அவர்களுக்கு அனுப்பிய குறிப்பு இன்று 5 ஆம் ஆண்டு கொண்டாடும் வேளையில் சற்றே பொருந்தும் வண்ணம் இருக்கிறது அதுவருமாறு:

தோழரே, வணக்கம் ! 

இன்று 22.08.15 காலை தங்களோடு உரையாட நினைத்தேன். முடியவில்லை. கொஞ்சம் காலமாக தங்களை காணமுடியவில்லை. நலமா இருக்கிறீர்களா? நலம் அறிய விழைகிறேன். மீண்டும் தங்களை சின்னத்திரையில், வண்ணவண்ண வலுவான, மிக ஆழமான, நேர்த்தியான நேர்கனலை காண ஆவலாக இருக்கிறேன். அது நடக்குமா? தெரியவில்லை!

அடுத்து, தாங்கள் அருமையான வாரிகளை அல்லது திறமைச்சாலிகளை அடையாளம் காட்டியிருக்கிறீர்! சம்பளத்திற்காக அவர்கள் பணியிருந்தாலும்... தமிழ் தொலைக்காட்சி களை இடதுசாரி பாதையில் சற்றே நகர்த்திய பெருமை தங்களுக்கும், புதிய  தலைமுறை தொலைக்காட்சிக்கும் வரலாற்றில் என்றென்றும் இருக்கும்.

தற்போது வரும் நெறியாளர்கள் குணா, செம்மல், கார்த்திகேயன், வேங்கடபிகாஷ், சண்முகசுந்தரம் (இவர்கள் திரையில் இருப்வர்கள்) உள்ளிட்டு திரையின் உள் இருப்போர் என பட்டியல் நீளக்கூடும்! அனைத்து தளங்களிலும் டிவியின் பங்களிப்பு அருமை! அபாரம்! காலையிலே கார்த்திகேயனின் "கீர்த்தி" டாப்! நன்றாக வருவார்! தாங்கள்கூட சில நேரங்களில் வேகப்பட்டு விடுவீர்! ஆனால் கார்த்தி மிக நேர்த்தி! 

நான் மேலே குறிப்பிட்டுள்ளவர்கள் ஒவ்வொருவரும் ஒரே மொழிநடையில் ஒளிரும் மினிமினிகள்! என்னா....சில அதிமுக, திமுக, காங்கிரஸ்  கார்கள் போடும் காட்டுக்கூச்சல்... காதை அடைத்தால் பரவாயில்லை; டிவியை அடைக்க வைத்துவிடுகிறது!

எது எப்படியோ மகிழ்ச்சி; நன்றி! மீண்டும் தங்கள் உடல் நலம் அறிய விரும்பும் ஒரு அன்பன்... தாரைபிதா என்கிற பி.தங்கவேலு., சேலம்.

[8/22/2015, 18:37] Janram: உங்கள் அன்பான வார்த்தைகளுக்கு நன்றி. விடுப்பில் இருக்கிறேன். உடல்நலம் தேறி வருகிறது.

[8/22/2015, 18:52] +91 94865 96641: மகிழ்ச்சி ..!

===\

150ஐ தாண்டி... 

1500ஐ தாண்டி...

15,000ஐ தாண்டி... 

தாண்டித் தாண்டி... 

உழைப்பாளி மக்களின் வாழ்வில் ஒளியேற்றும் சேவையை இன்று போல் என்றும் செய்திட மனமார்ந்த வாழ்த்து!

இன்று 24.8.15 PTTV மக்கள் மேடையில் இதன் ஒருபகுதி பதிவேற்றம் செய்யப்பட்டுள்ளது

===\\\

இரண்டும் (ஆக்கபூர்வ முடிவு வருவதும், அமைதியாக நடப்பதும்) நிச்சயம் நடக்கப்போவதில்லை! 

அப்படி நடக்க வேண்டுமென்றால் குதிரைக்குக் கொம்பு முளைக்க வேண்டும்! 

110 ம் 111 ம் (பட்டை நாமம் மக்களுக்கு) இரண்டும் உறுதியாக நடக்கும்! வேறு அதிசயம் ஒன்றும் நடக்காது! 

அப்படி  நடந்தால் (மதுவிலக்கு அமல்; 110 பயன்படுத்தாமை) ஆனந்தமே!

இன்று 24.8.15 PTTV நேர்பட பேசுவில் இதன் ஒருபகுதி பதிவேற்றம் செய்யப்பட்டுள்ளது; 

சிபிஐஎம் சார்பில் தோழர் கே.தங்கவேல் எம்எல்ஏ விவாதத்தில்... 

ஆனால் செகு.தமிழரசன் ஆக்கிரமிப்பில் தான் போய்கொண்டிருக்கிறது; அதிமுக ஜால்ரா சத்தமே அதிகம்!

===\\

தெரியாது ..!

?????!!!!!!????

கட்சிதான் முடிவு செய்யும்... எங்கிட்ட வார்த்தைய புடுங்க பாக்கிறீங்க...

சரிங்க... மதுவிலக்கு பற்றி...

மது ஆகாதுங்க... ஒழிக்கணுக்கும்... அது எங்க  கொள்கைங்க...!

மதுவ அமலாக்கும் அதிமுகவோடு கூட்டணி வப்பீங்களா..?

தெரியாது ..! கட்சிதான் முடிவு செய்யும்..!

எப்ப..?

ஜனவரியில..!

தேர்தல் டிசம்பர்ல வந்தா..?

நவம்பர்ல..!

இந்த தேர்தல எந்த கட்சிய எதிர்ப்பீங்க..? 

பிஜேபி மதவாத கட்சி..? மதவாதம் எதிர்ப்பு எங்க கொள்கை..!

அப்பிடீன்னா... பிஜேபிய தேர்தல எதுப்பீங்களா..?

தெரியாது..! கட்சிதான் முடிவு பண்ணனும்..! எங்களுக்கு எல்லாரும் வேணும்..! எல்லா கட்சியும் வேணும்..! 

இந்த நேர்காணல் யாரு? எங்கே? என்பது புரிகிறதா? 

நேற்று 22.08.15 PTTV...  

'அக்னி பரிட்சை' யில் தமாக துணைத்தலைவர் ஞானசேகரன் அவர்கள் கூறியது... 

நெறியாளர் வேங்கடபிரகாஷ் அசந்தது போன மாதிரி... 

நான் மட்டும் அல்ல, இதை பார்த்த அத்தனை பேர்களும் அசந்துப்போய் இருப்பார்கள் என்றே நினைக்கிறேன் !

இப்படி... ஏராளம் 'தெரியாதுகள்!'... 

ஏராளம் 'கட்சி முடிவு செய்யும்ங்கள்'...

எல்லா கதவுகளும் திறந்து விடப்பட்டுள்ளது...! 

தாமக..!

===\\\

கம்யூனிஸ்ட்களைத்தான் அரசு சேதாரப்படுத்தும்!

போராட்டங்கள் மீது பொது சொத்து சேதாரம் தமிழகம் முதலிடம் என்றால்... யாருடைய போராட்டத்தில் என்றும் பார்க்க வேண்டும்! அனேகமாக ஜெயலலிதா சிறைப்பட்ட போது இருக்கும்!

ஆளும் கட்சிகள் போராடும்போது, "ஆட்சி நமது; நம்மை யாரும் எதுவும் செய்ய முடியாது!" என்ற இறுமாப்பில் அதிக சேதாரம் வர வாய்ப்பு உண்டு!

கம்யூனிஸ்ட்கள் போராடும்போது பொதுச்சொத்துக்கு சிறுதுளி அளவுகூட சேதாரம் இருக்காது! மாறாக கம்யூனிஸ்ட்களைத்தான் அரசு சேதாரப்படுத்தும்! இதுதான் தமிழகம் கண்டது!

இன்று 20.8.15 PTTV மக்கள் மேடைக்கு..!

குறிப்பு: வாச்சாத்தியில் பழங்குடி மக்கள் சூரையாடியதை எதிர்த்து 18 ஆண்டுகள் போராடியது கம்யூனிஸ்ட்கள் என்று ஒரு நேயர் சூப்பராக பதிவு செய்தார்! அவருக்கு பாராட்டு!

நிகழ்ச்சியாளர் கார்த்திகேயன் எல்லாக் கட்சிகளையும் சொல்லவில்லையே என்றார்! ஆனால் அந்த கருத்தையே நானும் பதிவு செய்தேன்!

ஆனால் அது பதிவேற்றம் செய்யப்படவில்லையே! ஏன்?

----\\

இது அங்கிருந்து வந்த, வருகிற குரலும்கூட..!

இலங்கை தேர்தல் முடிவால், கடந்த ஜனாதிபதி தேர்தலுக்குப் பின்னால், இந்த இடைப்பட்டக் காலத்தில் என்ன நடந்ததோ... அதுதான் இனியும் நடக்கும்! எந்த மாறுதலும் நடந்துவிட போவதில்லை! கொஞ்சம் "மூச்சு" விட நேரம் கிடைத்திருக்கு!

தமிழக அரசியல் கட்சிகள் (கம்யூனிஸ்ட்களைத் தவிர) தங்களின் நலனுக்கு, இலங்கை தமிழர் நலனை "பணையம்" வைக்காமல் இருந்தால் போதும்! அது தமிழ் தீவிரவாதக் குழுக்களும்தான்! அவர்கள் வாழ்வை அவர்கள் அமைத்துக் கொள்வார்கள்!

இது அங்கிருந்து வந்த, வருகிற குரலும்கூட..!

இன்று 20.8.15 தற்போது PTTV நேர்பட பேசுவில் பதிவேற்றம் செய்யப்பட்டு உள்ளது! நன்றி!

குறிப்பு: கொழும்புவில் இருந்து நேரலையில் பேசிய அங்குள்ள பத்திரிக்கையாளர் திரு நில்சன் என்பவர்... 

"ஈழம் என்பதை விடுத்து, வடக்கு, கிழக்கு மாகாணச்சபை" என்பதை இங்குள்ளவர்கள் (இந்தியாவில், தமிழகத்தில்) மற்றும் புலம் பெயர்ந்தவர்கள்" வலியுறுத்தினாலே போதும்!" என்றது எவ்வளவு அனுபவ பூர்வமானது; ஆக்கபூர்வமானது! 

இதைத்தான் அன்று முதல் (1983 ) சிபிஐஎம் வலியுறுத்தி வருகிறதல்லவா?

----\\

சாதியை அரசியல் களத்திற்கு கடத்தியது பாமக..!

மிகச்சரியான தீர்ப்பு! ஆம்! அரசியல் களங்களாக சமீப காலங்களில் மாறி வருகின்றன. 

அதுவும் சாதீயம் (மருத்துவர் ராமதாஸ் சார்ந்த) அமைப்புகள் தலைதூக்கியப்பின்தான் 'அரசியல்  களமாகுவது' அதிகமாகிவிட்டது! 

சமீபத்தில் சேலம் திருமலைகிரி பெருமாள் கோவில் கும்பாவிஷேசம் நடைபெறாமல் கடந்த அய்ந்தாறு மாதமாக இழுத்துக்கொண்டு, 144 தடைஉத்தரவு நீடித்துக்கொண்டே  அனுமான் வால்போல் நீண்டுக்கொண்டே போய் கொண்டிருக்கிறது! 

இந்த கோவில் பிரச்சனையை அரசியல் களத்திற்கு கடத்திச் சென்றது சாட்சாத் பாமக.

இதன் ஒருபகுதி தற்போது இன்று 21.8.15 PTTV மக்கள் மேடையில் பதிவேற்றம் செய்யப்பட்டுள்ளது. நன்றி! 

தோழர் அருணன், "நடராசன் காலம் தொட்டு ஆயிரம் ஆண்டுகளாக தொடருவது கவலையானது! கொடுமையானது!" என்று துவக்கி வைத்தார்.

-----\\\\

கிராமபுற மக்களுக்கு கல்வி எட்டாக்கனியாகிவிடும்!

எட்டாம் வகுப்புக்கு பரிட்சை என்பது நிச்சயமாக கிராமபுற மக்களுக்கு கல்வி எட்டாக்கனியாகிவிடும் என்பதில் இருகருத்துக்கு இடமில்லை! 

பாஜக அரசின் பாசிச தன்மை, கல்வியை காவிமயமாக்கும் தன்மையை இதிலிருந்து தெளிவாக காணமுடிகிறது! தற்போதைய உத்தேச மாற்றம் கல்வியை நிச்சயம் காவிமயம் ஆக்கும் என்பது திண்ணம்!

இன்று21.08.15 இதன் ஒருபகுதிPTTV நேர்பட பேசுவில் பதிவேற்றம் செய்யப்பட்டுள்ளது.

இந்நிகழ்ச்சி குறித்து உடன் கருத்து அனுப்பியது...

இன்று  நல்ல பயனுள்ள விவாதம்! கல்விதான் கண்! அது கடை சரக்காக்கும் இந்த வியாபாரியிடம்  (பெயர் மறந்துவிட்டது) இருந்தது.

 ஆதி, பிரின்ஸ் சிறப்பு சேர்த்தனர்! நன்றி!

---\\\

என்னங்க கலைஞர் அவர்களே!

உள்நோக்கம் இருக்கிறதோ, இல்லையோ... திரு ராஜா வருமானத்திற்கு உள்பட்டுத்தான் சொத்து சேர்த்து வைத்துள்ளாரா? லஞ்சம்-ஊழலில் சொத்து சேர்க்கவே இல்லையா? அப்புறம் எதற்கு அமைச்சர் பதவி போனது; ஜெயிலில் அடைக்கப்பட்டது? 

தற்போது தேர்தல் காலம் என்பதால் திமுக தரப்பில் "சத்தம்" ஓங்கி ஒலிக்கிறது! எதாவது இதில் ஆதாயம் தேட முடியுமா என்று ஒரு முயற்சி திமுக தரப்பில் தெரிகிறது! 

இவர் வருமானத்திற்குள் சொத்து சேர்த்தவர் அல்லர் என்பதை அகிலமே அறியும்! எனவே தேர்தல் காலமோ, சும்மா காலமோ சட்டம் தன் கடமையை செய்ய விடட்டும் திமுக!  

அதிமுகவுக்கு ஒரு நியாயம்; திமுகவுக்கு ஒரு நியாயமா?! என்னங்க கலைஞர் அவர்களே!

இன்று 22.08.15  PTTV நேர்பட பேசுக்கு..!

நானும் நீயும் ஒன்னு

யே பாய்..! 

உன்ன மாதிரி பணக்காரப் பாய்ங்க எங்க ஊருல வந்து பணத்த கொட்டு

அந்த பணத்துல 'மதம்கிதம்' எல்லாம் கெடையாது; தெரியுதா? 'இதம்' தான்! 

ஆனா பரதேசி பாய்ங்களத்தா எங்க ஊருல கூண்டோடு கொளுத்துவோம்! 

நீ தைரியமா வாய்யா... வா..! அட பயந்துக்காத வா..! சொன்னா கேளு..! 

நானும் நீயும் ஒன்னு; ஜனங்க வாய்ல மண்ணு..! சரியா? பாய்ய்ய்ய்ய்...!

===\

எரிகிற கொள்ளியில் எந்த கொள்ளி நல்லக்கொள்ளி

எரிகிற கொள்ளியில் எந்த கொள்ளி நல்லக்கொள்ளி என்றால் என்ன சொல்வது? 

ரணில் வெற்றி பெற்றாலும், பட்சே வெற்றி பெற்றாலும் இலங்கை தமிழர் இன்னல் ஒன்றும் தீரப்போவதில்லை! 

இனவெறி, மதவெறிக்கு முற்றுப்புள்ளி வைத்து, அனைத்து மக்களுக்கும் சமமான உரிமை, வாழ்க்கை உறுதிபடுத்த வேண்டுமானால் ... 

அதற்கு தீர்வு அனைத்து மக்களும் ஒருங்கிணைந்து "இடதுசாரி" பாதையே  தீர்வாக அமையும்! 

அதுதான் இலங்கைக்கும் பொருந்தும்! 

இத்தேர்தல் கண்துடைப்பே!

தற்போது இன்று 17.08.15 PTTV நேர்பட பேசுவில் பதிவேற்றம் செய்யப்பட்டு உள்ளது. நன்றி! 

====\

அரசியல் ஆதாயமுமே

இன்று நேற்றல்ல; அன்றும் சரி; இன்றும் சரி; தமிழகத்தில் தொடரும் கலவரத்திற்கு... 

குறிப்பாக தலித் மக்களுக்கு சரிநிகர் உரிமை வழங்காததற்கும், கலவரத்திற்கும் பிரதான காரணம் பாமகவின் சாதீய அரசியலும், தலித் மக்களுக்கு எதிரான அதன் நிலைபாடுகளும்தான்! 

அதோடு அதனால் அதுக்கு கிடைத்த அரசியல் ஆதாயமுமே அது சாதி கலவரத்தை தூண்டிடக் காரணம்! 

இதன் பரவல்தான் கொங்கு மண்டலத்திலும் விரவிகிடக்கிறது கோகுல்ராஜ் தண்டவாள கொலைகளாக! 

இன்று 17.8.15 PTTV மக்கள் மேடைக்கு..!

===\

கடைகோடி மனிதனும் உயர்கல்வி பெறுவான்!

அன்று ஒரு அலகாபாத் (இந்திராவிற்கு எதிரான தீர்ப்பு) இன்று ஒரு அலகாபாத் தீர்ப்பு! 

வரலாற்றில் இடம் பிடித்து விட்டது! மிக சரியான துல்லியமான தீர்ப்பு! 

அரசு ஊழியர் ஆசிரியர் இவர்களோடு அரசியல் வாதி (எல்லா கட்சிகளும்தான்) தங்களது பிள்ளைகளை அரசு பள்ளியில் படிக்க வைத்தால், தானாக அரசு கல்வி நிறுவனங்களின் தரம் உயரும் ! 

தனியார் கல்வி கொள்ளை ஒழியும்! கடைகோடி மனிதனும் உயர்கல்வி பெறுவான்! நாடும் உயரும்! 

இன்று 19.8.15 PTTV மக்கள் மேடைக்கு!

===\

மேடையில் அரசு ஊழியர் தரப்பில்... வாதிட்டவர், "அரசு ஊழியர்கள், சந்தர்ப்ப சூழ்நிலையால், தனியாரில் படிக்க வைக்கிறார்கள்; அதுவும் சிலர்! (ஆசிரியர்கள் உட்பட); அவர்கள் கடுமையாக கஷ்டப்படுகிறார்கள்; அவர்களை பாராட்டுங்கள்!" என்றார்.

கேள்வியை நேராக சந்திக்காமல், சுற்றிச்சுற்றி வந்து நழுவிவிட்டார் என்றே தோன்றுகிறது! 

"விதை நெல்லைச் சாப்பிடும் பணியை செய்து வருகிறார்கள்" என்பதை என்று புரிந்துக் கொள்வார்களோ தெரியவில்லை! தோழர் தமிழ்ச்செல்வியின் வாதம் வருத்தத்தையே எனக்கு தந்தது!

==\

தமிழகத்திற்கு பெரும் தலைகுனிவு! 

தேர்தலுக்கான ஒத்திகையோ இல்லையோ தமிழகத்திற்கு பெரும் தலைகுனிவு! 

இதனால் ஒன்றும் தேர்தலில் பலாபலன் மாறிவிடப்போவதில்லை! அவரவர் எல்லையை அவரவர் மீறாமல் கண்ணியம் காக்கக் வேண்டும்! ஆளும் கட்சியான அதிமுகவுக்கு இதில் கூடுதல் பொறுப்பு இருக்கிறது! 

"நாங்கள் (பிரதமர், முதல்வர்) அரசியல் நிலவரம் குறித்தோ, தமிழக அரசின் திட்டங்களுக்கு உதவி கேட்டோ, வரும் தேர்தலில் பிஜேபியோடு கூட்டணி வைத்தோ, வைக்காமலோ அல்லது தனித்தோ போட்டியிடுவோம்!" என்று அதிமுக தரப்பில் ஒரு அறிக்கை விட்டுவிட்டு பெருந்தன்மையாக போய் இருக்கலாம்! 

வெண்னை திரண்டு வரும் நேரத்தில் பானையை உடைத்த கதையாக காங்கிரஸ் காரியத்தைக் கெடுத்துவிட்டது என்றே தோன்றுகிறது! 

அதிமுக விரித்த வலையில் ஈவிகேஎஸ் விழுந்துவிட்டாரோ என நினைக்கும் அளவுக்கு அடுத்தடுத்து நடக்கும் நிகழ்ச்சி போக்குகள் உணர்த்துகிறது!  

ஆம்! மது ஒழிப்பு இயக்கம் வலுவிழந்து போய்விட்டது! இது அதிமுக வுக்குக் கிடைத்த "லட்டு கண்ணா... லட்டு!"

இன்று 19.8.15 PTTV நேர்பட பேசுவில் இதன் ஒரு பகுதி தற்போது பதிவேற்றம் செய்யப்பட்டுள்ளது!

===\

வணக்கம் 

இன்று 19.8.15 PTTV  நேர்படபேசு விவாதத்தை நாகரிகமாக கொண்டு போக நினைத்த தாங்கள் (குணா-நெறியாளர் ) பரிதாபமாக தோற்று போனீர்! 

இதை மிகுந்த வருத்தத்துடன் பதிவு செய்கிறேன்! 

திரு.வேலுசாமி எதுக்குத்தான் இத்தனை கூச்சலோ தெரிவில்லை; அப்படித்தான்  திரு மனுஷ் ம்! நிதானம் நித்தியானந்தனிடமும் இல்லை; காசிநாதப்பாரதியிடமும் இல்லை; மொத்தத்தில் நிகழ்ச்சி இப்படியே போனால்... இழப்பு எல்லோருக்கும்தான்! 

உணர்வார்களாக? இவர்கள்! பொன்னான நேரம் புண்ணாகுகிறது!

==\

மக்களை முட்டாளாக்கும் உரை! 

மோடியின் சுதந்திரத் தின உரை மக்களை முட்டாளாக்கும் உரை!

ஓராண்டு ஊழலற்ற ஆட்சி என்றால் லலித்மோடி உலகம் சுற்றுவதெப்படி!

அண்ட புளுகு... ஆகாசப்புளுகு... 

என்பது மறுவடிவமே.... 

மோடியின் சுதந்திரத்தின உரை!

மன்னிக்கனும்..! 

அது உரையல்ல; 

உதார் அல்லது உடாண்ஸ்!

இதன் ஒருபகுதி... 

இன்று 15.08.15 PTTV நேர்பட பேசுவில் பதிவேற்றம் செய்யப்பட்டுள்ளது. நன்றி!

----\

"இனிமே வெளிநாட்டுல இருந்துதான் 

சுதந்திரத்தின உரை..! 

ஜாதியம்,

வகுப்புவாதத்திற்கு இடமில்லை..! 

பிரதமர் நமோ உரை!

அட பாவமே! 

ஏறிய மரத்தையே எட்டி உதைக்கலாமா?

ஆர்எஸ்எஸ் முழுநேர ஊழியர் மோடி... 

ஆர்எஸ்எஸ் க்கு இடமில்லை என்கிறார்?!

என்னா தைரியம்?  

பட்டப்பகல்ல... 

முப்படைக்கும் முன்னால... 

கோடான கோடி மக்கள் பார்க்கிற ஊடகங்கள வச்சிக்கிட்டு... 

பேச்சறாரய்யா பேச்சு...

ஜாதியம், வகுப்புவாதத்திற்கு இடமில்லைன்னு..!

அப்பிடீன்னா...

ஆர்எஸ்எஸ் ஐ தடைப்பண்ணு பக்கலாம்... 

அவுங்கள புடுச்சி உள்ள போடு பாக்கலாம்... 

அப்பத்தான் நமோவே... 

நீர் சொன்னது நடக்கும்..!

அட பொதுஜனமே..!

உதாருப் பேச்சப்போய் இவ்வளவு சீரீஸ்ஸா எடுத்துகிட்டயே!

உன்ன நெனச்சா...

எனக்கு...! 

மன்னிக்கனும் உதார் அல்லது உடான்ஸ் ஆற்றலாமின்னு தோணுது!"

ஈஸ்வரனார் (ஜாதி)மது போதை'!

இன்று 10.8.15 PTTV புதுப்புது அர்த்தங்கள் நிகழ்ச்சியில் தோழர் அருணன், கொமக ஈஸ்வரன், நெறியாளர் கார்த்திகேயன்...!

ஜாதிய ஒடுக்குமுறை குறித்து பேசும் போது ஈஸ்வரனின் பேசு விசித்திரமாக இருந்தது!

அதாவது கிராமத்தில் சொல்வார்கள்... "அவருக்கு கவுடு, சூது தவிர கெட்ட எண்ணம் எதுவும் கிடையாது " என்று!

"ஜாதிவிட்டு ஜாதி மாறிடுன்னா பிரச்சாரம் செய்கிறோம் மதம் மாற கோருவதைப்போல" என்கிறார் !

ஏன் அப்படி கூட பிரச்சாரம் செய்யலாமே... நல்லாத்தானே இருக்குது! "தலித்துகள் எல்லாம் தலித் அல்லாத ஜாதியில் சேருங்கள்; நாம் எல்லாம் ஒன்றாக இருக்கலாம்; கொடுக்கலாம் ; எடுக்கலாம்; இல்லாமையை, ஏற்றத்தாழ்வை போக்கலாம்! " என்று பிரச்சாரம் செய்யலாமே!

தாழ்ந்த ஜாதி, உயர்ந்த ஜாதி என்று சொல்லவதே அவர் காதில் ஈட்டியாக பாய்கிறதாம்! அதை வன்மையாக கண்டிக்கிறாராம்!

அடே அப்பா..!

அதற்கு அருணன் சொன்னார், "தாழ்த்தப்பட்ட"ஜாதியின்னுத்தான் சொன்னேன் என்றார்; ஈஸ்வரன் வாயே திறக்க வில்லை!

ஜாதி ஒழிப்பைத்தான்ய்யா காதல் செய்யுது; அதனாலத்தானய்யா அத எதுக்கிறீங்க! ஜாதிவிட்டு ஜாதி கலந்து சமத்துவத்தைத்தானய்யா அது வித்தைக்கிது!

ஈஸ்வரனார் எவ்வளவு விஷத்தை கழுத்தில் வைத்துக்கொண்டு பேசுகிறார்  என்பதற்கு...

அமித்ஷாவின் 'தேசபக்த பணி' (மதுரையில் ஜாதிமாநாட்டில் கலந்ததைப்)யைப் பாராட்டியதில் இருந்தே... 'இவருண்ட (ஜாதி)மது போதை'யின் அளவு வெட்ட வெளிச்சமாக தெரிந்துவிட்டது!

------\

அராஜகமாக இருக்கிறது!

போராட்டத்தை அரசு எதிர்கொள்ளும் விதம் கேவலமாக, அராஜகமாக இருக்கிறது!

உதாரணமாக இன்று 10.8.15 இந்திய ஜனநாயக வாலிபர் சங்கம், இந்திய மாணவர் சங்கம், அனைத்திந்திய ஜனநாயக மாதர் சங்கம் ஆகியவை "மது இல்லாத தமிழகம்" என்ற கோரிக்கையை  வைத்து, 24 மணிநேரம் உண்ணாநிலை போராட்டம் அறிவித்து இருந்தனர்!

9.8.15 இரவு அலுவலகச் சுவற்றில் அனுமதியில்லை என துண்டு அறிக்கை ஒட்டிவிட்டு சென்று விட்டனர்.

10ந்தேதி உண்ணாநிலை போராட்டத்திற்கு சென்றால் அனைவரையும் கைது செய்து மண்டபத்தில் அடைத்துவிட்டனர்! இதுதான் போராட்டத்தை அதிமுக அரசு எதிர்கொள்ளும் லட்சனம்!

போராட்டக்காரர்கள் கோரிக்கையை பரிசீலிக்காமல்,

அல்லது ஜனநாயக ரீதியாகநடக்கும் அறவழி போராட்டத்தை க்கூட அனுமதிக்காமல் அராஜகம் செய்வதையே தன் முழுநேர பணியாக கொண்டுள்ளது தமிழகஅரசு!

10.8.15 இதன் ஒருபகுதி PTTV  நேர்பட பேசுவில் பதிவேற்றம் செய்யப்பட்டுள்ளது. நன்றி!

----\

இரண்டின் கொள்கைகளுமே வளர்ச்சிக்கு தடை!

பாரதிய ஜனதா குற்றச்சாட்டு உண்மையற்றது! வளர்ச்சிக்கு தடையாக இருப்பது இந்துத்துவா ஆதரவு  மற்றும் ஜாதிய வாத சக்திகள்! 

அது மட்டுமல்ல, பிஜபியின் பன்னாட்டு முதலாளிகள் குறிப்பாக 'கார்பரேட்' ஆதரவு கொள்கைகளும், உலகமய கொள்கைகளுமே! காங்கிரஸ் இதையேதான் அவர்களின் ஆட்சிபோது செய்தார்கள்!  

ஆகவே பாஜக, காங்கிரஸ் இரண்டின் கொள்கைகளுமே வளர்ச்சிக்கு தடையே!

----\

கம்யூனிசம் விஷம் அல்ல; விஷமுறிவு! 

ஆர்எஸ்எஸ் சின் இந்துமதமும், இந்துத்துவாவும், பாசிசமும் இந்தியாவில் தயாரிக்கப்பட்டதா? 

எதற்கு முராரி ராகம் முரளிஅவர்களே? வெளிநாட்டு இறக்குமதியை கம்யூனிஸ்ட்கள் எப்போது எதிர்த்தார்கள்? ஏன் எதிர்க்கிறார்கள்? 

இந்தியாவின் ஆன்மாவை அழிக்கும் உலகமயத்தையே எதிர்க்கிறார்கள்! 

இந்தியாவின் ஆன்மாவை அழிக்காமல், இந்தியா வாழ வழி வகுத்துக கொடுத்த சோசலிச சோவியத் யூனியனும், இன்று இந்தியாவை கபளீகரம் செய்யும் அமெரிக்க உள்ளிட்டு கார்ப்பரேட் ஏகாதிபதியமும் ஒன்றா? 

கம்யூனிசம் விஷம் அல்ல; பாசிசம், ஏகாதிபத்தியம், கார்பரேட் என்கிற விஷங்களில் இருந்து பாதுக்காக்கும் விஷமுறிவு! 

முகநூலில் முரளி என்பவர், கம்யூனிசம் விஷம் என பாடிய முராரி ராகத்திற்கு ஒரு மிக எளிய பதிவு; பதில் அல்ல!

பதிலை நீங்களும் பதியலாம்!

கருணாநிதி கேள்வி சரியானதே!

கருணாநிதி கேள்வி சரியானதே! ராம்தாஸ் அதிமுக திமுக வோடு கூட்டணி வைத்தப்போது மதுவிலக்கு வேண்டும் என்று எந்த நிபந்தனையும் விதித்ததாக தெரியவில்லை!

கம்யூனிஸ்ட் கட்சிகளைத் தவிர மற்ற கட்சிகள் யாவும் தேர்தல் நேரத்தில் (கடந்த காலங்களில்) கொள்கை அடிப்படை எதுவும் கிடையாது!  பதவிதான்!

திமுக  காங்கிரஸ் கூட்டணியில் அமைச்சர் பதவிகளை பெற பட்டப்பாடு பாரறியும்! சின்ன கட்சிகள் என்பதற்காக பெரிய கட்சிகள் ஏன் இப்படி பேசுகின்றன என்று தெரியவில்லை!

இவர்கள்  (பாமக, திமுக) நடத்தும் லாவணி கச்சேரியால் அரசியல் மேல் மக்களுக்கு மேலும் வெறுப்பைத்தான் ஏற்படுத்தும்!

இன்று PTTV 6.8.15 மக்கள் மேடையில் இதன் ஒருபகுதி பதிவேற்றம் செய்யப்பட்டுள்ளது.

================

சூப்பர் சுஷ்மாசுராஜ்ஜி!

எதிர்க்கட்சிகள் ஏற்கும் கட்டம் தாண்டிவிட்டது! சுஷ்மா சுராஜ் 'மடி'யில் கணமில்லை என்றால், பதவியில் 'மோகம்' ஏன்? பதவி விலகி எதிர் கொள்ள வேண்டியது தானே! 

பாஜக எதிர்கட்சியாக இருக்கும்போது ஆளும் கட்சியின் மீது ஊழல் குற்றச்சாட்டு வந்தால், பதவி வில வேண்டும்; மக்களைவை முடக்குவார்கள்! ஆனால் இவர்கள் ஆளும் கட்சியாகி விட்டால், பதவி விலக தேவையில்லை; எதிர்கட்சி எம்பிகளை சஸ்பெண்ட் செய்வார்கள்! 

என்ன சார் நியாயம்? மோடிஜி! மாமியார் உடைத்தால் மண்சட்டி; மருமகள் உடைத்தால் பொன்சட்டி! சூப்பர் சுஷ்மாசுராஜ்ஜி! 

இன்று 6.8.15 PTTV நேர்பட பேசுக்கு..!

======================

பாவம் பாமக! 

பாவம் பாமக! 

ரெண்டு வச்சிக்கிட்டு திரிஞ்சாங்க! 

ரெண்டும் இப்ப போச்சிங்கோ போச்சி! 

தலித் அல்லாத சாதிகளை சேக்கிறதில இப்ப பாஜக தலைவர் குஜராத் படுகொலை புகழ் அமித்ஷா நேற்று ஹஜாக் பண்ணிட்டாரு; 

மதுவிலக்கு சசிபெருமாள் மரணத்திக்கு பிறகு வேறு பரிமாணத்திற்கு போயிருச்சி!

=====================

இதுதான் காங்கிரஸ் நிலைபாடா? 

இன்று 8.8.15 PTTV அக்னி பரிட்சை யில் 

காங்கிரஸ் தேசிய செய்தி தொடர்பாளர் நடிகை குஷ்பு... 

இலங்கை தமிழர் பிரச்சனையில் 'கருத்து சொல்ல முடியாது!' ஆனால் இலங்கை பிரச்சனை தொடர்புடைய  வழக்கில் 'தூக்குத் தண்டனை' க்கு பதிலாக 'ஆயுள் தண்டனை'யாக மாற்றப்பட்டு உள்ள சூழலில், அதிலிருந்தும் விடுதலை கோரும் சூழலில்... குஷ்பு கூறுகிறார்... 

'தூக்குத்தண்டனை' வேண்டுமா? வேண்டாமா? என்று கேட்டபோது, "வேண்டும்" என்று 2 கைகளையும் உயர்த்துகிறாரே... இதுதான் காங்கிரஸ் நிலைபாடா? 

அப்படியென்றால் சோனியாஜி தூக்குத்தண்டனை வேண்டாமென்று அன்று நிலைபாடு எடுத்தாரே... அது காங்கிரஸ் நிலைபாடா? 

எது?

ஆடு பகை; குட்டி உறவு..! மோடிஜி உள்ளிட்டு ஜெயலலிதாஜி வரை... தனிநபர்கள் எல்லாரும் நல்லவரே; கொள்கையில் 'அல்லவரே' என்கிறார்! 

ஏனிந்த முரண்பாடு? எதற்கு இத்தனை முரண்பாடுகள் குஷ்புஜி க்கு வைத்த பரிட்சையில்!

=============================

தேர்தல் அரசியலே!

எது எப்படியோ தமிழ்நாடு சட்டபேரவை தேர்தல் வருவது உறுதி! 

அது முன்பாக வந்தாலும், பின்பாக வந்தாலும் அரசியல் கட்சிகளுக்கு, அடுத்த 5 ஆண்டுகளுக்கு யார் ஆளுவதென்ற "அதிகாரம்" பெற்றிடும் உச்சபட்ச  போராட்டம்! 

இடதுசாரி கட்சிகள் என்றும் திருநாள் (போராட்டம்)! மற்ற கட்சிகளுக்கு கடைசி 6 மாதங்கள் மட்டுமே திருநாள் (போராட்டம்)! 

மோடி ஓடோடி வந்து லேடியை சந்தித்ததும், உடல் நலமின்றி இருந்த லேடி விமானம் நிலையம் ஓடோடி சென்று மோடியை வரவேற்றதும், வீட்டிலே விருந்தளித்ததும் கூட்டிக் கழித்துப் பார்த்தால், தேர்தல் முன் 'கூட்டியே' வந்துவிடும் போல்தான் தெரிகிறது! 

ஆம்! டாடி  பேச்சைக்கேட்டு சசிபெருமாள் குடும்பத்திற்கு ரூ10லட்சம் சன் கொடுத்தது சாதாரணமா? 

20 தமிழர்களை கொன்று குவித்தப்போது "பேச்சுமூச்சு" இன்றி இருந்த  தமிழக அதிமுக அரசு லட்சங்களும் தருவதும், அரசு பணிகளுக்கு ஆர்டர் போடுவதும் அதிகபட்சம் தேர்தல் அரசியலே!

செல்போன் டவர்மீது ஏறி, 

போராடுவதுதான் காந்தீயமா? 

மத்திய மாநில அரசுகள் முடிந்தால் ஒரு இரங்கல் செய்தியை "பிரஸ் ரிலீஸ்" செய்துவிட்டு, ப்ரெஷ்சா சரக்கு வாங்கி விற்க போகிறது! 

தமிழக அரசுக்கு தற்போதைய டாஸமாக் மது "பொன் முட்டையிடும் வாத்து!" அதை அவ்வளவு சீக்கிரத்தில் "அறுக்காது!" 

ஆனால் இன்னும் பல பல ஆயிரம் தாய்மார்களின் "தாலியைத்தான் அறுக்கும்!" இன்றைய மத்திய அரசுக்கு இதெல்லாம்  ஒரு பிரச்சனையே கிடையாது! 

அதையும் மீறி எதாவது நிர்ப்பந்தம் செய்தால், "காதல் தோல்வியால்... ஆண்மை குறைவால் செல்போன் டவர் மீது ஏறி தற்கொலை" செய்து கொண்டார் சசிபெருமாள் என்று மத்திய அமைச்சரின் அறிக்கை சுடச்சுட வரும்! அவ்வளவுதான்! 

குடிப்பவர்களாகப் பார்த்து குடியை விட்டு விட்டால்தான் உண்டு! 

வேறென்ன சொல்ல..?!  

===

குடித்தவர்... குடிப்பவர்... சாகட்டும்..!மது குடிக்காதவர் ஏன் சாகணும்..????

இதனால் குடிப்போர் குடிப்பதை நிறுத்துவார்களா?  

குடிமக்கள் சார்ந்த இந்த வினாவுக்கு விடை என்ன? 

செல்போன் டவர்மீது ஏறி, போராடுவதுதான் காந்தீயமா? 

இது மாதிரியான  போராட்ட வடிவங்கள் சரியா? தேவையா? 

அரசுகள் குடிமக்களை குடிகாரர்கள் ஆக்கும் 

அதன் கொள்கைகளில், நடைமுறைகளில் மாற்றம் மிகமிக அவசியம்! 

அது வேறு! அதற்காக இப்படியா..?!

========================================================================

'ராமர்'ராஜ்யத்தில் வேறு 

எதை எதிர்ப்பார்க்க முடியும்!?

விவசாயிகளின் தற்கொலைக்கு விவசாயிகள்தான் காரணம் என்று ஒரு வாதத்திற்காக வைத்து கொண்டாலும், அரசும், அரசாங்கமும் எதற்கு? விவசாயிகளின் பிணத்தைப் புதைப்பதற்கா?

இல்லையென்றால் விவசாயி தற்கொலைக்கு காதல் தோல்வி என்றும், ஆண்மை குறைவால் அவமானம் தாங்காமலும் தற்கொலை செய்து கொண்டனர் (பெண்கள் பெண்மை குறைவாக இருக்குமோ) என்று கூறிவிட்டு, அந்த அமைச்சரும் இன்னும் அமைச்சராக இருப்பாரா? பிரதமரும் அதை இன்றுவரை ரசித்துக்கொண்டுதானே இருக்கிறார்! 

உலகத்தில் வேறெந்த நாட்டிலாவது இப்படிப்பட்ட அமைச்சர்கள் நடமாட முடியுமா? இதுதான் இன்றைய கார்பரேட் இந்தியா?

காந்தி கண்ட ராமராஜ்யம் போய் சவர்கார் கண்ட 'ராமர்'ராஜ்யத்தில் வேறு எதை எதிர்ப்பார்க்க முடியும்!?

நாளை 02.08.15 காலை 10.30 மற்றும் இரவு 09 மணிக்கு புதிய தலைமுறை டிவி யில் வரும் "உரக்கச் சொல்லுங்கள்" நிகழ்ச்சி தலைப்பிற்கு..! 

தமிழ்நாடு விவசாயிகள் சங்க மாநில செயலாளர் பெ.சண்முகம் இதில் நடுவர்களில் ஒருவராக பங்கேற்கிறார்!

========================================================================

ஒன்னுமே புரியல உச்சநீதி மன்றத்திலே..!

என்னமோ நடக்குது..!

மர்மமாக இருக்குது..!

ஒன்னுமே புரியல உச்சநீதி மன்றத்திலே..!

உச்சநீதி மன்ற பதிவாளர் ராஜினாமா ஏன்..?

யாக்கூப் மேனன் தூக்கில் மர்மம்..!

ராஜிவ் கொலை வழக்கில் சிபிஐ தியாகராசன் போல் விரைவில் வெடிக்க இருக்கும் சங்கதிகள்..! (தினமணி 02.08.2015)